த.மா.கா. பெயரில் புதிய கட்சி விண்ணப்பம்: தேர்தல் ஆணையத்தில் வாசன் ஆதரவாளர்கள் தாக்கல்

**ayyasamy ram** · **ayyasamy ram** Sat 22 Nov 2014 - 13:22

முன்னாள் மத்திய அமைச்சர் ஜி.கே.வாசன் தொடங்கவுள்ள
கட்சிக்கு, "தமிழ் மாநில காங்கிரஸ்' (த.மா.கா.) பெயரிலேயே
அனுமதி வழங்குமாறு, அவரது ஆதரவாளர்கள்
(பி.எஸ். ஞானதேசிகன், எஸ்.கே. கார்வேந்தன், வேலூர் ஞானசேகரன்)
ஆகியோர் தில்லியில்
உள்ள தேர்தல் ஆணையத்தில் விண்ணப்பம் அளித்துள்ளனர்.
-
தேர்தல் ஆணைய விதிகளின்படி ஒரு கட்சியைப் பதிவு
செய்ய இரண்டு அல்லது மூன்று பெயர்களை விண்ணப்பப்
படிவத்தில் குறிப்பிட வேண்டும்.
அதில் ஒரு பெயரை ஆணையம் பரிசீலித்து அனுமதி அளிக்கும்.
இதைக் கருத்தில் கொண்டு த.மா.கா. மட்டுமன்றி
"தமிழ் மாநில மக்கள் காங்கிரஸ்' என்ற பெயரையும் விண்ணப்பப்
படிவத்தில் வாசனின் ஆதரவாளர்கள் குறிப்பிட்டுள்ளதாகத் தெரிகிறது.

இந்த நடவடிக்கையைத் தொடர்ந்து அடுத்த சில தினங்களில்
ஜி.கே. வாசன் தொடங்க உள்ள கட்சியின் பெயருக்கு தேர்தல்
ஆணையம் அனுமதி வழங்கும் என்று தெரிகிறது.

புதிதாகத் தொடங்கப்படவுள்ள கட்சி என்பதால், இதற்கு,
"அங்கீகரிக்கப்படாத அரசியல் கட்சி' வரிசையில் வாசனின்
கட்சிக்கு அனுமதி அளிக்கப்படும் என்று தேர்தல் ஆணைய
வட்டாரங்கள் தெரிவித்தன.

காங்கிரஸிலிருந்து அண்மையில் விலகிய முன்னாள் அமைச்சர்
ஜி.கே. வாசன், புதிய கட்சியின் தொடக்க விழா நவம்பர் 28-ஆம்
தேதி திருச்சியில் நடைபெற உள்ளதாகவும் அறிவித்துள்ளார்.
-
-------------------------------------------------

**M.Saranya** · **M.Saranya** Sat 22 Nov 2014 - 16:15

தகவலுக்கு நன்றி...

த.மா.கா. பெயரில் புதிய கட்சி விண்ணப்பம்: தேர்தல் ஆணையத்தில் வாசன் ஆதரவாளர்கள் தாக்கல்

த.மா.கா. பெயரில் புதிய கட்சி விண்ணப்பம்: தேர்தல் ஆணையத்தில் வாசன் ஆதரவாளர்கள் தாக்கல்

Re: த.மா.கா. பெயரில் புதிய கட்சி விண்ணப்பம்: தேர்தல் ஆணையத்தில் வாசன் ஆதரவாளர்கள் தாக்கல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக