மார்க்கெட் விலைக்கே கேஸ் சிலிண்டர்கள் விற்பனை

by **T.N.Balasubramanian** Sat Nov 29, 2014 7:58 pm

First topic message reminder :

மார்ச் 31 , 2015 முதல் மார்க்கெட் விலைக்கே கேஸ் சிலிண்டர்கள் விற்பனை

ஆதார் கார்டு இருக்கிறதோ, இல்லையோ 2015ம் ஆண்டு மார்ச் 31ம் தேதி முதல் வீடுகளுக்கு டெலிவரி ஆகும் காஸ் சிலிண்டர்களை மார்க்கெட் விலைக்கே வாடிக்கையாளர்கள் பெற வேண்டும். மானியப் பணத்தை அரசு அவர்களது வங்கிக் கணக்கில் நேரடியாக சேர்த்து விடும். அதேசமயம் ஆதார் கார்டு இருந்தால்தான் வங்கிக் கணக்கில் மானியப் பணத்தைப் பெற முடியும் என்ற கட்டுப்பாட்டையும் மத்திய அரசு நீக்கியுள்ளது. முதல் கட்டமாக நாடு முழுவதும் 54 மாவட்டங்களில் கடந்த நவம்பர் 15ம் தேதி நேரடியாக மானியத்தை வாடிக்கையாளர்களுக்குத் தரும் திட்டத்தை மறு அறிமுகம் செய்தது அரசு. தற்போது ஜனவரி 1ம் தேதி முதல் இது நாடு முழுவதும் அமலுக்கு வருகிறது. இருப்பினும் டீலர்களிடமிருந்து மானியத்துடன் கூடிய சிலிண்டர்களை நேரடியாக நுகர்வோர் பெற்றுக் கொள்வதற்கு 2015, மார்ச் 31ம் தேதி வரை அவகாசம் கொடுத்துள்ளது மத்திய அரசு. ஆனால் அந்த தேதிக்குப் பின்னர் நேரடியாக சிலிண்டர்களை மானிய விலையில் டீலர்களிடமிருந்து பெற முடியாது. மார்க்கெட் விலைப்படிதான் நுகர்வோருக்கு விற்கப்படும். அதற்குள் நுகர்வோர் தங்களது மானிய தொகையைப் பெறுவது தொடர்பான கணக்கு விவரத்தை வங்கியில் உரிய விண்ணப்பம் மூலம் தெரிவித்து விட வேண்டும். அப்படிச் செய்யாவிட்டால் அவர்களுக்கு மானியமே கிடைக்காது. இந்த பதிவை செய்வதற்கு, ஆதார் கார்டு வைத்திருந்தால் முதலில் ஆதார் கார்டு எண்ணை வங்கியில் தெரிவிக்க வேண்டும். இதற்கு பார்ம் 1 என்ற விண்ணப்பத்தை பூர்த்தி செய்து கொடுக்க வேண்டும். அதேபோல இந்த பார்ம் 1 விண்ணப்பத்தை டீலர்கள் வைக்கும் பெட்டியிலும் கூட போடலாம். அடுத்து இந்த ஆதார் கார்டு எண், வாடிக்கையாளர்களின் நுகர்வோர் எண்ணுடன் இணைக்கப்படும். இதை பார்ம் 2 என்ற விண்ணப்பத்தை விநியோகஸ்தரிடமிருந்து பெறலாம் அல்லது 1800-2333-555 என்ற கால் சென்டர் எண்ணைத் தொடர்பு கொண்டும் கூறலாம். மேலும், http:rasf.uiadai.gov.in என்ற இணையதளத்திற்குப் போயும் இதைச் செய்யலாம் அல்லது சிலிண்டர் புக் செய்யப் பயன்படுத்தும் IVRS எண்ணைத் தொடர்பு கொண்டும் தெரிவிக்கலாம். இந்த இரு விண்ணப்பங்களையும், http:www.mylpg.in என்ற இணையதளத்திலிருந்து டவுன்லோட் செய்துகொள்ளலாம். இந்தத் திட்டத்தில் இணைய ஆதார் கார்டு அவசியமில்லை. ஆதார் கார்டு இல்லாதவர்கள், அதற்கான விண்ணப்ப படிவத்தின் நகலை சமர்ப்பித்துப் பதிவு செய்யலாம்.

நன்றி tamil.oneindia.

ரமணியன்

by **T.N.Balasubramanian** Mon Dec 01, 2014 4:20 pm

ஜாஹீதாபானு wrote:பகிர்வுக்கு நன்றி ஐயா

கேஸ் விலை 1000 ரூபாய் எனச் சொல்கிறார்களே நடுத்தர மக்களாலாயே இந்த விலைக்கு வாங்கமுடியுமா?
எனக்குத் தெரிஞ்சு நிறைய பேர் இந்த திட்டத்தை எதிர்க்கிறாங்க. இதெல்லாம் சரி வருமா?

எதுக்கு இந்த தலைய சுத்தி மூக்கைத் தொடுற வேலை.

மேற்கோள் செய்த பதிவு: 1107008

gas பினாமி பெயரில் வாங்கி , வியாபார ரீதியாக , ஹோட்டல்களுக்கு 200/300 வைத்து விற்று வருகிறார்கள் , சில சமூக துரோஹிகள் . ஹோடேல்களுக்கு 200 /250 மலிவாக கிடைக்கிறது . industrial use என்று அவர்கள் வாங்கும் gas 1100/- மேல்.
இனிமேல் குடும்பங்களுக்கே 12 சிலிண்டருக்கு மேல் கிடையாது . அந்த 12 சிலிண்டருக்கு மான்யம் உண்டு .
ஆதார் கார்டு / பாங்க அக்கவுண்ட் மூலம் மான்யம் தரப்படும் என்பதால் , தில்லுமுல்லுக்கு , வழிகள் குறைவு.
ஒருவர் பெயரில் காஸ் கனக்க்ஷன் இருக்க மற்றவர்கள் உபயோகிக்க முடியாது .
இது நல்ல சிஸ்டம் . வரவேற்போம் . தில்லுமுல்லுகள் குறையும் . நீங்களும் வரவேற்பீர்கள் ஒரு நாள் .
ரமணியன்

by mbalasaravanan Mon Dec 01, 2014 4:47 pm

அநேகமா பழையபடி மர அடுப்பு தான் நல்லதுன்னு நினைக்கிறேன்

by **M.M.SENTHIL** Mon Dec 01, 2014 4:53 pm

T.N.Balasubramanian wrote:
gas பினாமி பெயரில் வாங்கி , வியாபார ரீதியாக , ஹோட்டல்களுக்கு 200/300 வைத்து விற்று வருகிறார்கள் , சில சமூக துரோஹிகள் . ஹோடேல்களுக்கு 200 /250 மலிவாக கிடைக்கிறது . industrial use என்று அவர்கள் வாங்கும் gas 1100/- மேல்.
இனிமேல் குடும்பங்களுக்கே 12 சிலிண்டருக்கு மேல் கிடையாது . அந்த 12 சிலிண்டருக்கு மான்யம் உண்டு .
ஆதார் கார்டு / பாங்க அக்கவுண்ட் மூலம் மான்யம் தரப்படும் என்பதால் , தில்லுமுல்லுக்கு , வழிகள் குறைவு.
ஒருவர் பெயரில் காஸ் கனக்க்ஷன் இருக்க மற்றவர்கள் உபயோகிக்க முடியாது .
இது நல்ல சிஸ்டம் . வரவேற்போம் . தில்லுமுல்லுகள் குறையும் . நீங்களும் வரவேற்பீர்கள் ஒரு நாள் .
ரமணியன்

மேற்கோள் செய்த பதிவு: 1107032

ஆமோதித்தல்

by **T.N.Balasubramanian** Mon Dec 01, 2014 5:52 pm

soplangi wrote:
ஜாஹீதாபானு wrote:பகிர்வுக்கு நன்றி ஐயா

கேஸ் விலை 1000 ரூபாய் எனச் சொல்கிறார்களே நடுத்தர மக்களாலாயே இந்த விலைக்கு வாங்கமுடியுமா?
எனக்குத் தெரிஞ்சு நிறைய பேர் இந்த திட்டத்தை எதிர்க்கிறாங்க. இதெல்லாம் சரி வருமா?

எதுக்கு இந்த தலைய சுத்தி மூக்கைத் தொடுற வேலை.
மேற்கோள் செய்த பதிவு: 1107008

கொஞ்ச நாளிலே மானியத்தை முழுவதும் நீக்கிடுவாங்க... அதுக்குதான் ...

மேற்கோள் செய்த பதிவு: 1107031

மான்யம் என்றும் , இலவசம் என்றும் கூறி , மக்களை ஏமாற்றி , அதன் மூலம் ஒரு குறிப்பிட்ட சிலர் , பொய்யாக ரேஷன் கார்டுகளை உண்டாக்கி , மான்யத்தில் கிடைக்கும் அரிசி ,பருப்பை , பாலிஷ் செய்து அயல் மாநிலங்களுக்கு அனுப்பி பணம் சம்பாதிக்கின்றனர்.
இந்த இலவசங்கள் எல்லாம் , வரியாக , நம் மேல் திணிக்கப்படுகின்றது . யாரும் , தர்மம் செய்வதற்காக , ஆட்சி செய்வது இல்லை . சின்ன மீனைப் போட்டு பெரிய மீனை எடுத்து செல்கிறார்கள் .
எல்லோரும் இலவசம் ( ஒரு விதத்தில் நீங்கள் கேட்காமலேயே , அவர்கள் இடும் பிச்சை ) வேண்டாம் என்று சொல்லி ,கொடுக்கும் பரிசுகளை ,நிராகரித்து , விடுங்கள் . நல்லதோர் வாழ்க்கை தரத்திற்கு அதுவே அடித்தளம் .
தற்போது , முதியோர் பென்ஷன் ( இந்த அப்ளிகேஷன் பாரமே 2000/- கொடுத்தால்தான் ,கொடுக்கப்பட்டது ) என்று 1000/- அல்லது அதற்கு மேலோ பெறும், பலர் , குறிப்பிட்ட தகுதி பெறும் வயதை விட , வயது குறைந்தவர்கள் . வேறு சில வாழ்வாதாரங்கள் இருந்தாலும் , இதையும் பெறுகின்றனர் . இந்த பென்ஷனை பட்டுவாடா செய்யும் தபால்காரரும் 50/75 ரூபாய் எடுத்துக்கொண்டு மீதியை தருகிறார் . அவர்களும் வாய் திறவாமல் வாங்கிக்கொண்டு போகிறார்கள் . இருவருமே திருடர்கள் .அவர்களுக்கு . ஒருவரின் பலவீனம் மற்றவர்களுக்கு தெரிந்து இருக்கிறது .
இதே பென்ஷனை ஆதார் கார்டு மூலமோ , pan card மூலமாக பாங்கில் கட்டி , அதிலிருந்து எடுக்கும் வழி செய்தால் , ஒருவரே 2/3 பெயரில் , பென்ஷன் வாங்குவது தவிர்க்கப்படும் . போஸ்ட்மன் னும், தப்பான வழியில் பணம் சம்பாதிக்க மாட்டார்.
எதற்கோ விளக்கம் கூறப்போக , ஏதேதோ எழுதவேண்டி வந்து விட்டது .
காஸ் தயாரிக்கும் விலை எதுவோ அதையே கொடுக்க தயார் என்றால் , இந்த மூக்கை சுத்தி தொடுகிற வழியை தவிர்க்கமுடியும் .
பானு , சௌகரியம் எப்பிடி ???
ரமணியன்

by **ஜாஹீதாபானு** Mon Dec 01, 2014 6:16 pm

சரி தான் ஐயா புன்னகை

எனக்கு ஒரு ரேசன் கார்ட் இல்ல ஆனா எனக்குத் தெரிந்தே போலி ரேசன் நிறையப் பேர் வச்சிருக்காங்க அவுங்களுக்கு இது நல்ல ஆப்பு.

by **T.N.Balasubramanian** Mon Dec 01, 2014 6:22 pm

ஏன் வேண்டாமா ? ஏற்கனவே 2 லக்ஷம் போலி கார்டுகளை கண்டுபிடித்து உள்ளனர் .
இப்போதே , மனு தாக்கல் செய்யுங்கள் . கிடைக்கும்.
ரேஷன் கார்டு இருந்தால் , பல விஷயங்களுக்கு உதவும் . பொருட்களை வாங்குவதும்
வாங்காமல் இருப்பதும் நம் இஷ்டம் .
ரமணியன்

by **T.N.Balasubramanian** Mon Dec 01, 2014 8:29 pm

இப்போது கிடைத்த தகவல் ,பானு !

டெல்லி நிலவரப்படி இதுவரை 865 ரூபாய்க்கு விற்பனையான 14.2 கிலோ எரிவாயு கொண்ட சிலிண்டரின் விலையில், இன்று முதல் 113 ரூபாய் குறைந்து 752 ரூபாய்க்கு விற்கப்படும் என எண்ணெய் நிறுவனங்கள் தெரிவித்துள்ளன. மத்திய அரசின் மானியத்துடன் ஆண்டொன்றுக்கு மக்களுக்கு வழங்கப்படும் 12 சிலிண்டர்களுக்கும் மேலாக கூடுதலாக வாங்கப்படும் மானியமற்ற சிலிண்டர்களின் விலை கடந்த ஆகஸ்ட் மாதம் முதல் 5 முறை குறைக்கப்பட்டுள்ளதும், ஆகஸ்ட் மாதத்தில் இருந்த விலை நிலவரத்தில் இருந்து சுமார் 170 ரூபாய் விலை குறைந்துள்ளது.

நன்றி :tamil.oneindia.

ரமணியன்