ஐஐடி மாணவருக்கு ரூ.1.54 கோடி சம்பளம்

**ayyasamy ram** · **ayyasamy ram** Thu Dec 04, 2014 10:05 am

காரக்பூர் ஐஐடி மாணவர் ஒருவர் வளாகத்தேர்வின்
மூலம் ஆண்டுக்கு 2.5 லட்சம் அமெரிக்க டாலர்கள்
(சுமார் ரூ.1.54 கோடி) சம்பளத்தில் வெளிநாட்டு
நிறுவனத்தில் பணிபுரிய தேர்வு செய்யப்பட்டுள்ளார்.
-
இதுவரை காரக்பூர் உட்பட அனைத்து ஐஐடி-களின்
வளாகத் தேர்வில் உறுதியளிக்கப்பட்ட அதிகபட்ச
ஊதியம் இதுவாகும்.
-
இது தொடர்பாக ஐஐடி காரக்பூர் நிர்வாகிகள் கூறும்
போது, “வளாகத்தேர்வில், 27 நிறுவனங்கள் பங்கேற்று
163 பேருக்கு பணிநியமனக் கடிதம் வழங்கியுள்ளன.

உள்நாட்டில் அதிகபட்சம் ஆண்டுக்கு ரூ. 42 லட்சம்,
வெளிநாட்டில் அதிகபட்சம் சுமார் ரூ.1.54 கோடி
அளிக்கப்பட்டுள்ளது. வேலை அளித்த நிறுவனம்
மற்றும் வேலை கிடைத்த மாணவரின் பெயரை
வெளியிட இயலாது.
அது அந்த மாணவர்மீதான தேவையற்ற கவன
ஈர்ப்பை ஏற்படுத்தி விடும்” என்றனர்.
-
---------------------------------------
தமிழ் தி இந்து