பிரதமருக்கு குவியும் கடிதங்கள் !

புதுடில்லி: 'வாட்ஸ்அப், ஹைக் மற்றும் பேஸ்புக்' போன்றவை பிரபலமாகி உள்ள இந்தக் காலத்தில், கடிதம் எழுதுவது, மலையேறி விட்டது. ஆனாலும், பிரதமர் அலுவலகத்திற்கு, தினமும் ஆயிரக்கணக்கில் கடிதங்கள் வந்த வண்ணம் உள்ளன.

சமீபத்தில், வானொலி மூலம், நாட்டு மக்களுக்கு உரை நிகழ்த்திய பிரதமர் நரேந்திர மோடி, 'உங்களின் எண்ணங்களையும், யோசனைகளையும், இ-மெயில் அல்லது இணையதளம் மூலமாக எனக்கு தெரிவியுங்கள். அப்படி முடியவில்லை எனில், கடிதமாக எழுதி அனுப்புங்கள். அந்தக் கடிதங்கள் நிச்சயம் என்னிடம் வந்து சேரும். அதற்கு நான் அதிக முக்கியத்துவம் கொடுப்பேன்' என்றார். மோடி அப்படி சொன்னதாலோ என்ன வோ, தினமும் அவரின் அலுவலகத்திற்கு ஏராளமான கடிதங்கள் வந்த வண்ணம் உள்ளன.

'பிரதமர் மோடிக்கு, தினமும், 3,000 முதல், 5,000 கடிதங்கள், நாடு முழுவதிலும் இருந்து வருகின்றன. அவற்றை எல்லாம், நிர்மாண் பவன் தபால் அலுவலகம் தான் பிரித்து, பிரதமர் அலுவலகத்தில் சேர்க்கிறது' என்கிறார், அந்த தபால் அலுவலகத்தில், தபால் டெலிவரி செய்யும் ஊழியராக பணியாற்றும் தல்சந்த்.

முன்பிருந்த பிரதமர்களுக்கோ, அவர்களின் அலுவலகத்திற்கோ, இதற்கு முன், இந்த அளவுக்கு கடிதங்கள் வந்ததில்லை என்றும் அவர் கூறுகிறார். தல்சந்த் உடன் பணியாற்றும் மற்றொரு ஊழியரான ராஜேந்திர சிங் ராணா கூறுகையில், ''இணையதளம் பிரபலமாகும் முன், 1989 முதல், 1999 வரை நான் தான் பிரதமர் அலுவலகத்திற்கான கடிதங்களை டெலிவரி செய்தேன். அப்போது கூட, இந்த அளவுக்கு கடிதங்கள் வந்ததில்லை.பிரதமர் அலுவலகத்திற்கும்,அவரின் பெயருக்கும், தற்போது கடிதங்கள் குவிவதால், நாங்கள் மிகவும் பிசியாகி விட்டோம்,'' என்றார்.

பயங்கர பிசி:

மோடி பிரதமரான பின், நிர்மாண் பவன் தபால் அலுவலகத்திற்கு வரும் கடிதங்கள் எண்ணிக்கை பல மடங்கு அதிகரித்துள்ளதால், புதிதாக இரு ஊழியர்களை, அதிகாரிகள் பணி அமர்த்தி உள்ளனர்.* ஏற்கனவே பணியில் உள்ள தபால்காரர்களும், அதிக கடிதங்கள் காரணமாக, உணவு இடைவேளை கூட விடாமல், கூடுதல் நேரம் பணியாற்றி வருகின்றனர்.* தினமும் ஒரே முறை மட்டும், பிரதமர் அலுவலகம் சென்று, தபால்களை டெலிவரி செய்த ஊழியர்கள், தற்போது இரு முறை சென்று வருகின்றனராம்.* கடந்த சில வாரங்களுக்கு முன், தீபாவளி உட்பட, பல பண்டிகைகள் தொடர்ச்சியாக வந்தன. அப்போது, பல ஆயிரக்கணக்கில், பிரதமருக்கு வாழ்த்து கடிதங்கள் வந்துள்ளன.* பிரதமருக்கு வரும் கடிதங்களில், பெரும்பாலானவை, இன்லேண்ட் லெட்டர்களே.!

கடிதம் கொண்டு வரும் விசயங்களை, கனிவுடன் பரிசிலீயுங்கள் மோடி ஜி

M.M.SENTHIL wrote:கடிதம் கொண்டு வரும் விசயங்களை, கனிவுடன் பரிசிலீயுங்கள் மோடி ஜி