சிறு புள்ளியானது உலகம்

by jawhar Sat 29 Nov 2014 - 0:48

அயல் நின்று நோக்கினேன்
அளவறிய முடியா பாவியானேன்
அருகினின்று விழகிச் சென்றேன்
அனைத்துமறிந்தேன் துளியாக

உடனிருந்து பார்த்தேன்
விசாலமாகியது உலகம்
உயரம் சென்றதனை உணர்ந்தேன்
சிறு புள்ளியானது உலகம்

அதிகாரம் இருக்கையிலே
அணைந்தனர் பல பேர்என்னூடே
அகன்றது அவதார அதிகாரம்
அடக்கினர் எனை சில நேரம்!

நான் விட்ட எலும்பை
தூக்கிடப் பல பேர் கலத்தில்
நிலத்தில் விழுந்த எனை
மிதித்தெழ நினைத்த பல நபர்கள்

விலங்கினம் மாமிசத் துண்டுக்காய்
விழுந்தெழுந்து சமர் செய்வது போல்
கதிரை இருக்கைக்காய்
மனிதம் மறந்து மாக்களாயினர்

சிவன் கழுத்து வீரப் பாம்பு
கழுத்தை விட்டகழ்ந்துவிட்டால்
ஓணான் கொத்திகளும் பருந்துகளும்
துவம்சம் செய்துவிடும் இறக்கும்வரை

நாகரீகம் நவநாகரீகம் என்றெல்லாம்
நமக்கு நாமே சொல்லிக் கொண்டோம்
நெடிந்துவிட்டோம் என நாமே
ஏமாந்து கிடக்கிறோம் மனிதம் மறந்ததனால்

ஜவ்ஹர்