டீக்கடை மனிதன்...!!! - Mano Red

by Mano Red Tue Nov 11, 2014 8:04 am

எல்லா டீக்கடைகளிலும்
எல்லாம் தெரிந்ததாய் பேச
ஒருவன் இருப்பான்,
அரசியல் முதல்
ஆன்மீகம் வரை
அள்ளி வீசுவான்..!!

டீக்குடிக்க காசில்லாமல்
தலையை சொறிபவன்,
யாரோ தீக்குளித்த செய்தியில்
வதந்தி எண்ணெய் ஊற்றி
இன்னும் எறியச் செய்வான்,
எல்லைப் பிரச்சனையை
எளிதில் தீர்த்து விடுவான்..!

அவன் குடும்பத்தை
நடத்த தெரியாதவன்,
உலக சண்டை
மட்டுமின்றி,
இனப்படுகொலை குறித்து
கொந்தளிப்பான்..!!

துட்டு வாங்கி
ஓட்டுப் போட்டவன்
கறுப்பு பணத்தின் மேல்
கடும் கோபம் காட்டுவான்,
நாட்டு நடப்பு மேல்
அத்தனை நாட்டம் கொண்டு
நாகரிகமாக பேசுவான்...!!

ஒழுங்காக
கால் கழுவத் தெரியாதவன்,
கலாச்சர இலக்கியத்தை
கடித்து துப்புவான்,
வராத வரலாற்று நிகழ்வை
வாய் கிழிய பேசுவான்..!!

ஒர் கோப்பை தேநீர்
குடித்து முடிப்பதற்குள்
அவன்,
போராளி,
கோபக்காரன்,
நடுநிலையாளன்,
நீதிபதி,
அரசியல்வாதி,
சர்வாதிகாரி,
கவிஞன்,
கதை சொல்பவன் என
அரை நிமிடத்தில்
ஆயிரம் அவதாரம்
அவனாகவே எடுத்து
அவனாகவே விடைபெறுகிறான்...!!

by **ayyasamy ram** Tue Nov 11, 2014 9:36 am

by Mano Red Tue Nov 11, 2014 10:01 am

நன்றி தோழா ..

by **M.M.SENTHIL** Tue Nov 11, 2014 4:21 pm

கவிதை நன்று மனோ

Mano Red wrote:நன்றி தோழா ..

மேற்கோள் செய்த பதிவு: 1102472

அவரின் ப்ரோபைல் சென்று அவரின் வயதை பாருங்கள் மனோ, வயதில் மூத்தவர், ஐயா என்று சொன்னால் நன்றாக இருக்கும் என்பது என் கருத்து.

by Mano Red Tue Nov 11, 2014 4:31 pm

மன்னிக்கவும் செந்தில்...மொபைலில் உபயோகிப்பதன் விளைவு இது....இனிமேல் பெயரை உபயோகிக்கிறேன் ,,,, டீக்கடை மனிதன்...!!! - Mano Red 1757813334

by **M.M.SENTHIL** Tue Nov 11, 2014 4:32 pm

Mano Red wrote:மன்னிக்கவும் செந்தில்...மொபைலில் உபயோகிப்பதன் விளைவு இது....இனிமேல் பெயரை உபயோகிக்கிறேன் ,,,,

மேற்கோள் செய்த பதிவு: 1102577

மன்னிப்பென்ற பெரிய வார்த்தை வேண்டாம்
தெரியாததால்தானே அவ்வாறு எழுதினீர்கள்,
என் கருத்தை மட்டுமே நான் சொன்னேன், அவ்வளவே

by Mano Red Tue Nov 11, 2014 4:35 pm

ஹா ஹா ...செந்தில் நான் பொதுவாகவே சொல்கிறேன்...மன்னிப்பென்ற வார்த்தைக்கு ஆயிரம் அர்த்தம் இருக்கிறது...நான் சொன்ன அர்த்தம் சும்மா தான் ...உங்களை இனிமேல் அண்ணா என அழைக்கிறேன் ...பெயர் வேண்டாம் ... சூப்பருங்க

நன்றி அண்ணா

by **M.M.SENTHIL** Tue Nov 11, 2014 4:38 pm

Mano Red wrote:ஹா ஹா ...செந்தில் நான் பொதுவாகவே சொல்கிறேன்...மன்னிப்பென்ற வார்த்தைக்கு ஆயிரம் அர்த்தம் இருக்கிறது...நான் சொன்ன அர்த்தம் சும்மா தான் ...உங்களை இனிமேல் அண்ணா என அழைக்கிறேன் ...பெயர் வேண்டாம் ... நன்றி அண்ணா

மேற்கோள் செய்த பதிவு: 1102580

தம்பி நான் என்னை சொல்லலை, திரு. அய்யாசாமி ராம் அவர்களை சொன்னேன்