ஒருநாள் சர்வதேச கிரிக்கெட்டில் 2-வது இரட்டைச்சத சாதனை -ரோஹித் சர்மா

by **T.N.Balasubramanian** Thu Nov 13, 2014 7:21 pm

ஒருநாள் சர்வதேச கிரிக்கெட்டில் 2-வது இரட்டைச்சத சாதனை -ரோஹித் சர்மா

இலங்கைக்கு எதிராக இரட்டைச் சதம் எடுத்த ரோஹித் சர்மா, ஒருநாள் சர்வதேச கிரிக்கெட்டில் 2-வது இரட்டைச்சத சாதனையுடன் சேவாகின் சாதனையையும் முறியடித்தார். மேலும் ஒருநாள் சர்வதேச கிரிக்கெட்டில் 250 ரன்களைக் கடந்த முதல் வீரர் என்ற சாதனையையும் நிகழ்த்தினார் ரோஹித் சர்மா.

கொல்கத்தாவில் இலங்கைக்கு எதிராக நடைபெற்று வரும் 4-வது ஒருநாள் போட்டியில் ரோஹித் சர்மா இரட்டை சதம் அடித்தார். இதன் மூலம் ஒருநாள் கிரிக்கெட்டில் 2-வது இரட்டை சதம் அடித்த முதல் வீரர் என்ற சாதனையை நிகழ்த்தினார்.

மேலும் சேவாக் மே.இ.தீவுகளுக்கு எதிராக எடுத்த 219 ரன்களையும் கடந்து சாதனை புரிந்தார். எரங்கா பந்தை லாங் ஆஃப் திசையில் மிகப்பெரிய சிக்சர் அடித்து சேவாக் எடுத்த அதிகபட்ச ஒருநாள் கிரிக்கெட் ரன்கள் சாதனையைக் கடந்தார் ரோஹித்.

ஏற்கெனவே ஆஸ்திரேலியாவுக்கு எதிராக 209 ரன்களை எடுத்த ரோஹித் சர்மா, இன்று மீண்டும் இரட்டைச்சதம் விளாசினார்.

முதல் 100 பந்துகளில் சரியாக 100 ரன்களை எடுத்த ரோஹித், அடுத்த 50 ரன்களை 26 பந்துகளில் எடுத்து 150 ரன்கள் எடுத்தார். பிறகு 151 பந்துகளில் 200 ரன்களை கடந்தார் ரோஹித். குலசேகரா பந்தை எக்ஸ்ட்ரா கவர் திசையில் அபார பவுண்டரி அடித்து அவர் இரட்டைச் சதம் கண்டார். இரண்டாவது 100 ரன்களை அவர் 51 பந்துகளில் எடுத்தார். இதில் அவர் 25 பவுண்டரிகளையும் 5 சிக்சர்களையும் அடித்தார்.
ரோஹித் சர்மா ஆஸ்திரேலியாவுக்கு எதிராக இரட்டைச் சதம் எடுத்த போது கோலி ரன் அவுட் ஆனார். இந்த முறையும் கோலி ரன் அவுட் ஆக, ரோஹித் சர்மா இரட்டைச் சதம் எடுத்தது குறிப்பிடத்தக்கது.

சச்சின் டெண்டுல்கர் தென் ஆப்பிரிக்காவுக்கு எதிராக முதன் முதலாக இரட்டைசதம் எடுத்து சாதனை நிகழ்த்தினார்.

ஒருநாள் கிரிக்கெட்டில் தற்போது இந்திய அணியிலிருந்து 4 இரட்டைச் சதங்கள் எடுக்கப்பட்டுள்ளது.
இந்திய இன்னிங்ஸ் விவரம் - முழுமையாக: 264 ரன்கள் விளாசி வரலாறு படைத்தார் ரோஹித் சர்மா: இந்தியா 404 ரன்கள் குவிப்பு

நன்றி : ஒன் இந்தியா

ரமணியன்

by **T.N.Balasubramanian** Thu Nov 13, 2014 7:25 pm

வாழ்த்துக்கள் ,ரோஹித் ஷர்மா .

ஒருநாள் சர்வதேச கிரிக்கெட்டில் 2-வது இரட்டைச்சத சாதனை -ரோஹித் சர்மா WA40pnqmSZG3fJfuleBH+220

ரமணியன்

by யினியவன் Thu Nov 13, 2014 7:26 pm

வாழ்த்துகள்

இன்னும் 5 ரன்கள் அடித்திருந்தால் லிஸ்ட் A போட்டிகளின் சாதனையை முறியடித்திருக்கலாம் - அடுத்த முறை செய்யட்டும் அதை.

by **முனைவர் ம.ரமேஷ்** Thu Nov 13, 2014 7:47 pm

பாராட்டலாம்... ஒலிம்பிக்கில் கோட்டைவிட்டு விடுகிறோம்...

• இந்திய வெற்றியும் மீனவர்கள் சிறைபிடிப்பும்
இலங்கையை
வென்றதற்காக
பட்டாசு வெடித்து
நாடாளு மன்றத்தில்
பாராட்டு தெரிவித்து
கிரிக்கெட் வெற்றியைக் கொண்டாடுகிறது
இந்தியா.
மறுநாள்…
மீன் பிடிக்கச் செல்லும்
தமிழக மீனவர்களின்
படகுகள் சேதப்படுத்தப்படுகின்றன
மீன்கள் களவாடப்படுகின்றன
மீனவர்கள் தாக்கப்படுகிறார்கள்
படகையும் மீனவனையும்
சிறை பிடிக்கிறார்கள்.
கிரிக்கெட்டில்
இலங்கை தோற்றால்
மீனவர்களே
அந்தப் பக்கம் செல்லாதீர்! (கவியருவி ம. ரமேஷ்)

by **ayyasamy ram** Thu Nov 13, 2014 7:55 pm

by **விஸ்வாஜீ** Thu Nov 13, 2014 8:01 pm

மகிழ்ச்சியாக இருக்கிறது இரட்டை சதம் அடித்த அனைவரும் இந்தியர்கள்
என்பதை நினைக்கும்போது.

by **M.M.SENTHIL** Thu Nov 13, 2014 8:13 pm

வாழ்த்துக்கள் ரோஹித் அன்பு மலர்

by **T.N.Balasubramanian** Thu Nov 13, 2014 8:23 pm

கவியருவி ம.ரமேஷ் wrote:பாராட்டலாம்... ஒலிம்பிக்கில் கோட்டைவிட்டு விடுகிறோம்...

• இந்திய வெற்றியும் மீனவர்கள் சிறைபிடிப்பும்
இலங்கையை
வென்றதற்காக
பட்டாசு வெடித்து
நாடாளு மன்றத்தில்
பாராட்டு தெரிவித்து
கிரிக்கெட் வெற்றியைக் கொண்டாடுகிறது
இந்தியா.
மறுநாள்…
மீன் பிடிக்கச் செல்லும்
தமிழக மீனவர்களின்
படகுகள் சேதப்படுத்தப்படுகின்றன
மீன்கள் களவாடப்படுகின்றன
மீனவர்கள் தாக்கப்படுகிறார்கள்
படகையும் மீனவனையும்
சிறை பிடிக்கிறார்கள்.
கிரிக்கெட்டில்
இலங்கை தோற்றால்
மீனவர்களே
அந்தப் பக்கம் செல்லாதீர்! (கவியருவி ம. ரமேஷ்)

மேற்கோள் செய்த பதிவு: 1103238

முற்றிலும் உண்மை

ரமணியன்

by **ராஜா** Thu Nov 13, 2014 10:46 pm

அபாரமான ஆட்டம்.

இப்ப உள்ள இளம் வீரர்கள் இதே ஆட்டத்தை இன்னும் ஒரு மூணு மாசம் maintain பண்ணினார்கள் என்றால் கண்டிப்பாக இன்னொரு உலககோப்பை நிச்சயம்.

by **M.M.SENTHIL** Thu Nov 13, 2014 11:07 pm

ராஜா wrote:அபாரமான ஆட்டம்.

இப்ப உள்ள இளம் வீரர்கள் இதே ஆட்டத்தை இன்னும் ஒரு மூணு மாசம் maintain பண்ணினார்கள் என்றால் கண்டிப்பாக இன்னொரு உலககோப்பை நிச்சயம்.

மேற்கோள் செய்த பதிவு: 1103332

உண்மை தல. என்ன ஒரு ஆட்டம், அதற்குள் ஐம்பது ஓவர் முடிந்து விட்டதா என நினைத்தேன்.. ரோஹித் , ரியல் ஹீரோ....