கோயம்பேடு பஸ் நிலையத்தில் பெண்ணிடம் நகையை பறித்த வாலிபர்: போலீசார் விரட்டி பிடித்தனர்

by **ராஜா** Tue Nov 11, 2014 4:35 pm

விழுப்புரம் மாவட்டம் செஞ்சியை அடுத்த புலி வந்தலி கிராமத்தைச் சேர்ந்தவர் சிவராஜ்.

இவர் மனைவி கலையரசி (30) மைத்துனி, தேவி (21) ஆகியோருடன் திருப்பதி சென்று விட்டு நள்ளிரவு கோயம்பேடு பஸ் நிலையம் வந்து இறங்கினார்.

கேளம்பாக்கத்தில் உள்ள உறவினர் வீட்டுக்கு செல்ல திட்டமிட்டனர். ஆனால் பஸ் இல்லாததால் கோயம்பேடு பஸ் நிலையத்தில் தங்களது பொருட்களை வைத்து தூங்கினர்.

அதிகாலை 3 மணி அளவில் கலையரசி கழுத்தில் அணிந்து இருந்த 2½ பவுன் நகையை மர்ம நபர் பறித்துக் கொண்டு ஓடினார். அதிர்ச்சி அடைந்த கலையரசி கூச்சல் போட்டார்.

உடனே அங்கு சாதாரண உடையில் இருந்த போலீஸ்காரர்கள் நந்தகோபால், ராமகுமார், வெங்கடேஷ் ஆகியோர் அந்த வாலிபரை விரட்டினர். நீண்ட நேரம் போராடி 1–வது பிளாட்பாரத்தில் அவனை மடக்கி பிடித்தனர்.

அவனது பெயர் பூங்காவனம் என்றும் வந்தவாசியை சேர்ந்தவர் என்றும் தெரிய வந்தது. அவனிடம் இருந்து திருடப்பட்ட 2½ பவுன் நகை மீட்கப்பட்டது. போலீசார் அவனை கைது செய்து விசாரணை நடத்தி வருகிறார்கள்.

கோயம்பேடு பஸ் நிலையத்தில் பயணிகளின் உடமைகள் அடிக்கடி திருடப்படுவதாக போலீசுக்கு புகார்கள் வந்தது. இதையடுத்து அண்ணாநகர் துணை கமிஷனர் மனோகரன் உத்தரவின் பேரில் இன்ஸ்பெக்டர் அரிக்குமார் தலைமையில் தனிப்படை அமைக்கப்பட்டது. இவர்கள் இரவு முழுக்க பஸ் நிலையத்தில் தீவிர கண்காணிப்பில் ஈடுபட்டனர். கடந்த 2 நாட்களுக்கு முன்பு பஸ் நிலையத்தில் ஒரு பெண்ணிடம் நகை திருடியதாக ஸ்டாலின் என்பவன் கைது செய்யப்பட்டான்.

இப்போது 2–வது சம்பவமாக நகை திருடிய பூங்காவனம் கைது செய்யப்பட்டு உள்ளான். தொடர் திருட்டை தடுக்க பஸ் நிலையத்தில் உள்ள கண்காணிப்பு கேமிராக்களும் தொடர்ந்து ஆய்வு செய்யப்பட்டு வருகிறது.

-maalaimalar

by **ராஜா** Tue Nov 11, 2014 4:40 pm

உடனே அங்கு சாதாரண உடையில் இருந்த போலீஸ்காரர்கள் நந்தகோபால், ராமகுமார், வெங்கடேஷ் ஆகியோர் அந்த வாலிபரை விரட்டினர். நீண்ட நேரம் போராடி 1–வது பிளாட்பாரத்தில் அவனை மடக்கி பிடித்தனர்.

ஆங்கில படங்களில் தான் இது போல அவசரங்களுக்கு போலீஸ்காரர்கள் உடனே வருவார்கள், நம்ம ஊரிலும் இது போல நடப்பதை பார்ப்பதற்கு மகிழ்ச்சியாக உள்ளது. இது போல காவல்துறையினர் செயல்பட்டால் பொதுமக்களுக்கு நம்பிக்கை பிறக்கும்.

வாழ்த்துகள் தமிழ்நாடு காவல்துறைக்கு நன்றி

by **M.M.SENTHIL** Tue Nov 11, 2014 4:42 pm

படிக்கும் போதே சந்தோசமாய் இருக்கிறது... பறிகொடுத்த போது அந்த பெண்ணின் மனநிலை எப்படி இருந்திருக்கும்.. இருப்பினும் உடனே மீட்டுக் கொடுத்த காக்கிச்சட்டைக்கு ஒரு சல்யூட்

by mbalasaravanan Tue Nov 11, 2014 4:46 pm

தமிழ்நாடு காவல்துறைக்கு நன்றி

by Sponsored content

கோயம்பேடு பஸ் நிலையத்தில் பெண்ணிடம் நகையை பறித்த வாலிபர்: போலீசார் விரட்டி பிடித்தனர்

கோயம்பேடு பஸ் நிலையத்தில் பெண்ணிடம் நகையை பறித்த வாலிபர்: போலீசார் விரட்டி பிடித்தனர்

Re: கோயம்பேடு பஸ் நிலையத்தில் பெண்ணிடம் நகையை பறித்த வாலிபர்: போலீசார் விரட்டி பிடித்தனர்

Re: கோயம்பேடு பஸ் நிலையத்தில் பெண்ணிடம் நகையை பறித்த வாலிபர்: போலீசார் விரட்டி பிடித்தனர்

Re: கோயம்பேடு பஸ் நிலையத்தில் பெண்ணிடம் நகையை பறித்த வாலிபர்: போலீசார் விரட்டி பிடித்தனர்

Re: கோயம்பேடு பஸ் நிலையத்தில் பெண்ணிடம் நகையை பறித்த வாலிபர்: போலீசார் விரட்டி பிடித்தனர்