பானங்கள் ! ..........................மசாலா மோர் - 2

by **krishnaamma** Mon Oct 27, 2014 11:44 pm

இந்த திரி இல் நாம் அன்றாடம் குடிக்கும் பலவிதமான டீ, காப்பி எப்படி போடுவது என்பது பற்றியும் மற்றும் பாதாம் பால், மசாலா பால் போன்ற பிற பானங்களை தயாரிக்கும் விதங்கள் பற்றியும் பார்க்கலாம் புன்னகை

by **krishnaamma** Mon Oct 27, 2014 11:48 pm

முதலில் மிளகு பால் - இப்போ மழை நாளுக்கு ரொம்ப தேவையானது இது புன்னகை

தேவையான பொருட்கள்...

பால் -1 கப்
மிளகு - 10
மஞ்சள் பொடி - ஒரு சிட்டிகை
பனங்கற்கண்டு - 1 ஸ்பூன் அல்லது தேவைக்கு ஏற்ப பொடித்து வைத்துக்கொள்ளவும்.
அல்லது பனம் சர்க்கரை யும் போடலாம் .

செய்முறை:

மிளகை பொடித்துக் கொள்ளவும்.

பாலை காய்ச்சி கொள்ளவும்.

காய்ச்சிய பாலில் (பால் சூடாக இருக்க வேண்டும்) பொடித்த மிளகு, மஞ்சள் பொடி , பொடித்த பனங்கற்கண்டு போட்டு நன்கு கலந்து குடிக்கவும்.

இந்த பாலை சூடாக குடித்தால் தான் நன்னா இருக்கும் தொண்டைக்கு புன்னகை

இந்த மிளகு பால் தொண்டை வலி, சளி போன்ற பிரச்சனைகளுக்கு ரொம்ப நல்லது.

by **krishnaamma** Tue Oct 28, 2014 12:34 am

தேவையானவை:

பால் - 2 கப்
சர்க்கரை - உங்கள் தேவைக்கு ஏற்ப
பாதாம் - 10
முந்திரி - 4 - 5
குங்குமப்பூ -2 - 3 இழைகள்
ஏலக்காய்த் தூள் - 1 /4 டீஸ்பூன்.

செய்முறை:

8 பாதாமை கொதிக்கும் நீரில் ஊறப் போடவும்.
பதினைந்து நிமிடம் கழித்து நீரை வடித்துவிட்டு, தோலை உரித்து, சிறிது பால், முந்திரி சேர்த்து அரைக்கவும்.
மீதியிருக்கும் 2 பாதாமை மெல்லியதாக சீவிக் கொள்ளுங்கள்.
அடுப்பில் பாலை வைத்துக் காய்ச்சுங்கள்.
பால் 2 -3 நிமிடம் கொதித்ததும் பாதாம், முந்திரி விழுது, சர்க்கரை சேர்த்து, மேலும் 5 நிமிடம் கொதிக்கவிட்டு, இறக்குங்கள்.
அதில் சீவிய பாதாம், ஏலக்காய் பொடி போடவும்.
சூடான பாலில் கரைத்த குங்குமப்பூ சேர்த்து, நன்குகலந்து, ஆறவிடுங்கள்.
ஆறியபின், குளிரவைத்துப் பரிமாறுங்கள்.
சூடாகவும் குடிக்கலாம் புன்னகை