பன்னீர் இன்னும் பதவியேற்கவில்லையா?: ஸ்டாலின் கிண்டல்!

**சிவா** · **சிவா** Thu 30 Oct 2014 - 5:10

நாகப்பட்டினம்: ஓ.பன்னீர் செல்வம் இன்னும் முதல்வராக பதவியேற்கவில்லையா? என நாகை கலெக்டரிடம் மு.க.ஸ்டாலின் கிண்டலாக கேட்டுள்ளார்.

நாகப்பட்டினத்தில் தி.மு.க. பொது உறுப்பினர்கள் கூட்டம் நடைபெற்றது. இதற்கு தலைமையேற்று அக்கட்சியின் பொருளாளர் மு.க.ஸ்டாலின் பேசினார்.

அப்போது அவர் கூறுகையில், ''திருவாரூர் கமாலய குளத்தின் மேல்கரை சுவரை சீரமைப்பது தொடர்பாக அம்மாவட்ட கலெக்டரை சந்திக்க சென்றிருந்தேன். நான் வருகிறேன் என முன்னதாகவே அவருக்கு தெரிவித்தால், அவர் இருக்க மாட்டார் என்பதற்காக, அவருக்கு தகவல் தெரிவிக்காமலேயே சென்று, பார்வையாளர்கள் இருக்கையில் அமர்ந்திருந்தேன்.

நான் வந்திருப்பதை அறிந்த கலெக்டர் ஓடிவந்து, என் கையை பிடித்து அழைத்துச் சென்றார். அப்போது, அவரது தலைக்கு மேல் உள்ள சுவற்றில் ஜெயலலிதா படம் தொங்கிக் கொண்டிருந்தது. அதைப்பார்த்த நான், ''ஓ.பன்னீர் செல்வம் இன்னும் பதவியேற்கவில்லையா?'' என்று கலெக்டரிடம் கேட்டேன். அதற்கு அவர் பதில் கூற முடியாமல் கையை பிசைந்தார்.

இதையடுத்து, உங்களுக்கு இன்னும் உத்தரவு வரவில்லையா என மீண்டும் நானே கேட்டு அவரை காப்பாற்றினேன்.

நான் திருவாரூர் கலெக்டர் அலுவலகத்திற்கு சென்றதன் காரணமாக அங்குள்ள 2 பணியாளர்கள் இன்று பணியிடம் மாற்றப்பட்டுள்ளனர். என்னை உட்கார சொன்னதுக்காக இன்னும் 2 நாளில் கலெக்டரும் மாற்றப்படலாம்'' என்றார்.

பணியிடம் மாற்றப்பட்டுள்ளதாக மு.க.ஸ்டாலின் கூறிய அந்த 2 பணியாளர்கள், கலெக்டரின் முகமை அலுவலக எழுத்தர் சகாயராஜ், வருவாய் ஆய்வாளர் இளங்கோ என்பது குறிப்பிடத்தக்கது.

mmani15646 · mmani15646 Thu 30 Oct 2014 - 13:30

சாதாரணமாக ஒரு முன்னாள் தணை முதல்வர் என்ற வகையில் தரப்பட்ட மரியாதை. இதற்குக் சுட அரசுப் பணியாளர்கள் இடமாற்றம் செய்யப்படுகிறார்கள் என்றால் தமிழக அரசியல்வாதிகள் தரத்தை வெளிப்படுத்துகிறது.