மறுபடியும் வாழ்க்கை

by Ponmudi Manohar Wed Nov 26, 2014 12:37 am

தேவனின் அருளாலே
மகிழ்வோம் இன்று நாமே
அவரின் கிருபையாலே
என்றும் நாம் மகிழ்வோமே

எத்தனையோ போராட்டம்
வந்ததே நாளெல்லாம்
அத்தனையும் அவராலே
வெற்றியால் சாதித்தோமே

வாதையால் கால்கள் தளர்ந்ததே
போதையால் காலங்கள் உதிர்ந்ததே
மாயை விலக்கித் துலக்கினார்
தயை தந்து கரம் பற்றினார்

மனக்காயங்கள் மறைந்ததே
என் ஊனங்களும் மறந்ததே
என் நேசரின் அன்பாலே
நான் இன்று குணமானேனே

பிழைகளோ நமக்குள்
ஆயிரம் இருந்தும்
பிள்ளைகளாய் நேசித்து
களைகள் நீக்கினாரே.

வலைகளோ பழுதாக
வழிகளோ சிக்கலாக
புதுப்பாதை தந்தார்
புதுவாழ்வு பெற்றோமே

வழி,வகை யெதுவுமின்றி
நெஞ்சமெல்லாம் எரிந்ததே
சந்தோஷ வாழ்க்கையை
தந்தார், எனக்கு தந்தாரே.

சாம்பலும் சாபமல்ல
வீழ்ந்ததும் முடிவல்ல
தேம்பிய உள்ளக்குரலை
அறிந்தென்னை மீட்டார்

காணாமல் போகமாட்டோம்
கலங்கியும் சோரமாட்டோம்
காக்கிறவர் காண்கிறார்
நம்மை அவர் காக்கிறார் .