நேரு விழா மோடிக்கு அழைப்பு இல்லை

**ayyasamy ram** · **ayyasamy ram** Thu Nov 13, 2014 10:53 am

இந்தியாவின் முதல் பிரதமரான நேருவின் 125 வது பிறந்த நாள் விழாவை சர்வதேச மாநாடாக காங்கிரஸ் கொண்டாட திட்டமிட்டுள்ளது. நவம்பர் 17 மற்றும் 18 ஆகிய இரண்டு தினம் நடக்கும் இந்த மாநாட்டில் நேருவின் மரபு மற்றும் உலகபார்வை முன்னிலைப்படுத்தப்படுகிறது.

இந்த மாநாட்டில் உலக தலைவர்கள் மற்றும் இந்தியா மற்றும் பிற உலக நாடுகளில் உள்ள பல்வேறு அரசியல் கட்சியின் பிரநிதிகள் கலந்து கொள்கின்றனர். மாநாட்டில் கலந்து கொள்ள அனைத்து தலைவர்களுக்கு அழைப்பு விடபட்டுள்ளதாக காங்கிரஸ் செய்தி தொடர்பாளர் ஆனந்த் சர்மா தெரிவித்தார்.

இந்தியாவின் முதல் பிரதமரான நேருவின் 125 வது பிறந்த நாள் விழாவை சர்வதேச மாநாட்டில் கலந்து கொள்ள அ.தி.மு.க.பொதுச்செயலாளர் ஜெயலலிதா, மேற்கு வங்காள முதல் மந்திரி மம்தா பாணர்ஜி, சமாஜ்வாடி கட்சி தலைவர் முல்யாம் சிங் யாதவ், இடது சாரிகள் கட்சிகளுக்கும் காங்கிரஸ் கட்சி அழைப்பு விடுபட்டுள்ளதாக காங்கிரஸ் செய்தி தொடர்பாளர் ஆனாந்த் சர்மா கூறினார்.

மோடிக்கு அழைப்பு விடுக்கப்பட்டதா இல்லையா என்ற நிருபர்களின் கேள்விக்கு பதிலளித்த காங்கிரஸ் செய்தி தொடர்பாளர் ஆனந்த் சர்மா,” நாங்கள் பிரதமர் மோடிக்கு அழைப்பு கொடுக்கவில்லை. ஜனநாயகத்தையும் நேருவின் சித்தாதங்களையையும் உண்மையாக நம்புவர்களுக்கு மட்டுமே நாங்கள் அழைப்பு விடுத்துள்ளோம்” என்று ஆனந்த் சர்மா நேற்று தெரிவித்திருந்தது குறிப்பிடதக்கது.

சோனியாவின் இந்த அழைப்பு முக்கியத்துவம் வாய்ந்ததாக கருதப்படுகிறது. பாரதீய ஜனதா மற்றும் அதன் கூட்டணி கட்சியினருக்கு இந்த நிகழ்ச்சியில் கலந்து கொள்ள அழைப்பு விடுக்கப்படாது என்று காங்கிரஸ் கட்சி வட்டாரங்களின் தகவல்கள் தெரிவிக்கின்றன.

mbalasaravanan · mbalasaravanan Thu Nov 13, 2014 11:09 am

நேருவை வைத்தும் அரசியலா இவர்கள் திருந்தவே மாட்டார்கள்

**M.M.SENTHIL** · **M.M.SENTHIL** Thu Nov 13, 2014 8:48 pm

காங்கிரஸ் என்ற ஒரு கட்சியே காணாமல் பொய் விட்டது, இதில் நீங்கள் அழைத்தால் என்ன, அழைக்காமல் விட்டால் என்ன..

ஆனால் மோடி ஒரு ஜென்டில்மேன்

தனது அமைச்சரவை விரிவாக்கத்தின் போது சோனியாவுக்கு அழைப்பு விடுத்தார்.

Sponsored content · Sponsored content

நேரு விழா மோடிக்கு அழைப்பு இல்லை