டீக்கடை மனிதன்...!!! - Mano Red

by Mano Red Tue 11 Nov 2014 - 9:34

First topic message reminder :

எல்லா டீக்கடைகளிலும்
எல்லாம் தெரிந்ததாய் பேச
ஒருவன் இருப்பான்,
அரசியல் முதல்
ஆன்மீகம் வரை
அள்ளி வீசுவான்..!!

டீக்குடிக்க காசில்லாமல்
தலையை சொறிபவன்,
யாரோ தீக்குளித்த செய்தியில்
வதந்தி எண்ணெய் ஊற்றி
இன்னும் எறியச் செய்வான்,
எல்லைப் பிரச்சனையை
எளிதில் தீர்த்து விடுவான்..!

அவன் குடும்பத்தை
நடத்த தெரியாதவன்,
உலக சண்டை
மட்டுமின்றி,
இனப்படுகொலை குறித்து
கொந்தளிப்பான்..!!

துட்டு வாங்கி
ஓட்டுப் போட்டவன்
கறுப்பு பணத்தின் மேல்
கடும் கோபம் காட்டுவான்,
நாட்டு நடப்பு மேல்
அத்தனை நாட்டம் கொண்டு
நாகரிகமாக பேசுவான்...!!

ஒழுங்காக
கால் கழுவத் தெரியாதவன்,
கலாச்சர இலக்கியத்தை
கடித்து துப்புவான்,
வராத வரலாற்று நிகழ்வை
வாய் கிழிய பேசுவான்..!!

ஒர் கோப்பை தேநீர்
குடித்து முடிப்பதற்குள்
அவன்,
போராளி,
கோபக்காரன்,
நடுநிலையாளன்,
நீதிபதி,
அரசியல்வாதி,
சர்வாதிகாரி,
கவிஞன்,
கதை சொல்பவன் என
அரை நிமிடத்தில்
ஆயிரம் அவதாரம்
அவனாகவே எடுத்து
அவனாகவே விடைபெறுகிறான்...!!

by **M.M.SENTHIL** Tue 11 Nov 2014 - 18:27

mbalasaravanan wrote:அருமையான வார்த்தைகள், எனக்கும் ஆசை தான் கவிதை எழுத யார் தான் படிப்பார்கள்

மேற்கோள் செய்த பதிவு: 1102587

எனக்கும் ஆசை தான்
கவிதை எழுத
யார் தான் படிப்பார்கள்

இதுவே ஒரு கவிதைதானே புன்னகை

by Mano Red Tue 11 Nov 2014 - 19:05

நன்றி தோழா ..:-)

by Mano Red Tue 11 Nov 2014 - 19:14

நமக்கு புடிச்ச எல்லாமே கவிதை தான் பாலா சார்

by **T.N.Balasubramanian** Tue 11 Nov 2014 - 20:30

Mano Red wrote:நமக்கு புடிச்ச எல்லாமே கவிதை தான் பாலா சார்

மேற்கோள் செய்த பதிவு: 1102618

பிடிக்கும் வரிகளும் கவிதை:
பிடிக்கும் வனிதையும் கவிதை:
பிடிக்கும் செயல்களும் கவிதை !

டீக்கடை மனிதனும்,
ஆற்றிய தேநீரும்,
நான் ரசித்த கவிதையே, Mano !

ரமணியன்