உடல் ஆரோக்கியத்திற்கு கசப்பான உணவு

tnkesaven · tnkesaven Mon Nov 24, 2014 12:09 pm

உடல் ஆரோக்கியத்திற்கு கசப்பான உணவுப் பொருள்கள் அவசியம்

நம் உடல் ஆரோக்கியமாக இருக்க வேண்டுமானால் கசப்பு உணவுகளை அதிகம் உட்கொள்ள வேண்டும்.பாகற்காய், பச்சை சுண்டைக்காய், வாழைத்தண்டு, வாழைப்பூ, நெல்லிக்காய் போன்றவற்றை உணவில் அதிகம் சேர்த்துக் கொள்ள வேண்டும்.

அடிக்கடி சோம்பு, கிராம்பு, ஏலக்காய், சீரகம் ஆகியவற்றின் கலவையை வாயில் போட்டு மென்று உட்கொள்ள வேண்டும். இவற்றை உண்பதால் ரத்தத்தில் உள்ள சர்க்கரை மற்றும் கொழுப்பின் அளவு குறையும்.

காலை உணவில் எண்ணெயால் தயாரிக்கப்பட்ட பூரி, வடை போன்றவற்றையும் மாவுப் பொருள்களால் தயாரிக்கப்பட்ட சிற்றுண்டிகளையும் கட்டாயம் தவிர்க்க வேண்டும்.

மிளகுடன் நெய் போட்டு தயாரித்த பொங்கலாக இருந்தால் உடலுக்கு நல்லது.

இஞ்சியைத் தவிர பூமிக்கடியில் விளையும் கிழங்கு வகைகளை அதிகம் உண்ணக் கூடாது.

அதிகாலை 5 மணிக்குள் எழுந்து விடுவது நல்லது.

உடலில் சூரியஒளி படும்படி நடைப்பயிற்சி மேற்கொள்ள வேண்டும். அப்போது கட்டாயம் இறுக்கமான காலணிகளை அணிந்து செல்ல வேண்டும்
நன்றி தினமணி கதிர்