லிங்க்டுஇன்

லிங்க்டுஇன்




.fullpost{display:inline;}
லிங்க்டுஇன்
என்பது வணிக ரீதியான சமூக வலைப்பின்னல் தளமாகும். இத்தளத்தின் மூலம்
வெவ்வேறு நாடுகளில் பணிபுரியும் நபர்கள், தொழிலதிபர்கள், சிறுதொழில்
உற்பத்தியாளர்கள், பல்வேறு வகையான சேவையை அளிப்பவர்கள் என பதவிகளில்
இருப்போர் அனைவரும் தத்தம் தொழில், வேலை, சேவை ரீதியாக இணைக்கப்பட்டு
தத்தம் விபரங்களை பகிர்வதற்கு லிங்க்டுஇன் உதவுகிறது. இத்தளத்தின் மூலம்
வணிகத்தொடர்புகள், தகவல் பரிமாற்றங்கள், தொழில்நுட்ப வல்லுனர்கள் சிறப்பு
அறிமுகங்கள், புதிய தொழில் வாய்ப்புகள் போன்றவை எளிதாக கையாளப்படுகின்றன.

லிங்க்டுஇன்
பதிவு செய்யப்பட்ட தமது உறுப்பினர்கள் தங்களது விபரங்களையும் சேமித்து
வைத்துக் கொண்டு தமக்கு தெரிந்தவர்களுடன் இணைப்பை ஏற்படுத்திக் கொள்ளவும்
அனுமதிக்கிறது. உறுப்பினரின் பட்டியலில் உள்ள ஒவ்வொரு நபர்களும்
இணைப்பிகள்(Connections) என்றழைக்கப்படுகிறார்கள். இணைப்பியாக
லிங்க்டுஇன்னில் பதிவு செய்யப்பட்ட எவரையும் வரவேற்கலாம்.


லிங்க்டுஇன் தளத்தின் முகப்புப் பகுதி

உதாரணமாக
நீங்கள் நிறுவனம் ஒன்றில் கணிப்பொறியாளராக பணிபுரிகிறீர்கள் எனில்
உங்களின் விபரங்களைப் பதிவு செய்து உங்களின் கல்வி, அனுபவம், பெற்ற
பரிசுகள், சாதனைகள், என விபரங்களைச் சேமித்து வைத்துக் கொள்ளலாம்.
அத்துடன் உங்களின் நண்பர்கள், தெரிந்தவர்கள் என அனைவரையும் உங்களின்
பட்டியலில் இணைப்பியாக ஏற்படுத்திக் கொள்ளலாம். உங்கள் நிறுவனத்தில்
பணிபுரியும், இருப்பிடத்தைச் சார்ந்த, துறைகளைச் சார்ந்த, வேலை வாய்ப்பு
நிறுவன ஊழியர்கள், விற்பனையாளர்கள் என உங்களுக்கு எது தேவையோ,
எம்மாதிரியான வாய்ப்புக்களை எதிர்பார்க்கிறீர்களோ அவர்களுடன் இணைப்பியாக
வரவேற்று சேர்த்துக் கொள்ளலாம்.


ஹெச்.சி.எல் நிறுவனர் சிவ நாடார் அவர்களைப் பற்றிய லிங்க்டுஇன் பக்கம்


வேலை
தேடுவோர் வேலை வாய்ப்பு அளிக்கும் நிறுவன ஊழியர்களுக்கு தகவல் அனுப்பி
தகவல் பெற்றுக் கொள்ளலாம். அதே மாதிரி வேலைக்கு ஆட்களைத் தேடுவோர்
இடப்பட்டிருக்கிற தகவல்களைக் கொண்டு உங்களை வேலைக்கு விருப்பமா என தகவல்
அளிக்கலாம். இது குறிப்பிட்ட பகுதியோ, நகரமோ உள்ளடக்கிய வலைப்பின்னல்
அல்ல, கிட்டத்தட்ட 200 நாடுகளுக்கும் மேல் உள்ள ஊழியர், தொழிலதிபர்களின்
சமூக வலைப்பின்னல்.

லிங்க்டுஇன்
பற்றிய அறிமுகம் இங்கே விளங்கியிருக்கும் என நினைக்கிறேன். இதன் மேலதிக
விபரங்கள், செயல்பாடுகள் போன்றவற்றை அடுத்த பகுதியில் காணலாம்.

தகவலுக்கு நன்றி அருள், இது ஓர் இலவச சேவை இல்லை.