விண்கலத்தை வால் நட்சத்திரத்தில் இறக்கி ஐரோப்பிய விஞ்ஞானிகள் வரலாற்று சாதனை

by **ராஜா** Thu 13 Nov 2014 - 13:37

வால் நட்சத்திரங்கள் தோன்றியது மற்றும் அவற்றின் பரிணாம வளர்ச்சி பற்றி ஆராய்வதற்காகவும், பூமியில் உயிரினங்கள் தோன்றியது பற்றி ஆராய்வதற்காகவும் 67பி/சுர்யுமோவ்-ஜெராசிமெங்கோ என்ற வால் நட்சத்திரத்துக்கு ஐரோப்பிய விண்வெளி நிறுவனம், விண்கலத்தை அனுப்பியது.

ரோசெட்டா என்ற அந்த விண்கலம், கடந்த 2004-ம் ஆண்டு விண்ணுக்கு அனுப்பி வைக்கப்பட்டது. அதனுடன் ‘பிலே’ என்ற 100 கிலோ எடையுள்ள லேண்டர் விண்கலமும் பொருத்தி அனுப்பப்பட்டது. ரோசெட்டா விண்கலம், மணிக்கு 66 ஆயிரம் கி.மீ. வேகத்தில் பயணம் மேற்கொண்டது. பூமியில் இருந்து 640 கோடி கி.மீ. தூரத்தில் உள்ள அந்த வால் நட்சத்திரத்தை 10 ஆண்டுகளுக்கு பிறகு ரோசெட்டா விண்கலம் அடைந்தது.

நேற்று காலை முக்கிய கட்டத்தை அடைந்தது. ஜெர்மனி நாட்டின் டாம்ஸ்டட் நகரில் உள்ள தரை கட்டுப்பாட்டில் உள்ள விஞ்ஞானிகள், ரோசெட்டா விண்கலத்தில் உள்ள ‘பிலே’ விண்கலத்தை விடுவித்தனர். இதையடுத்து, வால் நட்சத்திரத்தை ‘பிலே’ அடைவதற்கான 7 மணி நேர ‘கவுன்ட் டவுன்’ தொடங்கியது. விஞ்ஞானிகள் பதற்றத்துடன் அதை கவனித்து வந்தனர்.

இந்நிலையில், சர்வதேச நேரப்படி, நேற்று மாலை 4.03 மணிக்கு வெற்றிகரமாக வால் நட்சத்திரத்தில் ‘பிலே’ விண்கலம் இறங்கியது. பனியும், தூசியும் நிறைந்த அதன் மேற்பரப்பில் ஒட்டிக்கொண்டது. அதைத் தொடர்ந்து, தரை கட்டுப்பாட்டு அறைக்கு சிக்னல் அனுப்பியது.

அதைப் பெற்ற விஞ்ஞானிகள் மகிழ்ச்சி ஆரவாரம் செய்தனர். வால் நட்சத்திரத்தில், விண்கலம் ஒன்று இறங்குவது இதுவே முதல்முறை ஆகும்.

-maalaimalar

by யினியவன் Thu 13 Nov 2014 - 13:59

அருமை அருமை - வால் நட்சத்திரத்துக்கு வால் லாய் ஒட்டிக்கொண்டது

by **ராஜா** Thu 13 Nov 2014 - 14:14

பல ஆண்டுகளாக விஞ்ஞானிகள் இதை செயல்படுத்த முயற்சி செய்துகொண்டிருந்தனர் இப்போ வெற்றி பெற்றாகிவிட்டது.

நான் படித்த ஒரு அறிவியல் கட்டுரையில், இது போல வால்நட்சத்திரங்களை நம்ம விண்வெளி அடிமையா ஆக்கிட்டோம்னா நீண்டதூரம் செல்லும் விண்கலங்கள் இதில் இறங்கி இளைப்பாறி எரிபொருளை நிரப்பிக்கொண்டு செல்லுவது போல வடிவமைக்கலாம். இதன் மூலம் பூமியில் இருந்து நாம் செல்லும் தூரம் இன்னும் அதிகரிக்கும் வருங்காலங்களில் கற்பனைக்கு எட்டாத தூரத்தை கூட மனித இனம் அடையும்.

வாழ்த்துகள் விஞ்ஞானிகளே!! புன்னகை

by Sponsored content

விண்கலத்தை வால் நட்சத்திரத்தில் இறக்கி ஐரோப்பிய விஞ்ஞானிகள் வரலாற்று சாதனை

விண்கலத்தை வால் நட்சத்திரத்தில் இறக்கி ஐரோப்பிய விஞ்ஞானிகள் வரலாற்று சாதனை

Re: விண்கலத்தை வால் நட்சத்திரத்தில் இறக்கி ஐரோப்பிய விஞ்ஞானிகள் வரலாற்று சாதனை

Re: விண்கலத்தை வால் நட்சத்திரத்தில் இறக்கி ஐரோப்பிய விஞ்ஞானிகள் வரலாற்று சாதனை

Re: விண்கலத்தை வால் நட்சத்திரத்தில் இறக்கி ஐரோப்பிய விஞ்ஞானிகள் வரலாற்று சாதனை