குறும்படங்களுக்கு வழி காட்டும் 'பெஞ்ச் ஸ்டோன்' நிறுவனம்

by **ayyasamy ram** Tue Nov 18, 2014 5:23 am

* குறும்படங்களுக்கு வழிகாட்ட "பெஞ்ச் ஸ்டோன்'
என்ற புதிய நிறுவனத்தைத் தொடங்கியிருக்கிறார்
இயக்குநர் கார்த்திக் சுப்புராஜ்.

"பீட்சா', "ஜிகர்தண்டா' படங்களின் மூலம் ரசிகர்களின்
கவனம் பெற்ற கார்த்திக் சுப்புராஜ், குறும்பட உலகத்தில்
இருந்து சினிமாவுக்கு வருபவர்களுக்கு வழிகாட்டவே
இந்தப் புதிய நிறுவனத்தைத் தொடங்கியிருக்கிறார்.

நிறுவனம் குறித்து... "" குறும்பட உலகம் இன்றைக்குப்
பெரிய அளவில் உருவம் எடுத்திருக்கிறது. ஆனால்,
அதை ரசிகர்களிடம் கொண்டு சேர்ப்பதற்கான வழி
முறைகள் குறைவாகவே உள்ளன. அதற்காகவே இந்தப்
புதிய நிறுவனம். இதன் மூலம் அனைத்துக் குறும்
படங்களையும் பதிவு செய்து கொள்ளலாம்.

அந்தப் படங்களின் தரத்துக்கு ஏற்றவாறு அவை
பிரிக்கப்பட்டு, விருதுகளுக்கு அனுப்பும் பணியை
இந்நிறுவனம் மேற்கொள்ளும். சப் டைட்டில் போடுவதில்
தொடங்கி அதற்கான அனைத்து வேலைகளையும்
இந்நிறுவனம் செய்யும்.

படங்களுக்கான பெரிய திரை வாய்ப்புகளையும் இது
ஏற்படுத்தும். வருங்காலத்தில் நேரடியாகக் குறும்
படங்களை தியேட்டர்களில் ரீலிஸ் செய்வது குறித்த
நடவடிக்கைகளில் இந்நிறுவனம் இறங்கியுள்ளது''
என்றார்
-
=================================