முதல் இடம் – ஒரு பக்க கதை

**ayyasamy ram** · **ayyasamy ram** Mon Nov 24, 2014 8:18 am

சுந்தரியின் மகள் கவிதா பிளஸ்டூ பொதுத்
தேர்வில் பள்ளியிலேயே இரண்டாவதாக வந்திருக்க.
முதல் இடத்தை பிடித்தது. வீட்டு வேலைக்காரியின்
மகள் அமிர்தா.

இதை ஏதோ தனக்கு ஏற்பட்ட மானக்கேடாகவே
எண்ணி, அன்றைக்கே வேலைக்காரியை நிறுத்தி
விட்டாள் சுந்தரி.

“என்னம்மா நீங்க, பாடங்கள்ல எனக்குத் தெரியாத
சங்தேகங்களையெல்லாம் நான் அமிர்தாகிட்டேதான்
கேட்டுத் தெரிஞ்சுப்பேன்! அவ மட்டும் இல்லேன்னா
ஸ்கூல்ல நான் பத்தாவது இடமோ, பதினஞ்சாவது
இடமோதான் வந்திருப்பேன்!

இப்ப அவ அம்மாவை நீங்க வேலையை விட்டு
நிறுத்திட்டீங்கன்னதும், அமிர்தா என்கிட்டே முகம்
கொடுத்து பேசமாட்டேன்கிறா!’ என்று கவிதா
சிணுங்கவும் “அப்படியா விஷயம்’ என, மீண்டும்
கவிதாவின் அம்மாவை வேலைக்கு வரச்சொன்னாள்
சுந்தரி.

மறுநாள் மதிப்பெண் பட்டியல் வாங்க பள்ளிக்குச்
சென்றபோது, “நடந்ததெல்லாம் அம்மா சொன்னாங்க
கவிதா! உங்கிட்டே நான் எதுவுமே சொல்லலே!
எங்க குடும்ப கஷ்டம் புரிஞ்சு எனக்காகப் பொய்
சொல்லி, மறுபடியும் அம்மாவை வேலைக்கு எடுத்துக்க
வெச்சிருக்கே! ரொம்ப தேங்க்ஸ்!’ கவிதாவின் கை பற்றி,
நெகிழ்ந்தாள் அமிர்தா.
-
—————————————————————————-

- காயக்காடு ராமகிருஷ்ணன்