பணம் என்னடா பணம்...!! - Mano Red

by Mano Red Tue Nov 25, 2014 8:08 am

எல்லோருக்கும்
எதாவது ஒரு நேரத்தில்
தேவைப்படும்,
அது மானம் அல்ல
பணம்...!!

யாரோ ஒருவரால்
சம்பாதிக்கும் பணம்,
யாரோ ஒருவரால்
திருடிச் செல்லப் படுகிறது..!!
பணத்துக்காக கொலை செய்ய
பணம் கொடுக்கப்படுகிறது..!!

எதோ ஒன்றை
வாங்குவதற்கும்,
வாங்கிய ஒன்றை
விற்பதற்கும் இடையில்
மனம் தேவையில்லை
பணம் போதும்..!!

யாரோ ஒருவனின்
வயிற்றில் அடித்து
பணம் சம்பாதித்தவன்,
பாதித்த வேறு ஒருவனுக்கு
பணம் தர மறுக்கிறான்,
ஏனெனில்
அவன் பிழைக்கத் தெரிந்தவன் ..!!

பணம் தின்று
கொழுத்தவனின்
பிணத்தை எரிக்கவும்
பணம் கேட்கப்படும்,
பிணவாசம் உணர்ந்து விட்டால்
பணவாசம் அற்றுப் போகும்...!!

உடம்பை விற்ற பணத்தில்
உடைகள் வாங்கப்படுகின்றன,
கடவுளைப் பார்க்க
பணம் கொடுத்து விட்டு
வேண்டுதலில் மீண்டும்
பணம் திருப்பி கேட்கப்படுகின்றன..!!

அரசன் சுவைத்த பணம்
அடிமையின் நாக்கிற்கு
எட்டுவதில்லை,
அதிகம் சேர்த்த பணம்
அன்பின் வழிக்கு
வருவதில்லை..!!

by **ayyasamy ram** Tue Nov 25, 2014 9:17 am

பணம் என்னடா பணம்...!! - Mano Red 3838410834

-

ஆனால் பணமில்லாதவன் பிணம்...என்று சொல்லி வைத்தார்கள்
-
கருவறையிலிருந்து சுடுகாடு வரை பணம் தேவை...
-
காசேதான் கடவுளடா - அது
அந்தக் கடவுளுக்கும் தெரியுமடா...
-

by Mano Red Tue Nov 25, 2014 10:14 am

சரியான பதில் ....பணம் தான் எல்லாம்

by **M.Saranya** Tue Nov 25, 2014 10:19 am

அருமையான கவிதை...
நன்றி...

பணத்தின் மதிப்பு உயர்ந்து பண்பின் தரம் தாழ்ந்து கிடக்கிறது...
என்ன செய்வது ? சோகம்

by Mano Red Tue Nov 25, 2014 10:52 am

நன்றி சரண்யா மேடம் ...:-)

by **M.M.SENTHIL** Tue Nov 25, 2014 1:57 pm

நல்ல கவிதை மனோ..

இருப்பினும் இந்த பாழாப்போன பணம்
நம்மிடம் இல்லையெனில் சமூகத்தில் மதிப்பு இல்லையே??

by Mano Red Tue Nov 25, 2014 4:23 pm

Ha ha...same blood annaa

by **M.M.SENTHIL** Tue Nov 25, 2014 4:24 pm

Mano Red wrote:Ha ha...same blood annaa

மேற்கோள் செய்த பதிவு: 1106133

பணம் என்னடா பணம்...!! - Mano Red OyFZPsRVQPiEssi10dkF+download

by **ஜாஹீதாபானு** Tue Nov 25, 2014 5:20 pm

பணம் என்னடா பணம் பணம் குணம் தானடா நிரந்தரம்.....

மனோ தம்பி இப்படி யார் சொன்னாலும் அவன் ஒரு முழு முட்டாள் தான்.

உங்களோட கவிதை நிஜமாவே வித்தியாசம் தான்.

சூப்பர் சூப்பர் வி.பொ.பா

by **T.N.Balasubramanian** Tue Nov 25, 2014 5:23 pm

Mano red wrote:உடம்பை விற்ற பணத்தில்
உடைகள் வாங்கப்படுகின்றன,
கடவுளைப் பார்க்க
பணம் கொடுத்து விட்டு
வேண்டுதலில் மீண்டும்
பணம் திருப்பி கேட்கப்படுகின்றன..!!

அருமை
ரமணியன்