இணைய விளம்பரம் அல்லது உளவாளிகளின் உலக

by aarul Sat Nov 07, 2009 3:50 pm

இணைய விளம்பரம் அல்லது உளவாளிகளின் உலகம்.

மிஸ்டர் எக்ஸ் வழக்கம் போல இனையத்தில் உலாவிக்கொண்டிருந்தார்(browsing)
அவர் ஒரு புத்தக பிரியர் புத்தகங்கள், இதழ்கள், பத்திரிக்கைகள் சார்ந்த
இணைய தளங்களாக பார்வையிட்டுக்கொண்டிருந்தார்.தேடுபொறி (Search Engine)
மூலமாக தன் தேடுதலை தொடந்து தேடிபிடித்து படித்துக் கொண்டிருந்தார்
மிஸ்டர் எக்ஸ். பெரும்பாலும் அவரின் இணைய உலாவுதல் இவை சார்ந்தே நிகழும்.
இடையிடையே புத்தக வெளியீட்டாளர்களுக்கு மின் அஞ்சல் என தொடரும் அவரது உலா.
ஆனால் மிஸ்டர் எக்ஸ்க்கு தெரியாது அவரை ஒரு உளவாளி தொடர்வது.........

மிஸ்டர் ஒய்யும் ஒரு இணைய விரும்பிதான் இவருக்கு சினிமா மோகம். நகரத்தில்
உள்ள திரை அரங்ககுளில் இனையதளங்களுக்கு தினமும் செல்லாமல் இவருக்கு இரவில்
நல்ல தூக்கம் வருவதில்லை. வார விடுமுறைகளில் சினிமா செல்லவில்லையென்றால்
ஏதோ ஒன்றை இழந்தது போல இருக்கும் மிஸ்டர் ஒய்க்கு. முன்பதிவு
செய்வதெல்லாம் இணையம் மூலமாகத்தான். ஆனால் மிஸ்டர் ஒய்க்கு தெரியாது அவரை
ஒரு உளவாளி பின் தொடர்வது.........

மிஸ்டர் எக்ஸ் நியுசிலாந்து சென்றபோதும், மிஸ்டர் ஒய் ஜெர்மனிக்கு
சென்றபோதும் இணையத்தில் உலாவிக்கொண்டிருந்த பொழுது மிஸ்டர் எக்ஸ் உலாவிய
பக்கங்களில் உள்ளுரில் உள்ள புத்தக கடைகளின் விளம்பரங்களும், மிஸ்டர் ஒய்
உலாவிய பக்கங்களில் உள்ளூர் திரை அரங்குகள் பற்றிய விளம்பரங்களும் வந்தன.
எப்படி இது சாத்தியம்? அவரவர் விருப்பம், ரசனைகேற்ப எப்படி விளம்பரங்கள்
வருகிறது?

மியூசிக் சேனலில் லீ ஜீன்ஸ் விளம்பரமும் , “தாலி பெண்ணின்
வேலி” தொடருக்கு இடைவெளியில் ஆச்சி மசாலா விளம்பரமும் ஒரு
குறிப்பிட்ட பிரிவினரை( இளஞர்களை/பெண்களை) இலக்கு வைத்து வரும்
விளம்பரங்கள். இதே அடிப்படையில் இன்னும் இலக்கை துள்ளியமாக்கி தனி
மனிதர்களை குறிவைத்து வருகின்றன இணைய விளம்பரங்கள். “நடத்தைசார்
விளம்பரம்” (Behavioral Advertising) என்ற ஒரு விசயம் உலகம் தழுவி
வளர்ந்து வருகிறது.

இணைய விளம்பரம் அல்லது உளவாளிகளின் உலக FIG2

இந்த
விசயம் உங்களுக்கும்,எனக்கும் நிகழும் அல்லது நிகழ்ந்துக்கொண்டிருக்கிறது.
ஒரு தனி மனிதன் பழக்க வழக்கங்களின் தொகுதி. அவனின் பழக்க வழக்கங்கள்
மூலமாக நாம் அவனை அடையாளப்படுத்திவிட முடியும். அவனின் ஈடுபாடுகளை, அவன்
தேவைகளை, அவனின் ரசனையை நாம் கண்டெடுத்துவிட முடியும். இணையத்தில்
ஒருவனின் நடத்தையை வைத்தே நாம் ஒருவரை பகுத்துவிட முடிகிறது. அவர்
தேடுபொறியில் அவர் தேடும் விசயங்கள், அவர் பார்வையிடும் இணைய தளங்கள்,
அவர் பதிவிறக்கம் செய்யும் விசயங்கள், அவர் பார்வையிட்ட இணைய தளங்களின்
வரலாறு இவைகள் மூலம் நாம் அவரின் ஆளுமையை , அவரின் பாலினத்தை,வயதை,அவரின்
இருப்பிடத்தை,அவரின் தனிபட்ட விருப்பங்களை, அவரின் மத ஈடுபாடுகளை , மத
சுவேஷங்களை, அவரின் ஆரோக்கியம் அல்லது உடல் நல குறைகளை, காமம் சார்ந்த
அவரின் ஈடுபாடுகளை அல்லது காம பிறழ்வுகளை, சமூக,பொருளாதார,அரசியல் குறித்த
அவரின் நிலைபாட்டை, பூமி வெப்பமடைவதை பற்றிய அவரின் புரிதலை, தென்இந்திய
சமையல், இன்னும் சூரியனுக்கு கீழே உள்ள அனைத்திற்கும் அவருக்கும் உள்ள
ஊடுபாவுகளை நாம் கணித்துவிடலாம்.

இதை
தான் இணையத்தில் இயங்கும் விளம்பர
வலையமைப்புக்கள்(AdvertisingNetworks)பயன்படுத்திக்கொள்கின்றன.நாம் ஒரு
இணைய தளத்தை பார்வையிடும்பொழுது அந்த இணைய தளம் நம் கணணியில்
குக்கீஸ்(cookies) என்ற சின்னசிறு கோப்பை (file)நிறுவி விடுகிறது. நம்
இணைய நடவடிக்கைகளை இந்த சின்னசிறு கோப்பு ஒரு அடையாள எண்னோடு தன் இணைய
தளத்திற்கோ அல்லது ஒரு விளம்பர வலையமைப்பு நிறுவனத்திற்கோ அனுப்பி
வைக்கிறது. இவ்வாறு பெறப்படும் தகவல்களை கொண்டு உங்களை வகை படுத்துகிறது
விளம்பர வலையமைப்பு நிறுவனம்.

பின்
நமக்கு தகுந்த விளம்பரங்கள் நம்மை தொடர்கின்றன!! நம்மை பற்றிய தகவலை பெற
web bugs, web beacons, Flash cookies. பல தொழில்நுட்பங்களை விளம்பர
நிறுவனங்கள் பயன் படுத்துகின்றன.

இணைய விளம்பரம் அல்லது உளவாளிகளின் உலக Cookiesites_sm

இணைய
பயணாளிகளின் தனிபட்ட வாழ்க்கையில் அனுமதியில்லாமல் வேற்று மனிதன் நுழைவு
ஒரு வரம்புமீறல் என எதிர்ப்பு குரல்கள் ஒலிக்க தொடங்கியுள்ளன.
விளம்பரங்களுக்காக மட்டுமே இந்த தகவல்கள் திரட்டபடுகின்றன என அந்த
நிறுவனங்கள் சொன்னாலும் இது ஒரு தனிமனித அந்தரங்கத்தின் மீதான தாக்குதல்
எனவும், தனிமனிதனின் தகவல் பாதுகாப்புக்கு அச்சுறுத்தல் என்றும்
அமெரிக்க,ஐரோப்பிய நாடுகளில் எதிர்ப்பு கிளம்பியிருக்கிறது.

இணைய விளம்பரம் அல்லது உளவாளிகளின் உலக FIG1

இங்கிலாந்தில்
BT என்ற தொலைதொடர்பு நிறுவனத் திற்காக PHORM என்ற நிறுவனம் BTயின் 30,000
வாடிக்கையாளர்களின் இணைய நடவடிக்கையை தன் பிரத்யேக மென்பொருள் மூலம்
கண்காணித்தது பெரிய சர்சையை எழுப்பியிருக்கிறது. அதை தொடந்து நடத்தைசார்
விளம்பரங்கள் தனிமனித தகவல் குறித்த விவாதம் அங்கே
நடந்துக்கொண்டிருக்கிறது. அமெரிக்காவின் FEDERAL TRADE COMMISSION இந்த
விளம்பர தொழில் நுட்பத்தை தடைசெய்ய முடியாது என வெளிபடையாக சொல்லாமல்
விளம்பர வலையமைப்பு நிறுவனங்கள் தங்களுக்கு தாங்களே சுய கட்டுப்பாடுகளை
விதித்துக்கொள்ளவேண்டும் என்றது. அது முன் வைத்த யோசனைகளில் ஒன்று தங்கள்
இணையதளங்களில் என்ன தகவல் திரட்டப்ப்டுகிறது ,எப்படி திரட்டப்படுகிறது
என்பதை இணைய தளத்தை உபயோகிப்பவர் அறியும் வண்ணம் அறிவிப்புகள் இருக்க
வேண்டும் என்பது.

YAHOO,GOOGLE
போன்ற நிறுவனங்கள் தங்கள் வாடிக்கையாளர்கள் இந்த விளம்பர வலையிலிருந்து
தங்களை விலக்கி வைத்துக்கொள்ள ஒரு வாய்ப்பை வழங்குகின்றன. கூகுளின்
privacy policy பற்றி தெரிந்துக்கொள்ள:
https://www.youtube.com/googleprivacy#p/a . yahooவில்
privacy policy இணைப்பை தொடந்து செல்லுங்கள். ஆனால் இவையெல்லாம் எவ்வளவு
தூரம் நம்பகதன்மை உடையது என்பது தெரியவில்லை

இணைய விளம்பரம் அல்லது உளவாளிகளின் உலக Yhaoo

ஒரே
கணணியை பல பேர் உபயோகபடுத்தும் சூழலில் ஒரு குறிப்பிட்ட மனிதரை இலக்காக்க
முடியாது என்பது ஒரு வாதமாக இருந்தாலும் எதிர்காலத்தில் ஒரு மனிதன் எந்த
கணணியில் அமர்ந்தாலும் அவனை பின் தொடர தொழில்நுட்பம்
தயாராகிவிடும். தனிமனிதனின்
தகவல்,அந்தரங்கம்,சமூக பாதுகாப்பு பற்றிய மிக முக்கியமான வாழ்வியல்
ஆதாரங்களும் ,இணைய தொழில்நுட்பமும் எதிரெதிரே நிற்கின்றன. சந்தை பொருளாதார
திமிங்கலங்கம் தன் பெரிய வாயை திறந்து காத்துக்கிடக்கின்றது

மேலும் புரிதலுக்கு:

http://www.cdt.org/privacy/targeting/

http://www.networkadvertising.org/

http://www.seochat.com/c/a/Website-Marketing-Help/Behavioral-Advertising-Wave-of-the-Future/

button="hori";
submit_url ="http://marthandanj.blogspot.com/2009/11/browsing.html"