'தென்னாங்கூர்'....என்னுடைய 27000வது பதிவு :) Krishnaamma !

First topic message reminder :

தென்னாங்கூர் ...இந்த ஷேத்திரம் பற்றி கேள்வி பட்டிருக்கிறீர்களா ? .............




ரொம்ப ரொம்ப அற்புதமான "பாண்டுரங்க ஷேத்திரம்".........வடக்கும் தெற்கும் சரியான விகிதத்தில் கலந்து கட்டி இருக்கும் ஷேத்திரம் இது...............நாங்கள் பலமுறை இங்கு போய் வந்திருக்கிறோம்...............ஆனால் அந்த முதல் முறை போனது ரொம்பவும் எதிர்பரார்தது.................இந்த கோவில் பற்றி தெரியாமலே வேறு எங்கோ போவதற்கு பதில் இங்கு போய் சேவித்தோம்  ..............அதைத்தான் இங்கு பகிரப்போகிறேன்....நிறைய படங்கள் மற்றும் விஷையங்களுடன்

கலைநயமிக்க வேலைப்பாடுகள்   நிறைந்த  கதவுகளை  தாண்டி,  கருவரையில் பாண்டுரங்கனை தரிசிக்க , வரும் பக்தர்களை , அந்த மகா மண்டபத்தில் உட்கார வைக்கிறார்கள். அப்படி உட்கார்ந்து இருக்கும்  பக்தர்களிடமிருந்து,  அவர்கள் கொண்டுவந்துள்ள தேங்காய், புஷ்பம் பழம் முதலியவற்றை  பெற்றுக் கொண்டவுடன் திரைச்சீலை விலக்குகிறார்கள்.....................அப்போது கருவரையில் இருக்கும் பாண்டுரங்கனையும் ருக்மாயியையும் பார்க்கும்போது சிலிர்க்கிறது...நாம் எங்கோ உள்ள  வைகுந்தம் தான் வந்துவிட்டோமோ என்கிற பிரமிப்பு ஏற்படுத்துகின்றது.



ஆஹா.......... அந்த சிலிர்ப்பை நீங்கள் நேரில் சென்று  தான் அனுபவிக்க முடியும்...............ரொம்ப ரொம்ப அழகான பாண்டுரங்கன்  ..............'ஜம்' என்று இடுப்பில் கை வைத்துக்கொண்டு, கம்பீரமாக செங்கல் மேலே நிற்கிறார்.................அந்த காது தோடு என்ன , கழுத்தில் போட்டிருக்கும் நகைகள் என்ன ...........குமிழ் சிரிப்பு என்ன ...................அடா அடா... அழகு........அழகு அப்படி ஒரு அழகு............... பக்கத்தில் ருக்மாயி தாயார் கொஞ்சம் சிறிய மூர்த்தியாய் அழகாய் 9 கஜம் கட்டிண்ண்டு நிற்கிறார் .....................இருவரும் அப்படி ஒரு அழகாய், ஜோடியாய் நிற்கிறார்கள்.................

அந்த அழகை காண கண் கோடி வேண்டும் .......நிஜம் என்பதை நீங்கள் நேரில் பார்க்கும்போது உணருவீர்கள்

பாண்டுரங்கன் ரகுமாயி  மூர்த்தங்கள்  முறையே 10 1/2 அடி மற்றும் 8 1/2 அடி உயரத்தில் கம்பீரமாக உள்ளது; மிக மிக அழகாக நின்ற கோலத்தில் அருள்பாலிக்கிறார்கள்.

இங்கு யந்திர வழிபாட்டில் முக்கியத்துவம் பெறும், ஸ்ரீசக்ரத்தின் அதி தேவதைகள் "மஹாசோடஷி' என்ற திருநாமத்தில் ஒரே வடிவில் அருள்பாலிக்கின்றனர். யந்திர வழிபாடான ஸ்ரீசக்ரத்திற்கு "மகா மேரு' அமைப்பை ஏற்படுத்தி பூஜை செய்வது மாபெரும் பலன் தரக்கூடியது. இந்த மகா மேரு தான் மகா சோடஷியாக இத்தலத்தில் விளங்குகிறது.

ஸ்ரீ சக்ரத்தில் எத்தனை பிரிவு உள்ளதோ அத்தனை பிரிவிற்கும் உள்ள தெய்வங் களான "மகாசோடஷி, ராஜராஜேஸ்வரி, சரஸ்வதி, லட்சுமி, பிரம்மா, விஷ்ணு, ருத்ரன், ஈசுவரன், விநாயகர், பாலா, அன்னபூரணி, அச்வாரூடா, ராஜமாதங்கி, வராஹி, பிரத்யங்கிரா, சரபேஸ்வரர், சக்கரத்தாழ்வார், யோகநரசிம்மர், அகோரமூர்த்தி, வனதுர்க்கை, பராசரஸ்வதி, மேதாதட்சிணாமூர்த்தி, சுப்ரமணியர், சண்டிமகாலட்சுமி, பிராஹ்மி, மாகேஸ்வரி, கவுமாரி, வைஷ்ணவி, வராஹி, மாகேந்திரி, சாமுண்டா,மகாலட்சுமி ஆகியோர் இத்தலத்தில் விக்ரக வடிவில் இருப்பது மிகவும் விசேஷம்.



( இது உற்சவ முர்த்தி )

இந்த கோவிலின் விசேஷம் என்னவென்றால்  ...............எல்லோரையும் உட்காரவைத்து , கோவில் வந்த கதை
முழுக்க சொல்கிறார்கள்..............விசேஷங்கள் ,உற்சவங்கள் என்று எல்லவற்றையும் சொல்கிறார்கள். ......................அவர்கள் விளக்கும் வரை காதால் அதை கேட்டும் ..................அதுவரை நிம்மதியாக பெருமாளை கண்நிறைய மனம் நிறைய நன்றாக சேவிக்கலாம்.....................

ஒவ்வொரு நாளும் பாண்டுரங்கனுக்கு ஒவ்வொரு வகையான அலங்காரம் செய்யப்படுகிறது. இதில் குறிப்பாக வியாழக்கிழமை நடக்கும் நிஜபாத தரிசனம், வெள்ளிக்கிழமை நடக்கும் வெள்ளிகலச சேவை அலங்காரம், சனிக்கிழமை நடக்கும் திருப்பதி வெங்கடேசபெருமாள் அலங்காரம். ஞாயிற்றுக்கிழமை நடக்கும் ராஜஸ்தான் தலைப்பாகையுடன்அலங்கரிக்கப்படும் ராஜகோபாலன் அலங்காரம் ஆகியனவாகும்.



நாங்க போகும்போது ஒருமுறை இந்த ராஜஸ்தான் அலங்காரம் பார்த்தோம்...............அதி அற்புதம்..............வேற வார்த்தைகள் இல்லை எனக்கு