சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம்

**ராஜா** · **ராஜா** Sat Nov 15, 2014 2:43 pm

அரசு மற்றும் தனியார் பள்ளிகளில் குழந்தைகள் தினவிழா நேற்று கொண்டாடப்பட்டது. சாந்தோம் நெடுஞ்சாலையில் உள்ள பிரபல தனியார் பள்ளியில் காலை 9 மணி முதல் 11 மணி வரை நிகழ்ச்சி நடந்தது.

2000 மாணவ– மாணவிகள் பங்கேற்ற இந்த விழாவில் நாடகம் உள்ளிட்ட கலைநிகழ்ச்சிகள் நடந்தன. குழந்தைகள் நேருவின் பெருமைகளை விளக்கி பேசினார்கள். நிகழ்ச்சியில் கலந்து கொண்ட எல்லா குழந்தைகளுக்கும் ‘மில்க்ஷேக்’ வழங்கப்பட்டது.

1 முதல் 12–ம் வகுப்பு வரை உள்ள எல்லா மாணவர்களுக்கும் ஒரு தனியார் நிறுவனம் இலவசமாக வழங்கிய ‘‘மாதிரி மில்க்ஷேக்’’ டப்பாவை கொடுத்தனர்.

மில்க்ஷேக் கிடைத்த மகிழ்ச்சியில் சிறு குழந்தைகள் உடனே குடிக்க ஆரம்பித்தனர். அதை குடித்த சிறிது நேரத்தில் குழந்தைகள் சிலர் வாந்தி எடுத்தனர். சிலருக்கு மயக்கம் ஏற்பட்டு சுருண்டு விழுந்தனர். மேலும் சிலருக்கு வயிற்றுவலி ஏற்பட்டது.

குழந்தைகள் ஒவ்வொருவராக மயங்கி விழுந்ததை பார்த்து ஆசிரியர்கள் அதிர்ச்சி அடைந்தனர்.

மில்க் ஷேக் குடித்ததனால் ஏற்பட்ட பாதிப்புதான் என்று உணர்ந்த பள்ளி நிர்வாகம் உடனடியாக மற்ற குழந்தைகள் கையில் வைத்திருந்த பால் டப்பாக்களை பிடுங்கி எறிந்தனர். மாணவ–மாணவிகள் யாரும் மில்க்ஷேக்கை குடிக்க வேண்டாம் என அறிவுறுத்தப்பட்டது.

மில்க்ஷேக் குடித்த 50 குழந்தைகள் வாந்தி– மயக்கத்தில் பாதிக்கப்பட்டனர். அவர்களில் சிலர் அருகில் உள்ள தனியார் மருத்துவமனையில் சேர்க்கப்பட்டு பின்னர் வீடு திரும்பினர். சில பெற்றோர்கள் தங்கள் குழந்தைகளை உடனே ஆஸ்பத்திரிக்கு கொண்டு சென்று சிகிச்சை பெற்றனர்.

பள்ளி குழந்தைகளுக்கு கொடுக்கப்பட்ட அந்த மில்க்ஷேக் 18.5.2014–ல் தயாரிக்கப்பட்டது. 6 மாதம் வரை (180 நாட்கள்) அதை பயன்படுத்தலாம் என்று அதில் குறிப்பிடப்பட்டுள்ளது.

அதன்படி 17–ந்தேதி வரை மட்டுமே அதை பயன்படுத்த முடியும். காலாவதி தேதிக்கு 3 நாட்களுக்கு முன்னதாக அதை பள்ளி நிர்வாகம் வாங்கி பயன்படுத்தியபோதும் அந்த பால் கெட்டு விட்டது. காலாவதியாக ஒருசில நாட்களே உள்ள நேரத்தில் குழந்தைகளுக்கு ‘மில்க் ஷேக்’ வினியோகம் செய்யப்பட்டுள்ளது.

இலவசமாக கிடைக்கிறதே என்பதற்காக தரமற்ற பாலை பள்ளி குழந்தைகளுக்கு கொடுத்து அவர்களின் உயிரோடு விளையாடலாமா? இதுபோன்ற நிகழ்ச்சிகளின் போது யாராவது இலவசமாக செய்ய முன்வந்தால் கூட அந்த உணவு பொருட்களின் தரத்தை பள்ளி நிர்வாகம் பார்க்க வேண்டும்.

நொறுக்குதீனி, குளிர்பானம் இலவசமாக கிடைத்து விட்டதே என்று அலட்சியமாக இருக்க கூடாது என்று பெற்றோர்கள் ஆவேசம் அடைந்தனர். குழந்தைகள் தின விழாவில் பெரும் அசம்பாவிதம் எதுவும் நடக்காமல் பதட்டத்துடனும் பரபரப்புடனும் முடிந்தது.

-maalaimalar

**M.Saranya** · **M.Saranya** Sat Nov 15, 2014 2:44 pm

நல்ல பதிவு...

**ஜாஹீதாபானு** · **ஜாஹீதாபானு** Sat Nov 15, 2014 3:59 pm

சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம் 103459460

சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம் 1571444738

**M.M.SENTHIL** · **M.M.SENTHIL** Sat Nov 15, 2014 4:14 pm

ஆக மொத்தம் பாலும், பாலில் வரும் பிற பொருளும் தரமில்லை எம் தமிழ்நாட்டில்... பின் ஏனடா விலையை ஏத்தி மக்களை கொல்கிறீர்.....

Sponsored content · Sponsored content

சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம்

சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம்

Re: சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம்

Re: சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம்

Re: சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம்

Re: சாந்தோம் தனியார் பள்ளியில் மில்க் ஷேக் குடித்த 50 குழந்தைகளுக்கு வாந்தி-மயக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக