ஏதிலிகள் சகலரையும் விடுவிக்க வலியுறுத்தி அமெரிக்க நாடாளுமன்றில் தீர்மானம்

by kirupairajah Sat Nov 07, 2009 4:00 pm

வன்னி முகாம்களிலுள்ள ஏதிலிகளை முற்றாக விடுவிக்குமாறும், அவர்களது பாது காப்பை உறுதிப்படுத்துமாறும் சிறீலங்கா அரசிடம் வலியுறுத்தி அமெரிக்க நாடாளுமன்றம் (மக்கள் பிரதிநிதிகள் சபை) கடந்த புதனன்று தீர்மானம் நிறைவேற்றியுள்ளது.

அத்துடன் சிறீலங்கா இனப் பிரச்சினைக்கு சிறந்த அரசியல் தீர்வுத் திட்டத்தை விரை வாக முன்வைக்குமாறும் பிரதிநிதிகள் சபை சிறீலங்காயைக் கேட்டிருக்கின்றது.

அமெரிக்காவின் இலினொய்ஸ் மாநிலத்தைச் சேர்ந்த உறுப்பினர் டேவிட் கொண்டுவந்த இந்தத் தீர்மானத்தை அமெரிக்க மக்கள் பிரதிநிதிகள் சபை 421 1 என்ற அடிப்படையில் ஆதரித்துள்ளது.

சிறீலங்கா அரசை நேரடியாக கட்டுப்படுத்தாத, ஆனால் அரசிற்கு கடும் தாக்கத்தை ஏற்படுத்தக்கூடிய இந்தத் தீர்மானத்தில் மேலும் தெரிவிக்கப்பட்டுள்ளவை வருமாறு:

சிறீலங்கா அரசினால் தற்போது நிர்வகிக்கப்படும் முகாம்களில் வாழும் இடம் பெயர்ந்த தமிழ்மக்களை விடுவிப்பதற்கு ஆதரவு அளிக்கவேண்டும். அவர்களின் விடுதலை மற்றும் மீள்குடியேற்றப் பணிகளை சுயாதீனமாகக் கண்காணிக்கும் நடவடிக்கைக்கு உதவுவதன் மூலமாகவும் சர்வதேச தொண்டு மற்றும் நிவாரண அமைப்புகள் நிவாரணத்தையும், வளங்களையும் வழங்க அனுமதிப்பதன் மூலமாகவும், அமெரிக்காவும் சர்வதேச சமூகமும் சிறீலங்காயில் இடம்பெயர்ந்த தமிழ்மக்களின் மனிதாபிமான மனித உரிமைப் பிரச்சினைகளுக்குத் தீர்வு காணவேண்டும்.

மே 2009 இல் விடுதலைப் புலிகளுக்கும் சிறீலங்கா அரசிற்கும் இடையிலான யுத்தம் முடிவுக்கு வந்தது. சிறீலங்கா அரசு மோதல் காரணமாக இடம்பெயர்ந்த மக்களைப் பராமரிப்பதற்கும், விரைவாக மீள்குடியமர்த்துவதற்கும் இணங்கியது.

ஐக்கிய நாடுகள் சபையின் மனித உரிமை ஆணையகத்தின் 11 ஆவது விசேட அமர்வில் முகாமில் உள்ளவர்களின் வாழ்க்கை நிலைமைகளை முன்னேற்றவும் 180 நாட்களுக்குள் பெரும்பாலானவர்களைக் குடியேற்றவும் சிறீலங்கா அரசு இணங்கியது.

ஒக்ரோபர் 23 ஆம் திகதி வரை இடம்பெயர்ந்தவர்களில் 51 ஆயிரம் பேர் விடுவிக்கப்பட்டுள்ளனர். இவர்களில் 36 ஆயிரம் பேர் தமது சொந்த ஊர்களுக்குத் திரும்பியுள்ளனர். தமது சொந்த வீடுகளில் உள்ளனர் அல்லது செல்வதற்குக் காத்திருக்கின்றனர்.

இதுதவிர, விசேட பிரிவிற்குள் வரும் 16 ஆயிரம் பேர் விடுவிக்கப்பட்டுள்ளனர். இதேவேளை, இன்னமும் 2 லட்சத்து 20 ஆயிரம் மக்கள் விடுவிக்கப்படாத நிலையில் உள்ளனர்.

பருவப்பெயர்ச்சி மழை காலத்துக்கு முன்னர் மனிதாபிமான நிலைமைகளில் முன்னேற்றம் காண பல நடவடிக்கைகளை மேற்கொள்ள வேண்டியுள்ளது.

இதன் காரணமாக முகாமில் உள்ள இடம்பெயர்ந்த மக்களை வேகமாகவும், பாதுகாப்பாகவும் விடுவிப்பதை உறுதி செய்யுமாறு மக்கள் பிரதிநிதிகள் குழு சிறீலங்கா அரசைக் கோருகின்றது.

இந்த ஏதிலிகள் தமது வீடுகளையும், சொத்துக்களையும் மீளப் பெறுவதற்கு உள்ள உரிமைகளையும் சிறப்புரிமையையும் பாதுகாக்க வேண்டும். முகாம்களை நிர்வகிக்கும் பொறுப்பை சிவில் நிர்வாகத்திடம் ஒப்படைக்குமாறும், சர்வதேச அரச அமைப்புகள், செஞ்சிலுவைக் குழு மற்றும் அரச சார்பற்ற அமைப்புகளைச் சேர்ந்தவர்கள், இடம்பெயர்ந்தவர்களுக்கு உதவுவதற்காக நாளாந்தம் முகாம்களில் பிரசன்னமாயிருப்பதற்கு அனுமதியளிக்குமாறும் சிறீலங்கா அரசை கோருகின்றோம்.

அரசு சுமுக நிலையை ஏற்படுத்தும் வேளை தமிழ்மக்களை பொறுமையாக இருக்கும் படியும், தமிழ்மக்களின் அரசியல் கர்சனைகளுக்குத் தீர்வு காணக்கூடிய அரசியல் சீர்திருத்தங்களை முன்னெடுப்பதை துரிதப்படுத்துமாறும் கோருகிறோம் என தெரிவிக்கப்பட்டுள்ளது

by வித்யாசாகர் Sat Nov 07, 2009 6:53 pm

kirupairajah wrote:அமெரிக்காவின் இலினொய்ஸ் மாநிலத்தைச் சேர்ந்த உறுப்பினர் டேவிட் கொண்டுவந்த இந்தத் தீர்மானத்தை அமெரிக்க மக்கள் பிரதிநிதிகள் சபை 421 1 என்ற அடிப்படையில் ஆதரித்துள்ளது.

அரசு சுமுக நிலையை ஏற்படுத்தும் வேளை தமிழ்மக்களை பொறுமையாக இருக்கும் படியும், தமிழ்மக்களின் அரசியல் கர்சனைகளுக்குத் தீர்வு காணக்கூடிய அரசியல் சீர்திருத்தங்களை முன்னெடுப்பதை துரிதப்படுத்துமாறும் கோருகிறோம் என தெரிவிக்கப்பட்டுள்ளது

அவர்களுக்காவது ஈரம் சுரக்கிறதே..

தகவலிற்கு நன்றி கிருபை

ஏதிலிகள் சகலரையும் விடுவிக்க வலியுறுத்தி அமெரிக்க நாடாளுமன்றில் தீர்மானம்

ஏதிலிகள் சகலரையும் விடுவிக்க வலியுறுத்தி அமெரிக்க நாடாளுமன்றில் தீர்மானம்

Re: ஏதிலிகள் சகலரையும் விடுவிக்க வலியுறுத்தி அமெரிக்க நாடாளுமன்றில் தீர்மானம்