தில்லி சட்டப்பேரவை கலைப்பு : பிரணாப் முகர்ஜி உத்தரவு

**ayyasamy ram** · **ayyasamy ram** Wed 5 Nov 2014 - 16:15

தில்லி சட்டப்பேரவையைக் கலைத்து குடியரசுத் தலைவர் பிரணாப் முகர்ஜி உத்தரவு பிறப்பித்துள்ளார்.

பெரும்பான்மை பெறாத காரணத்தால் எந்த கட்சியும் தில்லியில் ஆட்சி அமைக்க முன் வராததால், தில்லி சட்டப்பேரவையை கலைத்து விட்டு தேர்தல் நடத்த உத்தரவிடுமாறு அம்மாநில ஆளுநர் நஜீப் ஜங் பரிந்துரை செய்திருந்தார்.

இதனை அடுத்து குடியரசுத் தலைவர் இந்த உத்தரவினை பிறப்பித்துள்ளார்.

சட்டப்பேரவைக் கலைக்கப்பட்டதால், தில்லி சட்டப்பேரவையின் 3 தொகுதிகளுக்கு இடைத்தேர்தல் நடத்த வெளியிடப்பட்ட தேர்தல் அறிவிக்கை ரத்து செய்யப்படுவதாக தேர்தல் ஆணையம் தெரிவித்துள்ளது.
--------------------
-dinamani