ரமேஷ் லெ - கவிதைகள்

Ramesh L · Ramesh L Mon Nov 03, 2014 8:52 am

நான் படைக்கும்
பிரம்மனாக இருந்திருந்தால்
நிலவுக்கு இடைத்தேர்தல் வைத்து
உன்னை அந்த இடத்திற்கு போட்டி இன்றி
தேர்வு செய்திருப்பேன்

ரமேஷ் லெ

Ramesh L · Ramesh L Mon Nov 03, 2014 8:54 am

நெற்றியில் நிறைந்த
பொட்டோடு

நீள முடித்தோட்டத்தில்
நிறைந்த பூவோடு

உதட்டில் உறங்கா
புன்னகையோடு

உண்மை பேசும் பொழுதெல்லாம்
வெட்கத்தோடு

காலில் இசைக்கும்
கொலுசோடு

கையில் சிணுங்கும்
வளையலோடு

களங்கம் இல்லா
பண்போடு

படைக்கப்பட்ட

கற்பிற்கினிய என் ஒவ்வொரு
தமிழச்சிகளும் சிறந்த பெண்மைக்கு
உதாரணங்கள்

Ramesh L · Ramesh L Mon Nov 03, 2014 8:56 am

அவள் பார்வை வழி வந்த கவித்தூது எல்லாம்
என் இதய பின்னலில்
வந்து மோதி

சொன்ன சேதி ”இது அன்பின் மிகுதி
அனைவரின் நியதி நீ அவளை காதலிக்கிறாய்
ஆகவே ஆகிறாயா அவளில் பாதி”

ரமேஷ் லெ

Ramesh L · Ramesh L Mon Nov 03, 2014 8:58 am

வங்கியில்
உள்ள என் தாயின் தாலிக்கொடி என்னிடம்
கேட்டது

என்னை
எப்பொழுது இங்கிருந்து
விடுவிப்பாய் என்று????

Ramesh L · Ramesh L Mon Nov 03, 2014 9:02 am

பெண்னே

என்னிடம்
உன் உயரம் கேட்டால் 6 முழம்
என்பேன்

காரணம்

பூக்களை முழமாக
தானே அளவிட
முடியும்

Ramesh L · Ramesh L Mon Nov 03, 2014 9:06 am

பெண்மையே

நான் விண்வெளியை
ஆட்சி செய்து
கொண்டிருந்தால்

உன்னைப்பார்த்து கண்ணடிக்கும் அத்தனை
நட்சத்திரங்களின் மீதும் ஏகடிய
வழக்கு பதிவு செய்திருப்பேன்

Ramesh L · Ramesh L Mon Nov 03, 2014 9:07 am

பெண்மையே

உன்னை நிழற்படம்
எடுத்து மாட்டி வைத்து
அதை

நிலவு என்று
கதை விடுகிறான்
அந்த பிரம்மன்

Ramesh L · Ramesh L Mon Nov 03, 2014 9:12 am

எதிர்பார்ப்புகளின்
ஏக்கம்

எண்ணியதெல்லாம் சொல்லாது
மனதில் தேக்கம்

காகிதம் முழுவதும்
கவிதை மைகள்

பெண் கண்கள் சொல்லும் அளவில்லா
பொய்கள்

அவள் விழிகளில் கவிதை படிக்கும்
என் விழிகள்

அவள் நிழல் படும் தூரத்தில் அவளை பின் தொடரும்
என் கால்கள்

பேசத்துடிக்கும் மனது மவுனத்தில்
மட்டுமே சாதிக்கும் உதடுகள்

வெறும் காட்சியகமாய் அவளால்
ரசிக்கப்படும் என் இதயம்

சுவரெங்கும் எழுதப்படும்
சேர்க்கை எழுத்துக்கள்

அவளுக்கு பிடித்ததெல்லாம் வாங்கி பத்திரப்படுத்திக்
கொள்ளும் என் கைகள்

விரும்பி வாங்கி வைத்துக் கொண்டு
கொடுக்காமலே வாடிப்போகும் ரோஜாக்கள்

தினமும் நீயே என் நினைவுகள் என்று
கனவில் கூட காதலைச் சொல்ல தயங்கும் என் மொழிகள்

உண்மைக் காதலாய் என் புறம்
ஊமைக்காதல் அவள் புறம்
வெளிப்படுத்தாமலே சுமக்கிறேன் பாரம்

என் இதயமும் அவள் இதயமும் தூரம்
இருந்தும் என்றாவது ஒரு நாள் அதில் காதல்மழை தூறும்

Ramesh L · Ramesh L Mon Nov 03, 2014 9:15 am

பெண்னே

உன் கூந்தல் கலைந்தால்
அதுவே எனக்கு காற்றுக் காலம்

நீ புன்னகை துளிர்த்தால்
அதுவே எனக்கு இலையுதிர்க்காலம்

நீ கோபப்பட்டால்
அதுவே எனக்கு கோடைக்காலம்

உன் பிரிவே என் கண்களுக்கு
மழைக்காலம்

நீயே என்றும் என்
எதிர்காலம்

உன் நினைவுகளே எனக்கு என்றும்
நிகழ் காலம்

நீயில்லாவிட்டால் அதுவே
என் இறந்த காலம்

Ramesh L · Ramesh L Mon Nov 03, 2014 9:21 am

கருவில் இருக்கும் பொழுதே
தெரிந்திருக்கும்
போலும்

இவன் வைரத்தையும் முத்தையும் கவிதைகளில்
வரிகளாய் அமைப்பான்
என்று

அதனால் தான்
ஏனோ இவன் தாய் இவனுக்கு
வைரமுத்து என பெயர் சூட்டி இருக்கிறாள்

Sponsored content · Sponsored content

ரமேஷ் லெ - கவிதைகள்

ரமேஷ் லெ - கவிதைகள்

தமிழச்சி

காதல் சேதி

தாலிக் கொடியின் ஏக்கம்

பெண்ணளவீடு

ஏகடிய வழக்கு

பொய் பிரம்மன்

ஒரு தலைக்காதல்

காலங்கள்

ஆசான் வைரமுத்திற்காக

Re: ரமேஷ் லெ - கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக