ரொம்ப அழகான உரையாடல் அவசியம் படியுங்கள்

by mbalasaravanan Thu Nov 27, 2014 12:17 pm

ரொம்ப அழகான உரையாடல் அவசியம் படியுங்கள்
---------------------------------------------------------------------------
நேற்றிரவு,
தூங்கும் முன் என் மகள் என்னிடம் கேட்டாள்.
"ஏன் அப்பா கொசு ராத்திரிலமட்டும் நிறைய கடிக்கவருது....
அது எப்ப அப்பா தூங்கும்?"
"அது தூக்கம் வரும்போது தூங்கும்..."
"எப்ப தூக்கம் வரும்பா?"
"அது சாப்பிட்டவுடன் தூங்கும்..."
"கொசுக்கு வீடு எங்கப்பா?"
"அதுக்கு வீடே இல்லை..."
"ஏம்பா வீடே இல்லை?"
"அது ரொம்ப சின்னதா இருக்கே... அதான் வீடு இல்ல..."
"நான் ரொம்ப சின்ன பிள்ளைதானே ... எனக்கு வீடு இருக்கே....."
"இது அப்பா உனக்கு கட்டி தந்தது..."
"அப்போ கொசுவுக்கு அப்பா அம்மா இல்லையா அப்பா."
"அந்த அப்பா அம்மா கொசுவும் ரொம்ப சின்னதா இருக்குமா
அதான் அதுக்கு வீடு இல்ல..."
"கொசுவுக்கு கொசுன்னு யாருப்பா பேர் வைச்சது?"
"கடவுள்..."
"கடவுளைக் கொசு கடிக்குமா அப்பா ?"
"கடிக்காது..."
"ஏம்பா கடிக்காது?"
"கடிச்சா கடவுள் தண்டிச்சிடுவார்..."
"அப்போ கடவுளுக்கு கோவம் வருமா அப்பா ?"
"வரும். தப்பு செய்தா கடவுள் அடிப்பாரு..."
"கடவுள் நல்லவராப்பா?"
"ரொம்ப நல்லவர்...."
"அப்புறம் ஏம்பா கொசுவை அடிக்கிறாரு?"
"அது அப்படித்தான் நீ தூங்கு..."
"கொசு ஏம்பா நம்மளைக் கடிக்குது?"
"அதுக்கு பசிக்குது..."
"கொசு இட்லி சாப்பிடுமா?"
"அதெல்லாம் பிடிக்காது..."
"கொசு கூல்ட்ரிங்க்ஸ் குடிக்குமா?"
"வாயை மூடிட்டு தூங்குடா செல்லம்..."
"ஒரே ஒரு கேள்வி அப்பா ?"
"கேட்டுத் தொலை"
"கொசுவுக்கு எத்தனை பல் இருக்கும்?"
"அதுக்கு பல்லே இல்லை..."
"பிறகு எப்படி கடிக்கும்?"
"அய்யோ ஏண்டா உசுர வாங்குற?
இப்ப நீ வாய மூடாட்டி பேய்கிட்ட புடிச்சுக் கொடுத்திடுவேன்..."
"பேயைக் கொசு கடிக்குமா அப்பா?"
"இப்ப நீ வாயை மூடிட்டு தூங்க போறியா இல்லையா??"
"நாம தூங்கும் போது வாயும் தூங்குமா அப்பா..?"
இன்றிலிருந்து தினமும் இரவு வேலைக்கு
போகலாம்னு முடிவு பண்ணி, வேலை
தேடிகிட்டிருக்கேன்... இருந்தால் சொல்லுங்கள்!!!!
குழந்தைகள் உலகம் அழகானது மட்டுமல்ல. ஆழமானதும் கூட. எம்மால் நம் குழந்தைகள் இழந்தவை மிக அதிகம் என்றே எண்ணத் தோன்றுகிறது...ஒரு குழந்தையின் கேள்வி ஞானத்திற்க்கு முன் நாம் எல்லாம் முட்டாள்கள் தான்.

நன்றி:முகநூல்

by **ஜாஹீதாபானு** Thu Nov 27, 2014 12:24 pm

படித்த உரையாடல் தான் பகிர்வுக்கு நன்றி புன்னகை

by **ayyasamy ram** Thu Nov 27, 2014 12:58 pm

by **மாணிக்கம் நடேசன்** Thu Nov 27, 2014 1:01 pm

இப்படித்தான் எங்க மாமா அங்கள் அவரு பொண்ணுகிட்ட மாட்டிக்கிட்டு படாத பாடு பட்டு கிட்டு இருக்காரு. ரெண்டு காதும் அவருக்கு வீங்கி போச்சாம், விசயம் வேற ஒன்னுமில்ல, பொண்ணு பிடிச்சி இருக்கிறதால. பாவம் எஙெக மாமா அங்கள்.

by **ராஜா** Thu Nov 27, 2014 1:03 pm

ரொம்ப அழகான உரையாடல் அவசியம் படியுங்கள் 3838410834

ஒரு சில விஷயங்களை தவிர (உதாரணத்திற்கு பாலியல் சம்பந்தப்பட்டது) புன்னகை

அறிவுபூர்வமான சந்தேகங்களுக்கு ஓரளவு குழந்தைகள் புரிந்துகொள்ளும்படி விளக்கி கூறுவது இது போன்ற எடக்குமடக்கு உரையாடலை குறைக்கும் என்பது எனது கருத்து.

by **T.N.Balasubramanian** Thu Nov 27, 2014 1:45 pm

நல்ல பதிவு .

புதிய விஷயம் தெரிந்து கொள்ள வேண்டும் எனில் "குழந்தையாய் " இரு , என்பது management experts கூறும் வேத மொழி . அப்பிடி என்றால் , குழந்தை போல் , என்ன , எதற்கு , எப்பிடி , ஏன், ஏன் கூடாது , செய்தால் என்ன ஆகும் என்று குழந்தைகள் போல் பல கேள்விகள் கேட்டு கேட்டு , அதற்கான பல பட்ட பதில்களை நம் மூளையில் வாங்கிக்கொண்டு ,நம்மை செம்மை/ பதப்படுத்தி கொள்ள வேண்டும் என்று கூறுவர்.

பொதுவாக , நம்மால் , சரியான பதில் கூறமுடியாத போது , கேள்வி கேட்டவரை , சிறியவராக இருந்தால் வாயை மூடிக்கொள்ள சொல்லுகிறோம் , சமமானவராக இருந்தால் அலட்சியப்படுத்துகிறோம் .
ரமணியன்

by **M.M.SENTHIL** Thu Nov 27, 2014 2:15 pm

by mbalasaravanan Thu Nov 27, 2014 4:36 pm

T.N.Balasubramanian wrote:நல்ல பதிவு .

புதிய விஷயம் தெரிந்து கொள்ள வேண்டும் எனில் "குழந்தையாய் " இரு , என்பது management experts கூறும் வேத மொழி . அப்பிடி என்றால் , குழந்தை போல் , என்ன , எதற்கு , எப்பிடி , ஏன், ஏன் கூடாது , செய்தால் என்ன ஆகும் என்று குழந்தைகள் போல் பல கேள்விகள் கேட்டு கேட்டு , அதற்கான பல பட்ட பதில்களை நம் மூளையில் வாங்கிக்கொண்டு ,நம்மை செம்மை/ பதப்படுத்தி கொள்ள வேண்டும் என்று கூறுவர்.

பொதுவாக , நம்மால் , சரியான பதில் கூறமுடியாத போது , கேள்வி கேட்டவரை , சிறியவராக இருந்தால் வாயை மூடிக்கொள்ள சொல்லுகிறோம் , சமமானவராக இருந்தால் அலட்சியப்படுத்துகிறோம் .
ரமணியன்

மேற்கோள் செய்த பதிவு: 1106596
உங்களின் கருத்து உண்மை தான் , அந்த தவறை நானும் செய்திருக்கிறேன்