குரங்கு மனம்...!! - Mano Red

by Mano Red Thu Dec 04, 2014 8:02 am

ஒன்றிலிருந்து ஒன்பது
எட்டிலிருந்து எழுபது
இப்படி கணக்கு வழக்கில்லாமல்
ஏட்டிக்கு போட்டியாக
தாவுகிறது பாவி மனம்...!

முயலைப் பார்த்ததும்
ஓட்டமாய் ஓடுகிறது,
ஆமையை நினைத்தாலே
அடக்கமாய் அடங்கி விடுகிறது,
நிமிடத்திற்கு ஒரு முகம்
நொடிக்கு ஒரு மனம் என
குரங்காய் கூத்தடிக்கிறது...!!

நன்றாகவே யோசிக்கிறது
அதிலொன்றும் குறையில்லை,
நேற்றிரவு
சரியென ஆமோதித்த ஒன்றை
இன்றிரவு
தவறென அவமதித்து
வேறு ஒன்றிற்கு
பாய்ந்து விடுகிறது..!!

துன்பம் கண்டு
எளிதில் இறங்கினாலும்
யோசிக்காமல் மீண்டும்
அங்கேயே ஏறி நிற்கிறது,
என்ன செய்தாலும்
பாதியில் தொங்கி
ஆட்டம் போடுகிறது..!!

ஆசைப்பட்டதையெல்லாம்
பறித்துப் புடுங்க
ஆளாய்ப் பறந்தாலும்,
முடியா சூழ்நிலைகள்
சூழும் போதெல்லாம்
பிரச்சினை கண்டு
பறந்து ஓடி ஒளிகிறது..!!

ஆகவே
இன்று புரிந்தது
மனிதன் குரங்கிலிருந்து
வரவில்லை,
குரங்கு இனத்திலிருந்து
விரட்டப் பட்டிருக்கிறான்...!!

by **T.N.Balasubramanian** Thu Dec 04, 2014 8:49 am

மனம் ஒரு குரங்கு தான் ,
விரட்டப்பட்ட இனம் -----------நல்ல கற்பனை .
ரமணியன்

by Mano Red Thu Dec 04, 2014 8:53 am

நன்றி அய்யா

by **ஜாஹீதாபானு** Thu Dec 04, 2014 5:06 pm

மனித மனம் குரங்குன்னு சொல்றது எவ்வளவு உண்மை.

//நன்றாகவே யோசிக்கிறது
அதிலொன்றும் குறையில்லை,
நேற்றிரவு
சரியென ஆமோதித்த ஒன்றை
இன்றிரவு
தவறென அவமதித்து
வேறு ஒன்றிற்கு
பாய்ந்து விடுகிறது..!!
//

குரங்கு மனம்...!! - Mano Red 3838410834

by Mano Red Thu Dec 04, 2014 5:31 pm

ஆமா அக்கா என்னோட குரங்கு மனம் அது ....

by **ஜாஹீதாபானு** Thu Dec 04, 2014 5:34 pm

Mano Red wrote:ஆமா அக்கா என்னோட குரங்கு மனம் அது ....

மேற்கோள் செய்த பதிவு: 1107875

அது சரி

எப்போதும் ஆன்லைன்ல தான் இருக்கீங்க. மற்ற பதிவுக்கும் உங்களின் கருத்தை சொல்லலாமே.

by Mano Red Thu Dec 04, 2014 5:53 pm

அக்கா ....மன்னிக்கவும் ...அத்தனை நேரம் கிடைப்பதில்லை...இதற்க்கு கூட பதில் சொல்லாமல் இருந்தால் மரியாதை தெரியாதவன் என்று நினைக்க தோன்றும் ஆகவே நன்றி சொல்கிறேன்...இது கூட கைப்பேசி தான் அக்கா.எனக்கும் ஆசை தான் ..இதில் முடியவில்லை ...உங்கள் கேள்விக்கு குற்றவாளியாக உணர்கிறேன்...மன்னிக்கவும்...

by **ஜாஹீதாபானு** Thu Dec 04, 2014 5:56 pm

Mano Red wrote:அக்கா ....மன்னிக்கவும் ...அத்தனை நேரம் கிடைப்பதில்லை...இதற்க்கு கூட பதில் சொல்லாமல் இருந்தால் மரியாதை தெரியாதவன் என்று நினைக்க தோன்றும் ஆகவே நன்றி சொல்கிறேன்...இது கூட கைப்பேசி தான் அக்கா.எனக்கும் ஆசை தான் ..இதில் முடியவில்லை ...உங்கள் கேள்விக்கு குற்றவாளியாக உணர்கிறேன்...மன்னிக்கவும்...

மேற்கோள் செய்த பதிவு: 1107879

சரி சரி வருத்தப்படாதிங்க மனோ. விவரம் தெரியாமல் சொல்லிவிட்டேன். ஆறுதல்

by Mano Red Thu Dec 04, 2014 6:02 pm

இல்ல அக்கா ...எல்லாருக்கும் கோவம் இருக்கும் ...யாரோட பதிவையும் படிக்க முடியவில்லை...என்ன சொல்ல எனக்கே தெரியல அக்கா ...மன்னிப்பு கேட்டு கஷ்டபடுத்துகிறேன் உங்களை...

by **ஜாஹீதாபானு** Thu Dec 04, 2014 6:05 pm

Mano Red wrote:இல்ல அக்கா ...எல்லாருக்கும் கோவம் இருக்கும் ...யாரோட பதிவையும் படிக்க முடியவில்லை...என்ன சொல்ல எனக்கே தெரியல அக்கா ...மன்னிப்பு கேட்டு கஷ்டபடுத்துகிறேன் உங்களை...

மேற்கோள் செய்த பதிவு: 1107881

அட விடுங்க தம்பி. கவிதை சூப்பரா எழுதும் நீங்க பின்னூட்டமும் சூப்பரா எழுதுவிங்களேனு தான் சொன்னே. புன்னகை