சத்தமாக இசை கேட்ட பாகிஸ்தான் சிறுமி சுட்டுக் கொலை

**ayyasamy ram** · **ayyasamy ram** Thu Nov 27, 2014 11:13 am

இன்று (27-ம் தேதி) முதல் இந்தியாவில் ‘இ விசா’ திட்டம் அமல்படுத்தப்படுகிறது. இதன் மூலம் சுமார் 43 நாடுகளைச் சேர்ந்தவர்கள் இந்தியா வந்தவுடன் விமான நிலையங்களில் இணையம் மூலம் விண்ணப்பித்து சில நாட்களுக்குள் விசா பெற்றுக் கொள்ளலாம்.
-
இதுதொடர்பாக பிரதமர் நரேந்திர மோடி சில நாட்களுக்கு முன்பு அறிவிப்பு ஒன்றை வெளியிட்டிருந்தார். அதைத் தொடர்ந்து இந்தத் திட்டம் அமல்படுத்தப்படுகிறது. இதற்காக, ஏற்கெனவே உள்ள குடியுரிமை சட்டம் உள்ளிட்ட சில சட்டங்களில் திருத்தங்கள் கொண்டு வரவும் நடவடிக்கைகள் மேற்கொள்ளப்பட்டு வருகின்றன.
-
இந்தத் திட்டத்தின் மூலம் அமெரிக்கா, பிஜி தீவுகள், ஜெர்மனி, ஆஸ்திரேலியா, இஸ்ரேல் உள்ளிட்ட 43 நாடுகள் பயனடையும் என்று கூறப்பட்டுள்ளது.
-
————————–
தமழ் தி இந்து ,காம்

mbalasaravanan · mbalasaravanan Thu Nov 27, 2014 11:25 am

தலைப்பும் உள்ள இருக்ற விசயமும் மாறி இருக்கு

**ஜாஹீதாபானு** · **ஜாஹீதாபானு** Thu Nov 27, 2014 1:48 pm

**M.M.SENTHIL** · **M.M.SENTHIL** Thu Nov 27, 2014 2:38 pm

பாகிஸ்தானில் சத்தமாக இசை கேட்ட சிறுமி தனது உறவினரால் சுட்டுக் கொல்லப்பட்ட சம்பவம் அதிர்ச்சியை ஏற்படுத்தியுள்ளது.

பாகிஸ்தானின் பஞ்சாப் மாகாணத்தின் மதன் கல்லான் கிராமத்தில் ரேஹானா பிபி (16) என்ற சிறுமி திங்கள்கிழமைதனது வீட்டில் இசை கேட்டுக் கொண்டிருந்தார். அப்போது சத்தம் அதிகமாக இருந்ததை அடுத்து வீட்டுக்குள் வந்த சிறுமியின் மாமா, சத்தத்தை குறைக்கும்படி கூறினார்.

இருப்பினும் சிறுமி அவரது பேச்சைக் கேட்டு சத்தத்தை குறைக்காத நிலையில், தன்னிடம் இருந்த துப்பாக்கியை எடுத்து சிறுமியை நோக்கி அவர் சுட்டார்.

இதனை அடுத்து அங்கு வந்த சிறுமியின் தந்தை தனது மகள் ரத்த வெள்ளத்தில் இருப்பதை கண்டு மருத்துவமனைக்கு தூக்கிச் சென்றார். ஆனால் சிறுமி சிகிச்சைப் பலனின்றி உயிரிழந்தார்.

இது குறித்து போலீஸிடம் சிறுமியின் தந்தை தகவல் அளித்த நிலையில், குற்றச் செயலில் ஈடுபட்டவர் தப்பியோடியது தெரியவந்தது.

இந்தக் கொலைச் சம்பவம் குறித்து வழக்குப் பதிவு செய்து தலைமறைவான நபரை பாகிஸ்தான் போலீஸார் தேடி வருகின்றனர்.

நன்றி: தி இந்து