இந்திய மருந்தை விற்ற சீன தம்பதி மீது விசாரணை

by kshanmuganathan Wed Nov 12, 2014 3:44 am

பீஜிங் : இந்தியாவில் குறைந்த விலையில் கிடைக்கும் புற்றுநோய் சிகிச்சை மருந்துகளை, சீனாவில் விற்பனை செய்த அந்நாட்டு தம்பதி மீது வழக்கு பதிவு செய்யப்பட்டு, விசாரணை நடைபெறுகிறது. இந்தியாவின், அண்டை நாடான சீனாவில், ஏராளமான மருந்து நிறுவனங்கள் இருந்தாலும், அவை மேலைநாட்டு தொழில்நுட்பம் மற்றும் அவற்றின் விலை கட்டுப்பாட்டில் உள்ளன. இதனால், சீனாவில் மருந்துகள் விலை அதிகம். குறிப்பாக, புற்றுநோய் சிகிச்சைக்கு பயன்படுத்தப்படும் மருந்துகளுக்கு, அங்கு தட்டுப்பாடு நிலவுவதுடன், விலையும் அதிகமாக உள்ளது. இதனால், இந்தியாவிலிருந்து புற்று நோய் மருந்துகளை வாங்கிச் சென்று, இணையதளம் மூலம், விற்பனை செய்த, ஸாவோ குவாங்சியாங் மற்றும் அவர் மனைவி மா யாலின் மீது வழக்கு தொடரப்பட்டது. இதற்கான விசாரணையில், அந்த தம்பதி, சீனாவில் புற்றுநோய்க்கு தரப்படும் மருந்துகள், இந்தியாவில் விலை குறைவாக உள்ளதை எடுத்துக் கூறி வாதிட்டனர். எனினும், அவர்களின் வாதத்தை நீதிமன்றம் ஏற்கவில்லை. இந்தியாவிலிருந்து கொண்டு வரப்படும் மருந்துகள், சீனாவில் நிலவும் விலைக்கே விற்கப்பட வேண்டும் என உத்தரவிட்டுள்ளது; தொடர்ந்து விசாரணை நடைபெறுகிறது.