பிச்சைக்காரர்களிடம் மாமூல் வசூலிக்கும் போலீசார் : நீதிபதி கேள்வி

பதிவு செய்த நாள்
02 நவ
2014
01:41 பெங்களூரு: பிச்சைக்காரரிடம், போலீஸ்காரர் பணம் வாங்குவது குறித்து, கர்நாடக உயர் நீதிமன்ற நீதிபதி ராம்மோகன் ரெட்டி, 'இது மாமூல் வசூலா' என, அதிரடியாக கேள்வி எழுப்பினார். வீடு இல்லாதவர்களுக்கு புனர்வாழ்வு அளிக்க, கடந்த 1944ல், அப்போதைய மைசூரு மன்னரால், 308 ஏக்கர் நிலத்தில், பெங்களூரு மாகடி ரோட்டில், மத்திய நிவாரண குழு மையம் அமைக்கப்பட்டது.




நெருக்கடி : தெருவில் பிச்சை எடுப்போரை பிடித்து வந்து, இங்கு அடைப்பது வழக்கம். பிச்சை எடுப்பதை சட்டரீதியாக தடுப்பதற்காக, கடந்த 1975ல், சட்டம் கொண்டு வரப்பட்டது. பிச்சைக்காரர்களை இங்கு கொண்டு வந்து விட்டாலும், அவர்கள் இங்கு இருப்பதில்லை; தப்பி விடுகின்றனர். கடந்த 2010ல், இங்கு தங்கியிருந்த, ?,??? பிச்சைக்காரர்களில், 300 பேர் இறந்ததையடுத்து, நெருக்கடி ஏற்பட்டது. முறைப்படி பராமரிக்கப்படாததும் கண்டு பிடிக்கப்பட்டது. பிச்சைக்காரர் மறுவாழ்வுக்காக, கடந்த 1976 முதல், கிரேட்டர் பெங்களூரு மநாகராட்சி சொத்து வரி வசூலிக்கும் போது, 'பிச்சைக்காரர் வரி' என்ற பெயரில், ஒரு சதவீதம் வரி வசூலித்தது. பின், மூன்று சதவீதமாக உயர்த்தப்பட்டது. இந்த ஆண்டில், சொத்து வரியாக, 2,850 கோடி ரூபாய் வசூலிக்க, மாநகராட்சி இலக்கு நிர்ணயித்துள்ளது. இதில், 85.5 கோடி ரூபாய் பிச்சைக்காரர்களின் மறு வாழ்வுக்கு அளிக்கப்பட வேண்டும். இந்நிலையில், மாகடி ரோடு பிச்சைக்காரர்கள் காலனி, மத்திய நிவாரண கமிட்டி அலுவலக ஊழியர் நிர்மலா, பதவி உயர்வு குறித்து தொடர்ந்த வழக்கில் விளக்கம் கேட்டு, நீதிபதி ராம்மோகன் ரெட்டி, சம்பந்தப்பட்ட அரசு துறைக்கு, 'நோட்டீஸ்' அனுப்ப உத்தரவிட்டார்.

நீதிபதி உத்தரவில் கூறியதாவது: மத்திய நிவாரண குழு மைய கமிட்டி, பிச்சைக்காரர்கள் விஷயத்தில் என்ன நடவடிக்கை எடுத்து வருகிறது. பெங்களூரு நகர் முழுவதும் உள்ள பிச்சைக்காரர்கள் மறுவாழ்வுக்காக என்ன செய்யப்பட்டுள்ளது என்பதை தெரிவியுங்கள்.

தினமும், பிச்சைக்காரர்களை ரோடுகளில் சந்திக்கும் போதெல்லாம் பணம் கொடுக்கிறேன்; இவர்களை, ஏன் மறுவாழ்வு இல்லத்துக்கு அழைத்து செல்வதில்லை. சமீபத்தில், ஒரு பிச்சைக்காரரிடம், போலீஸ்காரர் ஒருவர், பணம் வாங்குவதை பார்த்தேன். இது பிச்சைக்காரர்,

போலீசாருக்கு கொடுக்கும் மாமூலா? என்ன செய்கிறீர்கள்? பிச்சைக்காரர்கள் வரி,

வசூலிக்கப்படுகிறது. அந்த பணத்தை, என்ன செய்கிறீர்கள். இது தொடர்பான தகவல்களை, சமூக நலத்துறை, தொழிலாளர் நலத்துறை முதன்மை செயலர்கள், நீதிமன்றத்தில் தாக்கல் செய்ய வேண்டும். இவ்வாறு, நீதிபதி தெரிவித்துள்ளார்.

ஒரு விதத்தில் இந்த போலீஸ்காரர்களும் , பிச்சைகாரர்களே.

ரமணியன்

எனக்கு தெரிந்து ஒரு காவல் நிலையத்தில் லஞ்சம் வாங்காத போலீஸ் காரரை பார்ப்பது என்பது அரிது.. ஒரு சினிமாவில் வடிவேல் சொல்வார் " 2 ரூபாதான் கேட்டேன் , அவன் என்ன கோபத்தில் இருந்தானோ தெரியல பொசுக்குனு கத்திய எடுத்து என் இடுப்புல சொருகிட்டான்" .... உண்மை நிலை இன்று இதுதான். அப்ப உண்மையான பிச்சை காரங்க ?

பிச்சை எடுப்பவர்களிடம் கூட லஞ்சமா? அட ராமா?

தமிழ் நாட்டில் பிச்சை எடுப்பதை சட்டரீதியாக தடுப்பதற்கு சட்டம் நடைமுறையில் உள்ளது.
The Tamil Nadu Prevention of Begging Act, 1945 Amendment appended: 44 of 1994.