கொக்க கோலா பிரவுன் கலருடா, எங்கக்கா பொண்ணு அதே கலருடா’...

by **ayyasamy ram** Sun Oct 26, 2014 1:16 pm

கத்தி படத்தில் கொக்க கோலா நிறுவனம் தமது
கிராமத்தில் உள்ள நிலத்தடி நீரை எடுக்க எதிர்ப்புத்
தெரிவித்துப் போராடுபவராக நடித்துள்ளார் விஜய்.

இந்நிலையில் விஜய் கொக்க கோலா நிறுவனத்தின்
விளம்பர தூதராக இருந்து ‘ஏய் தோழா, குடி கொக்க
கோலா,’ எனக் கோக் குடிக்கத் தூண்டியது, பெரும்
தொகை பெற்றுக்கொண்டு அதன் ஒப்பந்தத்தில்
கையெழுத் திட்டது உள்ளிட்ட விவரங்களுடன் அவரது
புகைப்படங்கள் சமூக வலைத்தளங்களில் தீயாய்ப்
பரவி வருகின்றன.

விஜய் நடித்த பத்ரி படத்தில் விளம்பர நிகழ்ச்சி களுக்கு
கொக்க கோலாவுடன் கைகோர்த்தார். பகவதி படத்தில்
விஜய் பாடிய ‘கொக்க கோலா பிரவுன் கலருடா,
எங்கக்கா பொண்ணு அதே கலருடா’ பாடல் பிரபலமாகி
அந்நிறுவனத்திற்கு நல்ல விளம்பரம் கிடைத்தது.

கில்லி படத்திலும் ஒரு காட்சியில் விஜய் கொக்க கோலா
பாட்டிலை பிடித்து அதில் இருக் கும் குளிர்பானத்தைக்
குடித்து விளம்பரம் கொடுத்தார்.

2008ம் ஆண்டில் அந்நிறுவனத்தின் விளம்பர தூதராக
இருப்பதில் பெருமை அடைவதாக விஜய் தெரிவித்தார்.
விஜய்யின் பல படங்களுக்கு கொக்க கோலா நிதியாதரvd
வளித்தது.

நடிகர்கள் சொல்வது ஒன்று, செய்வது ஒன்று, அவர்களை
நம்பி ஆட்சியையே ஒப்படைக்கும் தமிழ் மக்கள்தான்
ஏமாளிகள் என்ற ரீதியில் விமர் சனங்கள் பரவி வருகின்றன.

ஊழல் வழக்கில் சிறை சென்று பிணையில் வந்துள்ள
ஜெயலலிதாவுக்கு வாழ்த்துக் கடிதம் அனுப்பிய ரஜினியை,
“அன்று ஜெயலலிதா ஆட்சிக்கு வந்தால் நாட்டை
ஆண்டவனால்கூட காப்பாத்த முடியாது, இன்று ஜாமீனில்
வந்த ஜமீன்தாரினிக்கு வாழ்த்தா?” என்றும்

“பத்து ரூபா சம்பாதிக்க எத்தனை பல்டியோ,” என்றும்
“லிங்கா வெளிவரும் வரை இன்னும் என்னென்ன கடிதங்களோ,”
என்றும் வலைத் தளங்களில் விமர்சித்த தமிழ் ரசிகர்கள்,
தற்போது விஜய்யின் ‘கொக்க கோலா போராட்டத்தை’
ஊருக்குத்தான் உபதேசமா என விமர்சிக்கின்றனர்.
-
---------------------------------------------------
--தமிழ் முரசு, சிங்கப்பூர்
.

by **M.M.SENTHIL** Sun Oct 26, 2014 9:48 pm

வாய் சவடால் நபர்களை நம்பி நாட்டை கொடுத்த நாம் பாவிகளே

by உதயசுதா Mon Oct 27, 2014 1:36 pm

இவர்கள் எல்லாரும் ஒரே மாதிரிதான். இதில் ரஜினி மட்டும் விதிவிலக்கா என்ன?

நடிகர்கள் சொல்வதை நம்பி அவர்கள் பின்னாடி ஓடும் தமிழர்கள்தான் முட்டாள்கள்.

by பாலாஜி Mon Oct 27, 2014 1:54 pm

உதயசுதா wrote:இவர்கள் எல்லாரும் ஒரே மாதிரிதான். இதில் ரஜினி மட்டும் விதிவிலக்கா என்ன?

நடிகர்கள் சொல்வதை நம்பி அவர்கள் பின்னாடி ஓடும் தமிழர்கள்தான் முட்டாள்கள்.

மேற்கோள் செய்த பதிவு: 1099695

அதே .....அதே

by **krishnaamma** Mon Oct 27, 2014 2:03 pm

கத்தி படத்தில் கொக்க கோலா நிறுவனம் தமது
கிராமத்தில் உள்ள நிலத்தடி நீரை எடுக்க எதிர்ப்புத்
தெரிவித்துப் போராடுபவராக நடித்துள்ளார் விஜய்.

இதுவும் சரி..............

கில்லி படத்திலும் ஒரு காட்சியில் விஜய் கொக்க கோலா
பாட்டிலை பிடித்து அதில் இருக் கும் குளிர்பானத்தைக்
குடித்து விளம்பரம் கொடுத்தார்.

இதுவும் சரி...........எல்லாமே அவர் தன் வயிற்று பிழைப்புக்கு தான் செய்கிறார் என்பதை மக்கள் உணரனும்........வெறும் பணத்துக்காக தான்........................