வெறும் ரூ.6,000 செலவில் காற்றாலை மின்சாரம்!

First topic message reminder :

வெறும் ரூ.6,000 செலவில் காற்றாலை மின்சாரம்!



வெறும் ரூ.6,000 செலவில் காற்றாலை மின்சாரம்!

உளுந்தூர்பேட்டையை சேர்ந்த சுரேஷ், ராமு ஆகியோர் ரூ. 6,000 செலவில் காற்றாலை தயாரித்து அதன் மூலம் தங்கள் வீட்டு மின் தேவையை பூர்த்தி செய்து வருகின்றனர்.

தமிழகத்தில் மின்தட்டுப்பாடாக உள்ளதால் கடும் மின்வெட்டு ஏற்பட்டுகிறது. இதனால் பொது மக்கள், வியாபாரிகள், விவசாயிகள், தொழில் நிறுவனத்தினர், தொழிலாளர்கள் என பல தரப்பினரும் பெருமளவில் பாதிக்கப்பட்டுள்ளனர். இதனால் மக்கள் தங்களது பட்ஜெட்டுக்கு ஏற்ப ஜெனரேட்டர் மற்றும் இன்வெர்ட்டர் ஆகியவற்றை வாங்கி வேண்டா வெறுப்பாக பயன்படுத்தி வருகின்றனர்.

ஏழை, எளிய மக்களோ மண்ணெண்ணெய் விளக்குகளை பயன்படுத்தி வருகின்றனர். இந்த நிலையில் உளுந்தூர்பேட்டையைச் சேர்ந்த வாலிபர்கள் சுரேஷ், ராமு ஆகியோர் ரூ. 6,000 செலவில் காற்றாலை தயாரித்து அதன் மூலம் தங்கள் வீட்டு மின் தேவையை பூர்த்தி செய்து வருகின்றனர்.

சுரேஷ் தொழிற்கல்வி பாடப்பிரிவில் எலக்ட்ரீஷியனுக்கு படித்தவர். ராமு எலக்ட்ரீஷியனாக வேலை பார்த்து வருபவர். இவர்கள் இருவரும் சேர்ந்து காற்றாலை மூலம் புதிய மின் உற்பத்தியை தொடங்க திட்டமிட்டனர். ஆனால் அதற்கு உதிரி பாகங்கள் கிடைக்கவில்லை. இதனால் அதையும் அவர்களே உற்பத்தி செய்யும் முடிவுக்கு வந்தனர்.

இதற்காக சுரேஷ் வீட்டின் மேல் மாடியில் 15 அடி உயர கம்பம் வைத்து அதில் 3 பி.வி.சி. பிளாஸ்டிக் பைப்களை கொண்டு தயாரிக்கப்பட்ட இறக்கையை பொறுத்தினர். அதில் மேல் பக்கம் கிரைண்டருக்கு பயன்படுத்தும் சக்கரத்தையும், கீழே டைனமோ வைத்து அதன் ஒரு பகுதியில் சிறிய அளவிலான சக்கரத்தையும் வைத்துள்ளனர். மேலே உள்ள சக்கரத்திற்கும், கீழே உள்ள சக்கரத்திற்கும் ஒரு பெல்ட் மூலம் இணைப்பு கொடுத்துள்ளனர். இதனால் இறக்கை காற்றின் வேகத்திற்கு ஏற்றவாறு சுற்றும் போது அதன் மூலம் டைனமோ மின்சாரத்தை தயாரிக்கிறது. அதிலிருந்து வரும் ஒரு மின் கம்பி பேட்டரியில் மின்சாரத்தை சேமிக்கிறது.

இதை கொண்டு சுரேஷ் தனது வீட்டிற்கு தேவையான அளவு மின்சாரத்தை பயன்படுத்தி வருகிறார். இதனால் மின்சாரம் இருக்கும் போது கூட சுரேஷின் தன் வீட்டில் தயாரிக்கும் மின்சாரத்தையே அதிக அளவு பயன்படுத்தி வருகிறார். இதனால் மாதம் ரூ.600 மின் கட்டணம் செலுத்தி வந்த அவர் தற்போது தனது வீட்டில் உற்பத்தியாகும் மின்சாரத்தை பயன்படுத்தி வருவதால் மாதம் ரூ. 200 வரை மட்டுமே கட்டுவதாக கூறப்படுகின்றது.

மேலும், கடலோர பகுதிகளில் அதிக அளவு காற்று அடிப்பதால் அந்தப் பகுதியில் உள்ளவர்களின் வீடுகளில் அனைத்து தேவைகளுக்கும் காற்றை கொண்டு தயாரிக்கும் மின்சாரத்தை பயன்படுத்தலாம் என்கின்றனர்

இந்த சாதனை மனிதர்கள். சுரேஷ் வீட்டின் மேல் அமைக்கப்பட்டுள்ள மின்சாரம் தயாரிக்கும் காற்றாடியை உளுந்தூர்பேட்டையை மட்டுமின்றி விழுப்புரம் மாவட்டத்தின் பல்வேறு பகுதிகளைச் சேர்ந்த ஏராளமானோர் வந்து ஆச்சயர்த்துடன் பார்த்து செல்கின்றனர்.

நன்றி :மாலைமலர்

மக்கள் எப்படி வாழ்ந்தால் நமக்கென்ன என்ற நிலைப்பாடுள்ள அரசாங்கத்தைக் கொண்ட நாடுகளில் உள்ள மக்கள் இப்படித்தான் வாழ்க்கையை ஓட்ட வேண்டும்!

மிகச்சிறந்த கண்டுப்பிடிப்பு

.

அவர் அதன் மூலம் ஒரு சிறிய CFL அல்லது மொபைல் Charging இது போல சொன்னால் நம்பலாம்

முதலில் Physics . ஒரு சைக்கிள் எனபது ஒரு சுற்று . காற்றாலை நன்றாக சுழன்றால் தான் ஒரு சைக்கிள் முழுமையாக உற்பத்தியாகும் . அதை ஒரே முறையில் டைனமொவோடு இணைத்து விட வேண்டும் ... பெல்ட் மூலம் இணைப்பு கொடுத்தால் ஆற்றல் இழப்பு ஏற்படும் ..


முதலில் கொடுத்துள்ள படத்தை பாருங்கள் ஒரு பழைய மிதி வண்டியில் டைன்னமோவால் கிடைக்கும் சக்தியை விடக் குறைவாகத் தான் கிடைக்கும்.

இனி Electrical

பொதுவாக ஒரு Battery சார்ஜ் பண்ண வேண்டுமானால் ..சரியான அளவு மின்சாரம் அதற்கு கிடைக்க வேண்டும் . கார் அல்லது பைக் வைத்திருப்பவர்களுக்கே அது தெரியும்.

கொஞ்சம் common sense

பொதுவாக முதல் 100 unit 250 ரூபாய் . அடுத்த 100 350 ரூபாய் ..குறைந்த பட்சம் அவர் 400 ரூபாய் மிச்சம் பிடிடால் அவரால் சுமார் 200 உநிட் மிசாரத்தை அதன் மூலம் உற்பத்தி செய்திருக்க வேண்டும் அல்லவா ..!!! யோசித்துப் பாருங்கள்