கற்பு முதல் காங்கிரஸ் வரை: குஷ்பு டேட்டா!

கொண்டையில் தாழம்பூ, நெஞ்சிலே வாழைப்பூ, காங்கிரஸில் என்னப் பூ.... குஷ்பு! அந்த குஷ்புவின் அரசியல் வாழ்க்கையில் சில முக்கிய நிகழ்வுகள் இங்கே...

28 செப்டம்பர் 2005: பெண்களின் கற்பு குறித்து வெளியிட்ட கருத்து பெரும் சர்ச்சையைக் கிளப்பியது. குஷ்புவிற்கு எதிராக மறியல், போராட்டம், வழக்குகள் என்று தமிழகம் சூடேறியது. பா.ம.க-வும் விடுதலைச் சிறுத்தைகள் கட்சியும் அப்போது குஷ்புவுக்கு எதிராகத் தமிழகத்தின் பல நீதிமன்றங்களில் வழக்குகள் தொடுத்தன.

மே 2010: கருணாநிதியை சந்தித்து தி.மு.க-வில் இணைந்தார்.

பிப்ரவரி 2013: ஆனந்த விகடனுக்கு அளித்த பேட்டியில், ''தி.மு.க-வுக்கு அடுத்த தலைவர் ஸ்டாலின்தான் என்று ஒரு முடிவுக்கு வந்துவிடக் கூடாது. இறுதி முடிவைப் பொதுக்குழுதான் எடுக்கும்’’ என்று சொன்னார். அதைத் தொடர்ந்து திருச்சிக்கு சென்ற குஷ்புவை தி.மு.க.வினர் தாக்கி, அவமானப்படுத்தினார்கள். அதன் பின்னர்தான் குஷ்புவுக்கு தி.மு.க.வுக்குள் பல பிரச்னைகள் வரத் தொடங்கின.

16 ஜூன் 2014: தி.மு.க.வில் இருந்து விலகினார்.

17 ஜூன் 2014 : ‘‘திமுகவிலிருந்து விலகும் முடிவை அரை மனதோடு எடுக் காமல், இப்போதாவது முழு மனதோடு எடுக்க முடிந்ததில் சந்தோஷம். நான் வேறு கட்சிக்குப் போகும் எண்ணமில்லை. எனவே உங்கள் கற்பனைக் குதிரைகளைத் தட்டிவிட வேண்டாம். என் குடும்பத்துடன் சில காலம் நிம்மதியாக இருக்க விரும்புகிறேன்.’’ என்று ட்விட்டரில் சொன்னார்.

22 அக்டோபர் 2014 : ‘‘விரைவில் நல்ல முடிவு எடுக்கப் போகிறேன். அதற்காக என்னை வாழ்த்துங்கள். என்ன முடிவு எடுக்கப் போகிறேன் என்று இப்போது சொல்ல மாட்டேன். உடனே புதுப்படம் அல்லது தொலைக் காட்சியில் நடிக்கப் போகிறேன் என்று கற்பனை செய்து கொள்ள வேண்டாம்’’ என தனது ட்விட்டர் வலைதளத்தில் தெரிவித்து இருந்தார்.

25 நவம்பர் 2014 : பா.ஜ.க.வில் இணையப்போவதாக வந்த தகவலை மறுத்தார்.

26 நவம்பர் 2014 : அகில இந்திய காங்கிரஸ் தலைவர் சோனியா காந்தியையும், ராகுலையும் சந்தித்து காங்கிரஸில் இணைவதாக அறிவித்தவர், ‘‘எனது வாழ்க்கையில் இது மிகவும் மகிழ்ச்சியான தருணம். கடைசியில் எனது சொந்த வீட்டுக்கு வந்துவிட்டதைப்போன்று உணர்கிறேன். கட்சியில் எனக்கு என்ன ‘ரோல்’ என்பதை கட்சி முடிவு செய்யும்வரை காத்திருப்பேன்’’ என்றார்.

நன்றி: விகடன்

ஆமா இப்ப அங்க பூத்திருக்கு அவ்ளோ தான்

கட்சி விட்டு கட்சி தாவுறது அரசியலுக்கு ஒன்றும் புதிதல்ல!!!!!

உங்ககிட்ட இன்னும் நிறையா எதிர்பாக்கிறோம்...

வாழ்க! வருங்கால பிரதமரே!

ஆடிய காலும், பாடிய வாயும் சும்மா இருக்காதுன்னு சொன்னது உண்மைதான் போல

சரியான இடத்தில் தான் குஷ்பூ சேர்ந்திருக்கிறார். நல்ல முடிவு தான்.