நாடாளுமன்ற குளிர்கால கூட்டத் தொடர்: 22இல் அனைத்துக் கட்சி கூட்டம்

**ayyasamy ram** · **ayyasamy ram** Tue Nov 18, 2014 5:41 am

-
நாடாளுமன்றத்தின் குளிர்கால கூட்டத்தொடர் இம்மாதம் 24 ஆம் தேதி தொடங்குகிறது. டிசம்பர் 23 ஆம் தேதி முடிவடைகிறது. இதை முன்னிட்டு இம்மாதம் 22ஆம் தேதி அனைத்துக் கட்சி தலைவர்களின் கூட்டத்தைக் கூட்ட மக்களவைத் தலைவர் முடிவு செய்துள்ளார்.

குளிர்கால கூட்டத் தொடரில், நிலுவையில் உள்ள பழைய மசோதாக்களையும், பல்வேறு புதிய மசோதாக்களையும் நிறைவேற்ற மத்திய அரசு திட்டமிட்டுள்ளது. இதன் காரணமாக கூட்டத் தொடரை சுமூகமாக நடத்துவதை உறுதி செய்யும் நோக்கில் வரும் 22 ஆம் தேதி அனைத்து கட்சி கூட்டத்தை மக்களவை சபாநாயகர் கூட்டுகிறார்.

குளிர்கால கூட்டத் தொடர் சுமுகமாக நடைபெறுவதற்கு வசதியாக, கூட்டத் தொடரில் எழுப்ப உள்ள பிரச்னைகள், விவாதங்கள் ஆகியன குறித்து இக்கூட்டத்தில் ஆலோசிக்கப்பட உள்ளது.

பொதுவாக நாடாளுமன்ற கூட்டத் தொடர் தொடங்குவதற்கு முன்பாக அனைத்து கட்சி தலைவர்கள் கூட்டம் நடத்தப்படுவது மரபு.