குடிநீர் போத்தலில் பத்துமலை படம்: முஸ்லிம் இயக்கங்கள் கொதிப்பு

by **ayyasamy ram** Wed Nov 12, 2014 7:26 am

-
கோலாலம்பூர், நவம்பர் 5-

மினரல் குடிநீர் நிறுவனம் ஒன்று “Halal” முத்திரைக்குப் பக்கத்தில் பத்துமலை முருகனின் சிலையை வெளியிட்டிருப்பது குறித்து இஸ்லாமிய சமய இயக்கங்கள் கண்டனம் தெரிவித்துள்ளன.

சம்பந்தப்பட்ட குடிநீர் நிறுவனமான சுவான் சுன் SDN BHD, போத்தல் லேபள்களில் முருகனின் புகைப்படத்தை வெளியிட்டிருப்பது இந்நாட்டு முஸ்லிம்களின் உணர்வுகளை பாதிப்பதாக மலேசிய முஸ்லிம் பயனீட்டாளர் சங்கம் (PPIM) தெரிவித்துள்ளது.

‘ஹலால் முத்திரைக்குப் பக்கத்தில் எப்படி சுவான் சின் நிறுவனம் மற்றொரு இறைவன் படத்தை வெளியிட முடியும். இது இந்நாட்டில் வாழும் முஸ்லிம்களின் உணர்வுகளை பெரிதும் பாதித்துள்ளது என அச்சங்கம் தெரிவித்துள்ளது.

‘இவ்விவகாரம் குறித்து நாங்கள் காவல்த்துறையில் புகார் செய்யவிருப்பதோடு, அனைத்து இஸ்லாமிய அமலாக்க இலாகாக்கள் மற்றும் அரசு சாரா முஸ்லிம் அமைப்புகளை ஒன்று திரட்டி இக்குடிநீர் போத்தல்களின் விற்பனைக்குத் தடை விதிக்க வேண்டும் என்றார் அவர்.

சின் சுவா நிறுவனம் “Cactus’ மற்றும் Spritzer ஆகிய பெயர்களில் குடிநீர் போத்தல்களை தயாரித்து விநியோகம் செய்து வருகிறது.

‘குடிநீர் போத்தல் தயாரிப்பாளர் என்ற வகையில், சம்பந்தப்பட்ட நிறுவனம் மக்களின் உணர்வுகள், அரசியலமைப்புச் சட்டம், அதில் நாட்டின் அதிகாரப்பூர்வ மதமாக குறிப்பிடப்பட்டிருக்கும் இஸ்லாம் ஆகியவற்றுக்கு முக்கியத்துவம் செலுத்த வேண்டும் என PPIP அமைப்பின் தலைவர் ஷேக் அப்துல் தெரிவித்தார்.

அவர்கள் ஹலால் முத்திரையை வெளியிடாவிட்டாலும் பரவாயில்லை. ஆனால், இரு சமயத்தின் முத்திரைகளை வெளியிடுவது முஸ்லிம்களியே குழப்பத்தை ஏற்படுத்தும் என்றார் அவர்.

---வணக்கம் மலேசியா