ரிமோட் – நிமிடக்கதை

**ayyasamy ram** · **ayyasamy ram** Tue 25 Nov 2014 - 11:15

-

கடையில் இருந்து புதிதாக பேட்டரி வாங்கி வந்தான்
பாஸ்கர்.
வீட்டில் மனைவி துர்க்கா கத்திக்கொண்டிருந்தாள்
-
என்னதான் பண்ணுவீங்களோ அப்பாவும் புள்ளையுமா,
அந்த ரிமோட்டை…
என்னத்த அமுக்கித் தொலைச்சீங்க? அப்படியே நிக்குது.!
-
கொஞ்சம் பொறுமையா இரு. மனோகர்தான் ஸ்கூல்
போறதுக்கு முன்னாடி பாஸ் பட்டனை அமுக்கிட்டான்
போல -மகன் மீது பழியைப் போட்டான்.
-
டி.வி.யில் காலையில் ராசிபலனை சொல்ல அமர்ந்த
சோதிடர் எதையோ சொல்ல வந்தலர் அப்படியே இருந்தார்
-
ரிமோட்டில் புது பேட்டரியைப் போட்டு, அத்தனை
பொத்தான்களையும் அழுத்த தொலைக்காட்சியில் எந்த
சலனமும் இல்லாமல், ஜோதிடர் பரிதாபமாக சிறை
பட்டிருந்தார்.
-
அவன் வரட்டும்…எப்பப் பார்த்தாலும் எதையாவது நோண்டி
வச்சிட்டு போயிடுறான்…பெரிதாக சபித்தான்
-
அது டி.வி.ரிமோட்’தானான்னு பாருங்க.
நீங்க பாட்டுக்கு வேற ஏதாவது ரிமோட்டை நோண்டிக்கிட்டு
இருக்கப் போறீங்க, என்றாள் மனைவி.
-
அதை ஒரு முறை சரிபார்த்து விட்டு, அசடு வழிந்தான்
பாஸ்கர். ஆமாம்…அவனது கையில் இருந்தது
டி.வி.டி,ரிமோட்..!
-
—————————————
>ராம்பிரசாத், சென்னை
நன்றி: வாராந்தரி ராணி

படம்-இணையம்