பாம்பு படம் எடுக்க நாலு கோடி!

மீனு · மீனு Fri Nov 06, 2009 7:40 pm

ஆயிரத்தில் ஒருவன் படத்தின் போஸ்ட் புரடக்‌ஷன் வேலைகளைக்கூடக் கவனிக்காமல் அடுத்த படத்திற்குப் போய்விட்டார் செல்வராகவன். நல்லவேளையாக அவர் இல்லாமலே டெக்னிக் வேலைகளை முடித்து முதல் பிரதியையும் தயார் செய்துவிட்டாராம் தயாரிப்பாளர் ரவீந்தரன்.

இந்த படத்தில் கிராபிக்ஸ் காட்சிகளுக்கு ஏராளமாக செலவழித்திருக்கிறார்கள் என்பது தெரிந்த விஷயம்தான். ஆனால் ஒரு முக்கியமான காட்சியை கிராபிக்ஸ் செய்ய சில கம்பெனிகள் தயக்கம் காட்டிய தகவல் இப்போது வெளி வந்திருக்கிறது. காட்டில் சுமார் ஒரு லட்சம் பாம்புகள் நெளிந்துகொண்டிருக்க, அவற்றைத் தாண்டித் தாண்டி ஹீரோ ஓடுவது போலக் காட்சி. அதை அப்படியே கொண்டுவந்து கிராபிக்ஸ் வல்லுனர்களிடம் கொடுத்துப் பாம்புகளை ஏற்பாடு பண்ணுங்க என்று கூறிவிட்டாராம் செல்வா.

ஆனால், தாவி ஓடி கால் வைக்கிற இடத்திலும் பாம்புகள் இருக்குமல்லவா? அவற்றின் வாலையோ, தலையையோ அவர் மிதிக்கும்போது அவை சீறுவது போல கிராபிக்ஸ் அமைய வேண்டும். சீறுகிற போது அதற்கேற்றாற்போலக் கார்த்தியின் முக பாவம் மாற வேண்டுமல்லவா? அது இல்லையாம் படத்தில். அப்படி இருந்தால்தான் நாங்கள் செய்கிற கிராபிக்சுக்கும் ஒரு அர்த்தம் இருக்கும் என்றார்களாம் சொல்லி வைத்தாற்போல் எல்லாரும்.

மறுபடியும் கார்த்தியைத் தாவ வைத்து அவர் முகத்தில் பதற்றம் காட்டி ரீ ஷூட் செய்த பின்புதான் கிராபிக்ஸ் செய்யவே ஒப்புக்கொண்டதாம் ஆட் லேப்ஸ் நிறுவனம். இந்த ஒரு காட்சிக்கே நாலு கோடி செலவு என்கிறார்கள்.

பாம்பு சீறுதோ இல்லையோ? பட்ஜெட் சீறுது!

*

msmasfaq · msmasfaq Fri Nov 06, 2009 9:46 pm

பாம்பு சீறுதோ இல்லையோ? பட்ஜெட் சீறுது!
!!!!

பாம்பு படம் எடுக்க நாலு கோடி!

பாம்பு படம் எடுக்க நாலு கோடி!

Re: பாம்பு படம் எடுக்க நாலு கோடி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக