கத்தி' திரைப்படம் தீபாவளியன்று வெளியாவதில் சிக்கல்?

**ayyasamy ram** · **ayyasamy ram** Tue Oct 21, 2014 8:57 am

-

கத்தி' திரைப்படம் தீபாவளியன்று வெளியாவதில் சிக்கல்? NLltCP4LQZi1lJqBbMUn+kathi1

-
கத்தி' திரைப்படத்தை தீபாவளிக்கு வெளியிடுவதில் சிக்கல் ஏற்பட்டுள்ளது.

ஏ.ஆர்.முருகதாஸ் இயக்கத்தில் நடிகர் விஜய் நடித்துள்ள "கத்தி' திரைப்படத்தை லைகா புரொடக்ஷன்ஸ் நிறுவனத்தின் சார்பில் சுபாஷ்கரன், கருணாகரன் ஆகியோர் இணைந்து தயாரித்துள்ளனர். இதற்கான படப்பிடிப்பு தொடங்கிய நாளிலிருந்தே லைகா புரொடக்ஷன்ஸ் நிறுவனத்துக்கு பல எதிர்ப்புகள் கிளம்பின. லைகா புரொடக்ஷன்ஸ் நிர்வாகியான சுபாஷ்கரனும், இலங்கை அதிபர் ராஜபட்சவும் நெருங்கிய நட்பில் இருந்ததே இதற்குக் காரணம் எனக் கூறப்பட்டது.

"கத்தி' படத்துக்கு தமிழக வாழ்வுரிமைக் கட்சியின் தலைவர் வேல்முருகன், விடுதலைச் சிறுத்தைகள் கட்சியின் தலைவர் தொல்.திருமாவளவன் ஆகியோர் பலத்த எதிர்ப்பைத் தெரிவித்து வந்தனர். அதேபோல தமிழ் மாணவர் அமைப்புகளும் எதிர்ப்பு தெரிவித்து வருகின்றன.

இந்நிலையில், லைகா புரொடக்ஷன்ஸ் நிறுவனத்துக்கும், தமிழ் அமைப்புகள், மாணவர் அமைப்புகளுக்கும் இடையே திங்கள்கிழமை காலை பேச்சுவார்த்தை தொடங்கியது. அதில் லைகா புரொடக்ஷன்ஸ் என்ற பெயரை எடுத்துவிட்டு, படத்தை வெளியிடலாம் என எதிர்ப்பாளர்கள் தரப்பில் தெரிவிக்கப்பட்டது. இதற்கு, லைகா நிறுவனம் மறுப்பு தெரிவித்து வருகிறது.

"கத்தி' படத்தின் வெளியீடு குறித்து திரையரங்கு உரிமையாளர்கள் தரப்பில் விசாரித்தபோது, திரையரங்களுக்கு உரிய பாதுகாப்பு அளித்தால் மட்டுமே படத்தை வெளியிடுவோம் என உறுதியாகக் கூறினர்.

இதனால், "கத்தி' திரைப்படம் தீபாவளியன்று (அக். 22) வெளியாவதில் சிக்கல் ஏற்பட்டுள்ளது.
=============
--தினமணி
.

கத்தி' திரைப்படம் தீபாவளியன்று வெளியாவதில் சிக்கல்?

கத்தி' திரைப்படம் தீபாவளியன்று வெளியாவதில் சிக்கல்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக