ரமேஷ் லெ - கவிதைகள்

by Ramesh L Mon Nov 03, 2014 8:52 am

First topic message reminder :

நான் படைக்கும்
பிரம்மனாக இருந்திருந்தால்
நிலவுக்கு இடைத்தேர்தல் வைத்து
உன்னை அந்த இடத்திற்கு போட்டி இன்றி
தேர்வு செய்திருப்பேன்

ரமேஷ் லெ

by Ramesh L Mon Nov 03, 2014 9:57 am

உன்னை
உரசி சென்ற காற்றின்
துளிகள் எல்லாம்
காற்றில் அங்கங்கு
கவிதைத் துளிகளாய்
மாறிபோனதாம்

உன் கண்ணில் விழுந்த
தூசிக்கெல்லாம்
கடவுள் அது கொடுத்த
சொர்க்கமாம்

உன்னை நனைத்து
சென்ற மழைத்துளிக்களுக்கெல்லாம்
அது முதல் முக்தி மோதலாம்

நீ மோதிய
பூக்களுக்கெல்லாம்
அது வலி இல்லா விபத்தாம்

உன்னை கடந்து
செல்லும் என்னைப்போன்ற
கவியாளனுக்கெல்லாம் காதல் ஆபத்தாம்

by Ramesh L Mon Nov 03, 2014 9:59 am

ஏழ்மை என் தாய்மை

கிழிந்தல் என் ஆடை

சாலை என் சாப்பாட்டு தட்டு

அதில் சிந்திய உணவுகள் நான் உண்ணும் உணவு

அடையாளம் இல்லாதவன்

ஏழ்மை என்னும் அடையாளம் உள்ளவன்

என் நாட்டிலே யாராலும் மதிக்கப்படாதவன்

கல்வியறிவு இல்லாதவன்

கல்விச்செல்வம் பெற செல்வமும் இல்லாதவன்

பணம் உள்ளவன் பிச்சைக்காரன் என்பான்

மனம் உள்ளவன் என்னை பாவம் என்பான்

தீர்க்க முடியாத என் வாழ்க்கை கணக்கு

தீரவேண்டுகிறேன் என்னுயிர் பிரிந்து இந்த மண்ணுக்கு

by Ramesh L Mon Nov 03, 2014 10:00 am

நிலைமையை
புரிந்து கொண்டு

நிற்க கற்றுக்
கொண்டு

வலியை தாங்கி
கொண்டு

வருவதை பொறுத்துக்
கொண்டு

வாழ்க்கையை வாழத்துணிந்தவனே
வாழத்தெரிந்தவன்

துணிய மறுத்த முட்டாள்களே சாகத்
துணிந்தவர்கள்

வலி என்பது வாழ்க்கையின் சிறு பகுதி அதை அனுபவிப்பதே நீதி அனுபவிக்க தெரியாத மனித இன்னல்கள் என்றும் அவதி

வலியை வீழ்த்து நல்வழியாய் உன் வழியை மாத்து
நாளை வெற்றி உன் சொத்து

by Ramesh L Mon Nov 03, 2014 10:02 am

கையேந்துகிறது எதிர்கால கனவு
காண வேண்டிய பிஞ்சுகள்

வேடிக்கைப் பார்க்கிறது கோடியாய் கோடியாய்
அள்ளிக் குவிக்கும் அரசியல் நஞ்சுகள்

முதலில் அமையட்டும் ஊழல் இல்லா
நல்லரசு

அதற்கப்புறம் எதிர்பார்க்கலாம் வறுமை இல்லா
என் இந்திய வல்லரசு

by Ramesh L Mon Nov 03, 2014 10:05 am

பல நாள்
பிரிவின் ஏக்கத்தில்
ஒரு அழகான காதல்
ஒன்று சேர்கிறது
தொடர்ச்சியான முத்தத்தால்

-மண்ணும் மழைத்துளியும்

by Ramesh L Mon Nov 03, 2014 10:22 am

பணக்காரனுக்கு
பணத்தினால் சுதந்திரம் இல்லை

ஏழைகளுக்கு
பணத்தை தேடி சுதந்திரம் இல்லை

பிச்சைக்காரனுக்கு அவன்
தட்டில் உள்ள காசினால் சுதந்திரம் இல்லை

பெண்களுக்கு பெண்மையாய் இருப்பதால்
சுதந்திரம் இல்லை

குழந்தைகளுக்கு கருவறையில்
சுதந்திரம் இல்லை

வெற்றிக்கு தோல்வியால்
சுதந்திரம் இல்லை

எழுத்துக்களுக்கு காகிதத்தால்
சுதந்திரம் இல்லை

ஏன் அந்த கடவுளுக்கு கூட
கோவிலின் வெளிப்பூட்டினால் சுதந்திரம் இல்லை

இருந்தும் நாம் சுதந்திரம் பெற்று
விட்டோமாம்

by Ramesh L Mon Nov 03, 2014 10:26 am

மீசை முளைத்ததுமே
ஆசை என்னும் சுமையும்
பொருப்பு என்னும் திணிப்பும் சுமந்து கொண்டு ஓடும் நாங்களெல்லாம்
ஒரு இரு கால்வண்டி

வழியெல்லாம்
முட்கள் செல்லும் பாதையெல்லாம்
தீக்குழம்பு அது மட்டும் இல்லாமல் கஸ்டம் நஸ்டம்
எல்லாவற்றிற்கும் நாங்கள் இஸ்டம்

உயிர் என்னும் எரிபொருளை
சுமந்து கொண்டு
அது தீரும் வரை ஓடிக் கொண்டே
இருக்கும் எங்கள் உடல்

இலக்குகள் வெகு தூரம்
ஓடிக் கொண்டே இருக்கிறோம் வழியில்
தடைகள் எங்களுக்கு வலி கூட்டும்
எங்களின் தன்னம்பிக்கை சரியான வழிகாட்டும்

விரித்தால் எங்கள் வலை விண்மீனுக்கு
அதையும் பிடித்து காட்டுவோம்
முடியாது என்பதையும் முடியும் என்பதை
நிரூபித்துக் காட்டுவோம்

by Ramesh L Mon Nov 03, 2014 10:30 am

ஒவ்வொரு முறையும் ஏங்குகிறதாம்
நீ கண்ணாடியில் ஒட்டி
வைத்த பொட்டுகளெல்லாம்...

என்றாவது உன் நெற்றியில்
இடம் பெற்று விட
மாட்டோமோ என்று..

by Ramesh L Mon Nov 03, 2014 10:31 am

மொத்த தேசத்திற்காக
தன்னையும் தன் உயிரையும் அடகு வைத்து

சொந்த குடும்பத்தையும்
தூரம் வைத்து

தன் விருப்பங்கள் எல்லாம்
தள்ளி வைத்து

சோகங்கள் எல்லாவற்றையும்
தன்னுள் வைத்து

நாம் புன்னகைக்க அவன்
புன்னகையை வெறுத்து

நமக்காக எல்லையில்
நிற்கிறானே அவன் தான் இராணுவ வீரன்

காப்பவன் கடவுள் என்றால் நிஜத்தில் நம்மை காக்கும்
இந்த ராணுவன் தான் நமக்கு முதல் கடவுள்