அமெரிக்காவிடமிருந்து நவீன ரக RQ 4 ஆளில்லா உளவு விமானங்களை வாங்குகிறது இந்தியா

அமெரிக்காவிடமிருந்து நவீன ரக RQ 4 ஆளில்லா உளவு விமானங்களை வாங்குகிறது இந்தியா

அடுத்த தலைமுறைக்கான நவீன ரக ஆளில்லா உளவு விமானங்களை அமெரிக்க ராணுவம் அதன் கடற்படை மற்றும் தரைப்படை உதவிக்கு பயன்படுத்துகிறது இது சுமார் 60000 அடிக்கு மேல் பறக்கக் கூடியது மேலும் இதனால் சுமார் 500 கிலோமீட்டர் வேகத்திற்கு மேல் சுமார் 24 மணி நேரம் தொடர்ந்து பறக்கக் கூடியது . இதிலிருக்கும் சென்சார்கள் மிக சிறிய வடிவில் இருக்கும் எதிரி படகுகளையோ அல்லது சிறிய ராணுவ ஊர்திகளையோ மிக துல்லியமாக படமெடுத்து அருகில் இருக்கும் நேசப் படைகளுக்கோ அல்லது ராணுவ தளத்திற்கோ அனுப்பி விடும்.

மேலும் இதனால் மிகவும் தாழ்வாகப் பறந்து எதிரி ஊர்தியை மிக துல்லியமாக வேவு பார்த்து விட்டு உடனடியாகா அதி உயரத்தில் பறக்கும் ஆற்றல் பெற்றது . இது தொடர்ச்சியாக 24 மணி நேரம் பார்க்கும் என்பதால் அதிக நேரம் ஒரு இடத்தையோ அல்லது குறிப்பிட்ட இடத்தையோ அதிக நேரம் உளவு பார்க்கலாம் . சுமார் 8 அல்லது 10 இது போன்ற விமானங்கள் இருந்தால் இந்திய பெருங்கடல் அரேபியக் கடல் மற்றும் வங்காள விரிகுடா போன்ற கடல் பகுதிகளை மிக துல்லியமாக 24 மணி நேரமும் கண்காணிக்கலாம் .

இந்திய கடற்படை சுமார் 8 MQ 4 C ரக உளவு விமானங்களை வாங்க உத்தேசித்துள்ளதாகவும் . அதற்கான விற்பனையை அமெரிக்க பாதுகாப்பு தலைமையகமான பென்டகன் அளித்துள்ளதாகவும் விமான நிறுவனமான Northrop Gruman கூறியுள்ளது

ஏற்கனவே சிறு தூரத்தை கண்காணிக்க Do 228 Dornier ரக விமானங்களும் இடைப்பட்ட மற்றும் அதிக தூரங்களுக்கு IL 38 SD விமானமும் அதிக மற்றும் மிக அதிக தூரங்களுக்கு Tu 142 மற்றும் அமெரிக்க தயாரிப்பான நவீன ரக P 8 1 விமானமும் செயல்பாட்டில் உள்ளது .

மேலும் சில செய்திகளின் படி இந்திய ராணுவமும் இதில் ஆர்வம் காட்டியுள்ளதாகவும் . இது அதிக உயரத்தில் பறக்கும் என்பதாலும் இதன் சிறப்பான 24 மணி நேர தொடர் கண்காணிப்பு இருப்பதாலும் எல்லையில் பயன்படுத்த திட்டமிட்டிருப்பதாகவும் தகவல்கள் உள்ளன .

இந்திய ராணுவம் குறைந்த அளவில் தாழ்வாக பறக்கும் ஆளில்லா உளவு விமானங்களையே பயன்படுத்துகிறது . இவை எதிரி விமான எதிர்ப்பு ஏவுகணைகளால் வீழ்த்தப்படும் சாத்தியம் மிக அதிகம் .

எனவே RQ 4C பயன்படுத்தும் எண்ணம் உள்ளதாக ராணுவ வட்டாரங்கள் கூறுகின்றன. இந்திய ராணுவம் பல வகையான மிக சிறிய உளவு விமானம் முதல் அதிக தூரம் பறக்கும் இஸ்ரேலிய தயாரிப்பான Heron ரக விமானங்களைப் பயன்படுத்துகிறது .

மேலும் இந்திய ராணுவத்தின் JSTARS இப்போது தான் இஸ்ரேல் நாட்டில் சோதனை செய்யப்பட்டு வருகிறது . இவை அனைத்தும் களத்தில் ஈடுபடுத்தப்படும் போது நமது எல்லைகள் 24 மணி நேர கண்காணிப்பு வளையத்தில் வந்து விடும்.