அ.தி.மு.க.,வில் ஜொலிக்காத தீபாவளி : அமைச்சர்கள் எஸ்கேப்; கட்சியினர் அப்செட்

by kshanmuganathan Fri Oct 24, 2014 8:06 am

மாற்றம் செய்த நாள்
24 அக்
2014
00:14
பதிவு செய்த நாள்
அக் 24,2014 00:11 தீபாவளியை முன்னிட்டு, ஜெயலலிதா வாழ்த்து செய்தி வெளியிடாததால், முதல்வர் பன்னீர்செல்வம் உள்ளிட்ட அமைச்சர்கள், தீபாவளியை கொண்டாடவில்லை. பாதிக்கும் மேற்பட்ட அமைச்சர்கள், சொந்த ஊருக்கு போகாமல், சென்னையில் தங்கி விட்டனர். இதனால், மந்திரிகள் வருகையை எதிர்பார்த்து காத்திருந்த, கட்சியினர் அதிருப்தி அடைந்தனர்.
அதிர்ச்சியில்...: அ.தி.மு.க., பொதுச் செயலர் ஜெயலலிதாவுக்கு, சொத்துக் குவிப்பு வழக்கில், சிறை தண்டனை விதிக்கப்பட்டது. அவர், பெங்களூரு சிறையில் அடைக்கப்பட்டிருந்த நாட்களில், 193 பேர் அதிர்ச்சியில் இறந்ததாக, அ.தி.மு.க., தரப்பில் தெரிவிக்கப்பட்டுள்ளது. இவ்வளவு பேர் உயிரை மாய்த்துக் கொண்டதன் காரணமாக, தீபாவளிக்கு ஜெயலலிதா வாழ்த்து செய்தி வெளியிடவில்லை என்றும், அமைச்சர்கள் தீபாவளியை கொண்டாடவில்லை என்றும், அ.தி.மு.க., வட்டாரத்தில் கூறப்படுகிறது.
தீபாவளியை ஒட்டி முதல்வரை, துறை செயலர்கள், அரசு அதிகாரிகள் சந்தித்து, வாழ்த்து தெரிவிப்பது மரபு. அதற்கும் முதல்வர் ஓ.பி.எஸ்., இம்முறை தடை போட்டு விட்டார்.வழக்கமாக, தீபாவளிக்கு ஊருக்கு செல்லும் அவர், அதையும் தவிர்த்து விட்டு, சென்னையில் தங்கி இருந்தார். வீட்டை விட்டு வெளியே வரவும் இல்லை. யாரையும் சந்திக்கவும் இல்லை.
இதேபோல் மூத்த அமைச்சர்களும், சொந்த ஊருக்கு போகாமல் இங்கேயே இருந்து விட்டனர். இங்கிருந்த போதிலும், கட்சியினரையோ, அதிகாரிகளையோ சந்திக்கவில்லை.
வீட்டை பூட்டி...:சில மந்திரிகள் வீட்டை பூட்டிக் கொண்டு, உள்ளேயே இருந்து கொண்டனர். சந்திக்க வந்த கட்சியினருக்கு, அமைச்சர், வெளியூருக்குச் சென்று விட்டதாக தகவல் சொல்லப்பட்டுள்ளது.இதுகுறித்து, அ.தி.மு.க., வட்டாரம் கூறியதாவது:தீபாவளிக்கு, அமைச்சர்கள், தங்கள் தொகுதிக்கு செல்வது வழக்கம். அங்கே உள்ள கட்சி நிர்வாகிகள், தொண்டர்கள், அமைச்சரை சந்தித்து, வாழ்த்து தெரிவிப்பர்.அப்போது, நிர்வாகிகளுக்கு, பட்டாசு, ஸ்வீட் பாக்சுடன், ஒரு தொகையை தீபாவளி பரிசாக, அமைச்சர் வழங்குவார். சிலர், வேட்டி, சேலை, பேன்ட், சர்ட் போன்ற துணிகளையும் எடுத்து கொடுப்பது உண்டு.
ஏமாற்றம்:இது கட்சியில் உள்ள நடைமுறை. இந்த வகையில் மட்டும், பல லட்சங்கள் செலவு செய்வர்.இதனால், கட்சியினர் உற்சாகமாக தீபாவளியை கொண்டாடுவர். இந்த முறை, அமைச்சர்கள் தீபாவளியை கொண்டாடவில்லை என்பதால், பலர் சொந்த ஊருக்கு செல்லவில்லை. ஒரு சிலர் மட்டுமே சென்றனர். அவர்களும் உள்ளூரில் யாரையும் சந்திக்கவில்லை.இதனால், கட்சியினருக்கு இந்தாண்டு, தீபாவளி பரிசு இல்லாமல் போய் விட்டது. அமைச்சர்கள் வருகையை எதிர்பார்த்திருந்த கட்சியினர் ஏமாற்றம் அடைந்தனர்.இவ்வாறு, அ.தி.மு.க., வட்டாரம் தெரிவித்தது.

by **மாணிக்கம் நடேசன்** Fri Oct 24, 2014 10:29 am

தீபாவளி கொண்டாட இந்த அமைச்சர்கள் தேவையா?

by யினியவன் Fri Oct 24, 2014 11:22 am

தீபாவளி செலவுக்கு வெச்சிருந்த காசைத் தான் தார்மீக போராட்டத்துக்கு செலவு பண்ணிட்டாங்களே - அதான் எஸ்கேப் ஆயிட்டாங்க

by **krishnaamma** Fri Oct 24, 2014 2:12 pm

யினியவன் wrote:தீபாவளி செலவுக்கு வெச்சிருந்த காசைத் தான் தார்மீக போராட்டத்துக்கு செலவு பண்ணிட்டாங்களே - அதான் எஸ்கேப் ஆயிட்டாங்க

மேற்கோள் செய்த பதிவு: 1098913

இருக்கும் இருக்கும் புன்னகை

.
.
.
இனியவன், இந்த ஷண்முக நாதனுக்கு நான் நிறைய முறை சொல்லிவிட்டேன், சரியான இடத்தில் பதிவு போடும்படி ..அவர் கேட்பதாக இல்லை.....................செய்தி எடுக்கும் தளத்தையும் போடுவதில்லை .....நீங்கள் கொஞ்சம் சொல்லுங்கள்...............பாருங்கள் இதையும் நகைச்சுவை பகுதி இல் போட்டுள்ளார்.....இப்போ தான் ஒரு செய்தியை மாற்றிவிட்டு வருகிறேன்.................... சோகம்

........இதையும் மாற்றுகிறேன்................ சோகம்

by யினியவன் Fri Oct 24, 2014 2:16 pm

அப்பனுக்கு பாடம் சொன்ன ஷன்முகனுக்கு நானா - ஓகேம்மா புன்னகை

by **krishnaamma** Fri Oct 24, 2014 2:20 pm

யினியவன் wrote:அப்பனுக்கு பாடம் சொன்ன ஷன்முகனுக்கு நானா - ஓகேம்மா

மேற்கோள் செய்த பதிவு: 1098977

அப்பாக்கே சொல்லிக்கொடுத்துட்டோம் , இவா யாரு எனக்கு சொல்லித்தர ..........என்று இவர் யார் சொன்னாலும் காதில் வாங்க மாட்டார் போல புன்னகை

............................... அய்யோ, நான் இல்லை

by **ராஜா** Fri Oct 24, 2014 2:52 pm

krishnaamma wrote:
யினியவன் wrote:தீபாவளி செலவுக்கு வெச்சிருந்த காசைத் தான் தார்மீக போராட்டத்துக்கு செலவு பண்ணிட்டாங்களே - அதான் எஸ்கேப் ஆயிட்டாங்க
மேற்கோள் செய்த பதிவு: 1098913

இருக்கும் இருக்கும்
.
.
.
இனியவன், இந்த ஷண்முக நாதனுக்கு நான் நிறைய முறை சொல்லிவிட்டேன், சரியான இடத்தில் பதிவு போடும்படி ..அவர் கேட்பதாக இல்லை.....................செய்தி எடுக்கும் தளத்தையும் போடுவதில்லை .....நீங்கள் கொஞ்சம் சொல்லுங்கள்...............பாருங்கள் இதையும் நகைச்சுவை பகுதி இல் போட்டுள்ளார்.....இப்போ தான் ஒரு செய்தியை மாற்றிவிட்டு வருகிறேன்............................இதையும் மாற்றுகிறேன்................

மேற்கோள் செய்த பதிவு: 109897251 பதிவு தான் போட்டுருக்கார் , ஒருவேளை தெரியாமல் கூட போட்டுருக்கலாம் அல்லவா , இப்படி எடுத்துகாட்டி சொன்னால் தவறாக எடுத்துகொள்ள போகிறார்கள்