இந்தியா முழுவதும் திருவள்ளுவர் விழா: தமிழர்களின் உணர்வுகளுக்கு கிடைத்த வெற்றி - வைரமுத்து

by **ராஜா** Sat Nov 29, 2014 1:24 pm

உத்தரகாண்ட் மாநிலத்தை சேர்ந்த பா.ஜனதா எம்.பி. தருண் விஜய் தமிழின் மேன்மை குறித்து பேசி வருகிறார்.

அவர் நேற்று டெல்லி மேல்–சபையில் ‘திருவள்ளுவரின் பிறந்த நாளை வட இந்திய பள்ளிகளில் கொண்டாடுவதற்கும், திருக்குறளின் சிறப்புகளை பள்ளி குழந்தைகள் அறிந்து கொள்ளும் வகையிலும் ஏற்பாடு செய்ய வேண்டும்’ என்றார்.

அவரது கோரிக்கையை ஏற்று அடுத்த ஆண்டு (2015) முதல் இந்தியாவின் அனைத்து பள்ளிகளிலும் திருவள்ளுவர் பிறந்த நாளை கொண்டாட ஏற்பாடு செய்யப்படும் என்று மத்திய மந்திரி ஸ்ருதி இரானி தெரிவித்தார்.

இதுபற்றி கவிஞர் வைரமுத்துவிடம் கருத்து கேட்ட போது அவர் கூறியதாவது:–

ஒட்டுமொத்த தமிழர்களின் உணர்வுகளுக்கும் கிடைத்த வெற்றி இது. திருக்குறளை உயர்த்தி பிடிக்க பாடுபட்ட, போராடிய அனைத்து தமிழர்களுக்கும், அனைத்து கட்சிகளுக்கும் கிடைத்த பெருமை.

பாராளுமன்றத்தில் தமிழ் உறுப்பினர்கள் சொல்வதை விட தருண் விஜய் சொல்வதில் அழுத்தம் அதிகம்.

வெற்றித்தமிழர் பேரவை சார்பில் அவருக்கு பாராட்டு விழா நடத்தியபோது நான் சொன்னேன். ‘காளிதாசனையும், வால்மீகியையும், தாகூரையும் நாங்கள் கொண்டாடுகிறோம். இளங்கோவடிகளையும், கம்பரையும் திருவள்ளுவரையும் நீங்கள் கொண்டாடலாமே’ என்றேன்.

இது முதற்கட்ட வெற்றி தான். நான் தொலைபேசியில் அவரை தொடர்பு கொண்டு நன்றி தெரிவித்தேன். அப்போது ஒட்டுமொத்த தமிழுலகும் நன்றி சொல்லும் என்றேன். அப்போது அமைச்சர் அவரை தனது அறைக்கு வரவழைத்து பேசி ஒப்புக்கொண்ட விபரத்தை தெரிவித்தார்.

இது ஒரு தொடக்கம்தான். இன்னும் ஆற்ற வேண்டிய பணிகள் நிறைய உண்டு. எங்களோடு நீங்கள் தோள் கொடுங்கள். நாங்கள் கொண்டாடுவோம்.

திருவள்ளுவர் விழாவை கொண்டாடுவது அவரது படத்தை கொண்டாடுவதல்ல. திருக்குறளை கொண்டாடுவது, திருக்குறளை மொழி பெயர்த்து வடமாநில பள்ளிகளில் கற்பித்து கொடுக்க வேண்டும். திருக்குறளின் கருத்துக்களை பிள்ளைகள் அறிந்து கொள்ள செய்ய வேண்டும். தமிழன் உலகுக்கு கொடுத்த கொடை என்ன? என்பதை திருவள்ளுவர் மூலம் வட நாட்டு பிள்ளைகள் உணர வேண்டும்.

இவ்வாறு அவர் கூறினார்.
-maalaimalar

by **ராஜா** Sat Nov 29, 2014 1:26 pm

மாலைமலரில் படித்த சில பின்னூட்டங்கள்

Saturday, November 29,2014 01:13 PM, சங்கர் said:
0 1
கவிப்பேரரசுக்கு கிடைத்த மகத்தான வெற்றி. ஆர்.எஸ்.எஸ். கொள்கையை முறியடித்த பச்சை திராவிடனுக்கு கிடைத்த வெற்றி. தமிழுக்கு முன்னால் சமஸ்க்ரிருதம் மண்டியிட்டுள்ளது. ஹா. ஹா. ஹா.
இக்கருத்துக்கு உங்கள் கருத்து .....?
Saturday, November 29,2014 12:54 PM, raman said:
1 1
இத்தனை நாள் நீங்கள் கூஜா தூக்கிய கருணாநிதி ஒன்றும் செய்யவில்லை. என்னமோ அவர் ஒருவரால்தான் தமிழ் வாழ்கிறது என்று கூத்தடித்தீர்கள். இப்போது ஹிந்திக்காரர்தான் செய்யவேண்டியிருக்கிறது. இதேபோல் கணினித் தமிழை வடிவமைத்த எராளமான வர்களை நீங்கள் பாராட்டியதுண்டா?
இக்கருத்துக்கு உங்கள் கருத்து .....?
Saturday, November 29,2014 12:41 PM, Muttal said:
2 3
திராவிட கட்சிகள் 15 வருடங்களுக்கு மேல் பதவிசுகம் அனுபவித்தது. வைரமுத்துவின் நெருங்கிய நண்பர், முத்தமிழ் கலகர், சொன்னதை கேட்கும் பிரதமர் இருந்தார். காங்கிரஸ் கட்சி 60 வருடம் ஆட்சியில் இருந்தது. தமிழக அமைச்சர்கள் அதிகம் பொறுப்புள்ள பதவியில் இருந்தனர். அவர்கள் எல்லாம் சாதிக்க முடியாததை ஒரு பிஜேபி / RSS காரர் செய்து முடித்து இருக்கிறார்.இந்த சாதனையில், திராவிட கட்சிகள் பங்கு கொள்ள விரும்புகின்றனர். ஹா ஹா ஹா
இக்கருத்துக்கு உங்கள் கருத்து .....?

by **M.Saranya** Sat Nov 29, 2014 2:34 pm

அருமையான பின்னூட்டங்கள்....
யோசிக்க வேண்டிய எல்லோரும் உணர்ந்து கொள்ளவேண்டிய பின்னூட்டங்கள்...
ஆக நம் தமிழன் பெருமை நம் பாரதமெங்கும் பாட போகிறது...

by **ராஜா** Sat Nov 29, 2014 2:36 pm

M.Saranya wrote:அருமையான பின்னூட்டங்கள்....
யோசிக்க வேண்டிய எல்லோரும் உணர்ந்து கொள்ளவேண்டிய பின்னூட்டங்கள்...
ஆக நம் தமிழன் பெருமை நம் பாரதமெங்கும் பாட போகிறது...

ஆமாம் ஐயா

by Sponsored content

இந்தியா முழுவதும் திருவள்ளுவர் விழா: தமிழர்களின் உணர்வுகளுக்கு கிடைத்த வெற்றி - வைரமுத்து

இந்தியா முழுவதும் திருவள்ளுவர் விழா: தமிழர்களின் உணர்வுகளுக்கு கிடைத்த வெற்றி - வைரமுத்து

Re: இந்தியா முழுவதும் திருவள்ளுவர் விழா: தமிழர்களின் உணர்வுகளுக்கு கிடைத்த வெற்றி - வைரமுத்து

Re: இந்தியா முழுவதும் திருவள்ளுவர் விழா: தமிழர்களின் உணர்வுகளுக்கு கிடைத்த வெற்றி - வைரமுத்து

Re: இந்தியா முழுவதும் திருவள்ளுவர் விழா: தமிழர்களின் உணர்வுகளுக்கு கிடைத்த வெற்றி - வைரமுத்து

Re: இந்தியா முழுவதும் திருவள்ளுவர் விழா: தமிழர்களின் உணர்வுகளுக்கு கிடைத்த வெற்றி - வைரமுத்து