ந.க. துறைவன் ஹைக்கூ கவிதைகள்.

ந.க.துறைவன் · ந.க.துறைவன் Mon Nov 03, 2014 9:17 am

இளகிய நெஞ்சம்…!!
*
மனசில் பொறாமை
பூமிக்குள் மறைந்த வேர்களாய்
வெளியில் சிரிக்கும் இலைகள்.
*
தேன் கொடுக்கும் பூக்கள்
வர்ணிக்க ஆசையா?
பேசாத வண்ணத்துப் பூச்சிகள்.
*
இறுகிய உருவமெனினும்
இளகிய நெஞ்சம்
ஈரம் கசியும் பாறை.

ந.க.துறைவன் · ந.க.துறைவன் Tue Nov 04, 2014 4:28 pm

தனிமையில் ஆழந்தச் சிந்தனை
கவனத்தைக் கலைத்தது
தலையில் விழுந்த ஆலம்பழம்
*
அடுக்கு மாடி அடுக்ககங்கள்
உயர்ந்து எழுந்தன
காணவில்லை தாமரைக்குளம்.
*
வனத்தில் சீதை, தேடலில் ராமன்
ஆட்சியில் பரதன்
அயோத்தியில் சோகம்.
*

ந.க.துறைவன் · ந.க.துறைவன் Thu Nov 06, 2014 9:40 am

பொன்னிறமான நெல்மணிகள்
அறுவடைக்கு காத்திருக்கின்றது
அழித்துவிட்டது புயல்வெள்ளம்.
*
விவசாயியின் உழைப்பு
நீர்சூழ்ந்த வயல்
மிதக்கின்றன பயிர்கள்.
*
வரப்பு உயரவில்லை
வாழ்க்கை உயரவில்லை
அழிவின் விளிம்பில் விவசாயி.
*

**ayyasamy ram** · **ayyasamy ram** Thu Nov 06, 2014 10:00 am

ந.க. துறைவன் ஹைக்கூ கவிதைகள். 3838410834

-
விவேகசிந்தாமணியன் பாடலை நினைவுறுத்துகிறது...
வேளாண்மை செய்பவர்களின் துயரம் எப்படிப்பட்டது என்பதை
அப்பாடல் அழகுற விளக்கும்:
-
இங்கே விவேக சிந்தாமணியிலிருந்து ஒரு பாடல்.

ஆவீன மழை பொழிய இல்லம் வீழ
அகத்தடியாள் மெய்நோவ அடிமை சாவ
மாவீரம் போகுதென்று விதை கொண்டோட
வழியிலே கடன்காரர் மறித்துக் கொள்ளக்
கோவேந்தருழுதுண்ட கடமை கேட்கக்
குருக்கள் வந்து தட்சணைக்குக் குறுக்கே நிற்கப்,
பாவாணர் கவிபாடிப் பரிசு கேட்கப்
பாவி மகன் படுந்துயர் பார்க்கொணாதே.

ந.க.துறைவன் · ந.க.துறைவன் Thu Nov 06, 2014 11:26 am

பாராட்டுரைக்கு மிக்க நன்றி சார்...

Sponsored content · Sponsored content

ந.க. துறைவன் ஹைக்கூ கவிதைகள்.

ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக