சரியாக 7 மணி 18 வது செக்கனில் தலைவர் பிறந்த நாளை கொண்டாடுவோம்: வைகோ வின் உணர்ச்சி !

ஈழத் தமிழ் இனம் சிங்களக் கொடியோரால் தாக்கப்படுவதும், வதைக்கப்படுவதும் கண்டு இதயம் கொதித்து, சிங்களவனின் ஆதிக்கக் கொட்டத்தை ஒடுக்க தமிழ் இனம் தலைநிமிர்ந்து வாழ தனது 15 ஆவது வயதில் வீட்டைவிட்டு வெளியேறி, ஆயுதம் ஏந்தினார். வீர இளைஞர்களை ஒருங்கிணைத்தார். 70களின் தொடக்கத்தில் புதிய புலிகள் எனும் ஈழ விடுதலை அமைப்பைத் தொடங்கினார். 1976 மே 5 ஆம் தேதி அன்று, தமிழ் ஈழ விடுதலைப்புலிகள் அமைப்பை தோற்றுவித்தார் மேதகு பிரபாகரன் அவர்கள்.

நெல்சன் மண்டேலாவின் பிறந்த நாளை கருப்பின மக்கள் கொண்டாடுவது போல், லெனின் பிறந்த நாளை பொதுவுடமைவாதிகள் கொண்டாடுவதுபோல், ஜார்ஜ் வாஷிங்டன் பிறந்த நாளை அமெரிக்கர்கள் கொண்டாடுவதுபோல், தந்தை பெரியாரின் பிறந்த நாளையும், பேரறிஞர் அண்ணாவின் பிறந்த நாளையும் நாம் கொண்டாடுவது போல், தமிழர்களின் வரலாற்றில் பேரொளி வெளிச்சம் தரும் பிரபாகரன் பிறந்தநாளையும் தாய்த் தமிழகத்திலும், உலக மெங்கிலும் நாம் கொண்டாடுவோம்.

அகிலத்தின் பல நாடுகளில் வாழும் தமிழர்களே, புலம் பெயர்வாழ் ஈழ உறவுகளே. வரும் நவம்பர் 26ஆம்தேதி அன்று அவர் பிறந்த நேரமான முன்னிரவு 7 மணி 18 நிமிடம் அளவில், தமிழகத்தில் கொண்டாடுவோம். நவம்பர் மாதம் 26ஆம்தேதி அந்த நாட்டு நேரம்படி விழா எடுப்போம். வானவெளியில் வாண வேடிக்கைகள் நடக்கட்டும்; பட்டாசு வெடிகள் முழங்கட்டும்; சர்க்கரைப் பொங்கல் வழங்கப்படட்டும்; ஆலயங்கள், வழிபாட்டுத் தலங்களுக்கு செல்கின்றவர்கள் பூசை நடத்தட்டும். தலைவர் பிரபாகரனின் 60-வது பிறந்தநாள் விழாவில் தமிழர்கள் எழுப்பும் வாழ்த்து முழக்கம் விண்ணை முட்டட்டும். சுதந்திரத் தமிழ் ஈழ விடியலுக்குக் கட்டியம் கூறும் விதத்தில் தாய்த் தமிழகத்திலும், உலகம் எங்கிலும் தமிழர்கள் தமிழ்க்குலத் தலைவனின் பிறந்தநாளைக் கொண்டாடுங்கள், என உணர்ச்சி ததும்ப அண்ணன் வைகோ அவர்கள் வேண்டுகோள் விடுத்துள்ளார் !

அதிர்வு

நன்றி திரு.வைகோ அவர்களே , திரு பிரபாகரன் அவர்களின் வலதுகரம் இடது கரம் என்று சொல்லப்பட்டவர்களே இப்போ கட்சி மாறிவிட்டார்கள் (அவர்கள் இப்ப தான் மாறினார்களா இல்ல மாறியபிறகு தான் LTTE வீழ்ந்ததா என்று தெரியவில்லை) நீங்களாவது இன்னும் ஞாபகத்துக்க்சு வைத்துள்ளீர்களே.

திரு.பிரபாகரன் அவர்களை பெயரை கேட்டாலே ஒரு புத்துணர்ச்சி வருவது மறுக்கமுடியாத உண்மை, ஆனால் தமிழர்கள் தங்களை காக்க எல்லாவித அஸ்திரங்களையும் கொண்டுள்ள ஒரு தேவதூதன் வருவான் , வந்து மந்திரம் போட்டது போல தங்களுக்கு தனிநாடு வாங்கிகொடுத்துவிடுவான் என்று கனவுகண்டு கொண்டு இருக்கும் வரையிலும் தனி நாடு என்பது கனவாக மட்டும் தான் இருக்கும்

ராஜா wrote:நன்றி திரு.வைகோ அவர்களே , திரு பிரபாகரன் அவர்களின் வலதுகரம் இடது கரம் என்று சொல்லப்பட்டவர்களே இப்போ கட்சி மாறிவிட்டார்கள் (அவர்கள் இப்ப தான் மாறினார்களா இல்ல மாறியபிறகு தான் LTTE வீழ்ந்ததா என்று தெரியவில்லை) நீங்களாவது இன்னும் ஞாபகத்துக்க்சு வைத்துள்ளீர்களே.

திரு.பிரபாகரன் அவர்களை பெயரை கேட்டாலே ஒரு புத்துணர்ச்சி வருவது மறுக்கமுடியாத உண்மை, ஆனால் தமிழர்கள் தங்களை காக்க எல்லாவித அஸ்திரங்களையும் கொண்டுள்ள ஒரு தேவதூதன் வருவான் , வந்து மந்திரம் போட்டது போல தங்களுக்கு தனிநாடு வாங்கிகொடுத்துவிடுவான் என்று கனவுகண்டு கொண்டு இருக்கும் வரையிலும் தனி நாடு என்பது கனவாக மட்டும் தான் இருக்கும்

மேற்கோள் செய்த பதிவு: 1105491

மரித்த மாபெரும் மனிதரை காக்க தவறிவிட்ட தமிழக தலைவர்கள் இப்போது கேக் வெட்டி அவர் பெயரை கூறிக்கொண்டு உலவுகின்றனர்...
என்ன சொல்வது இவர் அறிக்கைக்கு ???
தெரிய வில்லை .