வெறும் ரூ.6,000 செலவில் காற்றாலை மின்சாரம்!

by drsasikumarr Thu Nov 06, 2014 11:54 am

வெறும் ரூ.6,000 செலவில் காற்றாலை மின்சாரம்!

வெறும் ரூ.6,000 செலவில் காற்றாலை மின்சாரம்!

உளுந்தூர்பேட்டையை சேர்ந்த சுரேஷ், ராமு ஆகியோர் ரூ. 6,000 செலவில் காற்றாலை தயாரித்து அதன் மூலம் தங்கள் வீட்டு மின் தேவையை பூர்த்தி செய்து வருகின்றனர்.

தமிழகத்தில் மின்தட்டுப்பாடாக உள்ளதால் கடும் மின்வெட்டு ஏற்பட்டுகிறது. இதனால் பொது மக்கள், வியாபாரிகள், விவசாயிகள், தொழில் நிறுவனத்தினர், தொழிலாளர்கள் என பல தரப்பினரும் பெருமளவில் பாதிக்கப்பட்டுள்ளனர். இதனால் மக்கள் தங்களது பட்ஜெட்டுக்கு ஏற்ப ஜெனரேட்டர் மற்றும் இன்வெர்ட்டர் ஆகியவற்றை வாங்கி வேண்டா வெறுப்பாக பயன்படுத்தி வருகின்றனர்.

ஏழை, எளிய மக்களோ மண்ணெண்ணெய் விளக்குகளை பயன்படுத்தி வருகின்றனர். இந்த நிலையில் உளுந்தூர்பேட்டையைச் சேர்ந்த வாலிபர்கள் சுரேஷ், ராமு ஆகியோர் ரூ. 6,000 செலவில் காற்றாலை தயாரித்து அதன் மூலம் தங்கள் வீட்டு மின் தேவையை பூர்த்தி செய்து வருகின்றனர்.

சுரேஷ் தொழிற்கல்வி பாடப்பிரிவில் எலக்ட்ரீஷியனுக்கு படித்தவர். ராமு எலக்ட்ரீஷியனாக வேலை பார்த்து வருபவர். இவர்கள் இருவரும் சேர்ந்து காற்றாலை மூலம் புதிய மின் உற்பத்தியை தொடங்க திட்டமிட்டனர். ஆனால் அதற்கு உதிரி பாகங்கள் கிடைக்கவில்லை. இதனால் அதையும் அவர்களே உற்பத்தி செய்யும் முடிவுக்கு வந்தனர்.

இதற்காக சுரேஷ் வீட்டின் மேல் மாடியில் 15 அடி உயர கம்பம் வைத்து அதில் 3 பி.வி.சி. பிளாஸ்டிக் பைப்களை கொண்டு தயாரிக்கப்பட்ட இறக்கையை பொறுத்தினர். அதில் மேல் பக்கம் கிரைண்டருக்கு பயன்படுத்தும் சக்கரத்தையும், கீழே டைனமோ வைத்து அதன் ஒரு பகுதியில் சிறிய அளவிலான சக்கரத்தையும் வைத்துள்ளனர். மேலே உள்ள சக்கரத்திற்கும், கீழே உள்ள சக்கரத்திற்கும் ஒரு பெல்ட் மூலம் இணைப்பு கொடுத்துள்ளனர். இதனால் இறக்கை காற்றின் வேகத்திற்கு ஏற்றவாறு சுற்றும் போது அதன் மூலம் டைனமோ மின்சாரத்தை தயாரிக்கிறது. அதிலிருந்து வரும் ஒரு மின் கம்பி பேட்டரியில் மின்சாரத்தை சேமிக்கிறது.

இதை கொண்டு சுரேஷ் தனது வீட்டிற்கு தேவையான அளவு மின்சாரத்தை பயன்படுத்தி வருகிறார். இதனால் மின்சாரம் இருக்கும் போது கூட சுரேஷின் தன் வீட்டில் தயாரிக்கும் மின்சாரத்தையே அதிக அளவு பயன்படுத்தி வருகிறார். இதனால் மாதம் ரூ.600 மின் கட்டணம் செலுத்தி வந்த அவர் தற்போது தனது வீட்டில் உற்பத்தியாகும் மின்சாரத்தை பயன்படுத்தி வருவதால் மாதம் ரூ. 200 வரை மட்டுமே கட்டுவதாக கூறப்படுகின்றது.

மேலும், கடலோர பகுதிகளில் அதிக அளவு காற்று அடிப்பதால் அந்தப் பகுதியில் உள்ளவர்களின் வீடுகளில் அனைத்து தேவைகளுக்கும் காற்றை கொண்டு தயாரிக்கும் மின்சாரத்தை பயன்படுத்தலாம் என்கின்றனர்

இந்த சாதனை மனிதர்கள். சுரேஷ் வீட்டின் மேல் அமைக்கப்பட்டுள்ள மின்சாரம் தயாரிக்கும் காற்றாடியை உளுந்தூர்பேட்டையை மட்டுமின்றி விழுப்புரம் மாவட்டத்தின் பல்வேறு பகுதிகளைச் சேர்ந்த ஏராளமானோர் வந்து ஆச்சயர்த்துடன் பார்த்து செல்கின்றனர்.

நன்றி :மாலைமலர்

by **ராஜா** Thu Nov 06, 2014 12:59 pm

வாவ் ...... மிகச்சிறந்த கண்டுப்பிடிப்பு , இவர்களை போன்றவர்களை அரசு ஊக்கபடுத்தினால் எதற்கெடுத்தாலும் பன்னாட்டு நிறுவனங்களையும் அவர்களின் பொருட்களையும் தேடி ஓடும் அவலம் நின்றுவிடும்

by **T.N.Balasubramanian** Thu Nov 06, 2014 1:35 pm

ராஜா wrote:வாவ் ...... மிகச்சிறந்த கண்டுப்பிடிப்பு , இவர்களை போன்றவர்களை அரசு ஊக்கபடுத்தினால் எதற்கெடுத்தாலும் பன்னாட்டு நிறுவனங்களையும் அவர்களின் பொருட்களையும் தேடி ஓடும் அவலம் நின்றுவிடும்

மேற்கோள் செய்த பதிவு: 1101859

நீங்க ஒன்னு ! ஊக்கப்படுத்துவதா ? இவர்களை கள்ள மின்சாரம் தயாரித்த குற்றத்திற்காக உள்ளே போடாமல் இருந்தால் பெரிசு .

வரவேற்கப்படவேண்டிய,கண்டுபிடிப்பு .

ரமணியன்

by **M.M.SENTHIL** Thu Nov 06, 2014 1:37 pm

மிக அருமையான கண்டுபிடிப்பு...

by பாலாஜி Thu Nov 06, 2014 1:42 pm

மிக அருமையான கண்டுபிடிப்பு. ... வாழ்த்துகள் இருவருக்கும்

by **SajeevJino** Thu Nov 06, 2014 2:20 pm

இதை கொண்டு சுரேஷ் தனது வீட்டிற்கு தேவையான அளவு மின்சாரத்தை பயன்படுத்தி வருகிறார். இதனால் மின்சாரம் இருக்கும் போது கூட சுரேஷின் தன் வீட்டில் தயாரிக்கும் மின்சாரத்தையே அதிக அளவு பயன்படுத்தி வருகிறார். இதனால் மாதம் ரூ.600 மின் கட்டணம் செலுத்தி வந்த அவர் தற்போது தனது வீட்டில் உற்பத்தியாகும் மின்சாரத்தை பயன்படுத்தி வருவதால் மாதம் ரூ. 200 வரை மட்டுமே கட்டுவதாக கூறப்படுகின்றது.

இத நாங்க நம்பணுமா..

கொஞ்சம் கவனித்து அந்த கட்டுரையை படித்துப் பாருங்கள்

இதற்காக சுரேஷ் வீட்டின் மேல் மாடியில் 15 அடி உயர கம்பம் வைத்து அதில் 3 பி.வி.சி. பிளாஸ்டிக் பைப்களை கொண்டு தயாரிக்கப்பட்ட இறக்கையை பொறுத்தினர். அதில் மேல் பக்கம் கிரைண்டருக்கு பயன்படுத்தும் சக்கரத்தையும், கீழே டைனமோ வைத்து அதன் ஒரு பகுதியில் சிறிய அளவிலான சக்கரத்தையும் வைத்துள்ளனர். மேலே உள்ள சக்கரத்திற்கும், கீழே உள்ள சக்கரத்திற்கும் ஒரு பெல்ட் மூலம் இணைப்பு கொடுத்துள்ளனர். இதனால் இறக்கை காற்றின் வேகத்திற்கு ஏற்றவாறு சுற்றும் போது அதன் மூலம் டைனமோ மின்சாரத்தை தயாரிக்கிறது. அதிலிருந்து வரும் ஒரு மின் கம்பி பேட்டரியில் மின்சாரத்தை சேமிக்கிறது.

எத்தனை voltage மின்சாரம் கிடைத்தது .. எவ்வளவு நேரம் காற்றாடி சுழன்றது ..கொஞ்சம் கணக்குப் பண்ணிப் பாருங்கள் .

இதுல கரண்ட் பில் 600 லிருந்து 200 வேற

by **T.N.Balasubramanian** Thu Nov 06, 2014 2:59 pm

யோசிக்க வேண்டிய தகவல் .
இது உண்மையாக இருக்கும் பக்ஷத்தில் ,ஆளாளுக்கு அவர்களவர்கள் வீட்டில் ஒரு காற்றாலை வைத்து விடுவார்களே . தற்காலங்களில் 6000/- பெரிய தொகையே இல்லை .
மாலை மலரில் தவறாக செய்தி போடுவார்களா ?

வி பொ பாவித்தேன்

ரமணியன்

by **ஜாஹீதாபானு** Thu Nov 06, 2014 3:50 pm

நம்பவா? வேண்டாமா? சொல்லுங்க புன்னகை

by **T.N.Balasubramanian** Thu Nov 06, 2014 4:25 pm

ஜாஹீதாபானு wrote:நம்பவா? வேண்டாமா? சொல்லுங்க

மேற்கோள் செய்த பதிவு: 1101902

உங்க கேள்விலேயே பதில் இருக்கே
நம்ப வேண்டாம் (என்) சொல்

ரமணியன்

by **ஜாஹீதாபானு** Thu Nov 06, 2014 4:44 pm

T.N.Balasubramanian wrote:
ஜாஹீதாபானு wrote:நம்பவா? வேண்டாமா? சொல்லுங்க
மேற்கோள் செய்த பதிவு: 1101902

உங்க கேள்விலேயே பதில் இருக்கே
நம்ப வேண்டாம் (என்) சொல்

ரமணியன்

மேற்கோள் செய்த பதிவு: 1101907

ஓகே ஐயா நன்றி