முதல்வரே..வரே...வரே...வரே!

பணிவின் சிகரம் தமிழக முதல்வர் ஓ.பன்னீர் செல்வம் அவர்களுக்கு பணிவான யோசனைகள்...



அடிக்கடி 'நாகராஜசோழன் எம்.ஏ.எம்.எல்.ஏ’ ஜோக்கைப் போட்டுப் பார்த்து வெறியேற்றிக் கொள்ளலாம்.

பரப்பன அக்ரஹரா இருக்கும் திசையை நோக்கி கும்பிடு போட்டுவிட்டு அன்றைய அலுவல்களைத் தொடங்கலாம். இதனால் அம்மாவின் ஆசி கிட்டும்.

விஜய் டி.வியின் 'அது இது எது’ 'சிரிச்சா போச்சு’ ரவுண்டை தினமும் பார்த்து அப்படியே ட்யூன் ஆகிக்கொள்ளலாம். ஒருவேளை என்றாவது சிரிப்பு வந்தால், 'துள்ளாத மனமும் துள்ளும்’ விஜய் போல பாத்ரூமில் உட்கார்ந்து சிரித்துவிட்டு முகம் கழுவி ரெஃப்ரெஷ் பண்ணிட்டு வரலாம்.

பதவியில் எத்தனை நாட்கள், மாதங்கள் இருக்க நேர்ந்தாலும் அ.தி.மு.க பிரமுகர் கிரம்மர் சுரேஷ் ஒட்டும் 'காமெடிக்கு நாங்க கியாரண்டி’ டைப் போஸ்டர்களைப் பார்ப்பதைக் கண்டிப்பாக தவிர்த்தே ஆக வேண்டும்.

கேபிளில் ஜெயா டி.வியை கட் பண்ணச் சொல்லி அழுகாச்சி சீரியல்களை சேனல்வாரியாக உட்கார்ந்து பார்த்து டல் மூடுக்கு மாறிக்கொள்ளலாம்.



'என் தாயெனும் கோவிலைக் காக்க மறந்திட்ட பாவியடி கிளியே...’ பாடலை ரிங்டோனாக வைத்து தன் அம்மா பாசத்தைக் காட்டிக் கொள்ளலாம்.

டி.வி.டி பிளேயரில் 'கர்ணன்’, 'பாசமலர்’, 'பாகப்பிரிவினை’, 'துலாபாரம்’, 'நல்லதங்காள்’ போன்ற படங்களை ரிப்பீட் மோடில் ஓடவிட்டுப் பார்த்துக் கொள்ளலாம்.

இளையராஜா வாய்ஸில் ஒலிக்கும் அனைத்து சோகப் பாடல்களையும் காரில் போகும்போது கேட்டு மனதை லேசாக்கிக் கொள்ளலாம்.

காலால் காரை ஓட்டும் நபர், ரத்தத்தால் அம்மா ஓவியம் வரையும் நபர் போன்றோர்களை பக்கத்தில் அண்டவிடாமல் இருப்பது தன் பதவிக்கு ஆபத்து இல்லாமல் பார்த்துக்கொள்ள ஏதுவாக இருக்கும்.

தன் எக்ஸ்ட்ரீம் விசுவாசத்தைக் காட்ட, 'பன்னீர்’ என்ற வார்த்தையை அகராதியில் இருந்து தூக்கிவிடுவார். பன்னீர் சோடாவை 'அம்மா சோடா’ எனவும் செட்டிநாட்டு உணவுகளைக்கூட 'அம்மா பட்டர் மசாலா’, 'அம்மா சிக்கன்’ என மாற்றுவார். அவ்வளவு ஏன்...? பன்னீர் செல்வம் என்ற தன் பெயரைக்கூட 'அம்மா செல்வம்’ என மாற்றி வேலூரில் இருக்கும் 'அம்மா’ சாமியார் போல் முதல்வர் அம்மா என தன்னை அழைத்துக்கொள்வார்.

வைகோவின் வீடியோக்களைப் பார்த்து அழுது அடிக்கடி கண்ணுக்குள் கடல் கசியுமாறு பார்த்துக்கொள்ளலாம்.

ஆனாலும் பாவம் நம்ம பன்னீர் சார்... உற்சாகமான தருணங்களில்கூட வாய் மூடி சிரிக்க வேண்டிய கட்டாயத்தில் இருக்கிறார். இப்படி ஒரு திரிசங்கு மனநிலையில் இருந்துகொண்டு நம்மை எல்லாம் காக்கும் முதலமைச்சராக வீற்றிருக்கிறார்.

அவருக்கு ஆழ்ந்த நன்றிகள்!

விகடன்

ayyasamy ram wrote:ஒரு மாநில முதல்வரை கேலிக்கு உள்ளாக்கும்
நிலைக்கு விகடன் பத்திரிகை தரம் தாழ்ந்தது
வருந்தத் தக்கது..!
-

மேற்கோள் செய்த பதிவு: 1097533

மன்னிக்கணும் ராம் அண்ணா ..............விகடன் தரம் தாழ்ந்தது போல எனக்கு தோணலை............இப்போதைய முதல்வர் அப்படி இருக்கிறார் என்று சுட்டிக்காட்டி இருக்கிறார்கள்.............அவ்வளவு ஒழுங்கு என்றால் பிறர் சொல்லும்வரை............சண்டை போடும் வரை...முதல்வரின் அறைக்கு சொல்லாதது ஏன், அங்குள்ள ஜெ., படத்தை எடுக்காதது ஏன்? ........இடைத்தேர்தல் அறிவிக்காதது ஏன் சொல்லுங்கோ !

.

krishnaamma wrote:

ayyasamy ram wrote:ஒரு மாநில முதல்வரை கேலிக்கு உள்ளாக்கும்
நிலைக்கு விகடன் பத்திரிகை தரம் தாழ்ந்தது
வருந்தத் தக்கது..!
-

மேற்கோள் செய்த பதிவு: 1097533

மன்னிக்கணும் ராம் அண்ணா ..............விகடன் தரம் தாழ்ந்தது போல எனக்கு தோணலை............இப்போதைய முதல்வர் அப்படி இருக்கிறார் என்று சுட்டிக்காட்டி இருக்கிறார்கள்.............அவ்வளவு ஒழுங்கு என்றால் பிறர் சொல்லும்வரை............சண்டை போடும் வரை...முதல்வரின் அறைக்கு சொல்லாதது ஏன், அங்குள்ள ஜெ., படத்தை எடுக்காதது ஏன்? ........இடைத்தேர்தல் அறிவிக்காதது ஏன் சொல்லுங்கோ !

[url=http://www.eegarai.net/t115099-topic#1097538]மேற்கோள் செய்த பதிவு: 1097538[/உரல்
முன்னாள் பிரதமர் திரு. மன்மோகன் சிங்கை பத்திரிக்கைகள் எவ்வளவோ கேலி செய்திருக்கின்றன. பத்திரிக்கைகள் மற்றும் மக்களின் கேலிக்கு ஆகாமல் பணிபுரியவேண்டும். முடியுமா என்பது கேள்விக்குறி.

தீர்ப்பு வந்த நாள் முதல் இன்று வரை அதிமுகவினர் நடத்திவரும் செயல்கள் அனைத்தையும் பார்த்து நாடே சிரிக்கிறதே...பத்திரிகை சிரிக்காமல் என்ன செய்யும். இது போன்ற செய்திகளால் அவர்கள் வருத்தபட போவதில்லை...

ayyasamy ram wrote:ஒரு மாநில முதல்வரை கேலிக்கு உள்ளாக்கும்
நிலைக்கு விகடன் பத்திரிகை தரம் தாழ்ந்தது
வருந்தத் தக்கது..!
-

மேற்கோள் செய்த பதிவு: 1097533

ஒரு வகையில் இதுவும் நியாயமான வருத்தம்தான்.. அம்மையார் முதல்வராய் இருந்த போது இப்படி ஏதேனும் அவர்கள் கேலி செய்திருப்பார்களா? என்பது சந்தேகமே..

ஓ.பி. அவர்கள் ரிமோட் பொம்மை என்பதை நாடறியும். இருப்பினும் ஒரு முதல்வர் என்ற பதவிக்காகவாவது மதிப்பு கொடுத்து இருக்கலாம்..

M.M.SENTHIL wrote:

ayyasamy ram wrote:ஒரு மாநில முதல்வரை கேலிக்கு உள்ளாக்கும்
நிலைக்கு விகடன் பத்திரிகை தரம் தாழ்ந்தது
வருந்தத் தக்கது..!
-

மேற்கோள் செய்த பதிவு: 1097533

ஒரு வகையில் இதுவும் நியாயமான வருத்தம்தான்.. அம்மையார் முதல்வராய் இருந்த போது இப்படி ஏதேனும் அவர்கள் கேலி செய்திருப்பார்களா? என்பது சந்தேகமே..

ஓ.பி. அவர்கள் ரிமோட் பொம்மை என்பதை நாடறியும். இருப்பினும் ஒரு முதல்வர் என்ற பதவிக்காகவாவது மதிப்பு கொடுத்து இருக்கலாம்..

மேற்கோள் செய்த பதிவு: 1097561

பன்னீர் செல்வம் அவர்கள் பதவியேற்று பத்துநாட்கள் ஆனதற்கே இப்படி என்றால்...இந்திய அளவில் ரிமோட் பொம்மையாக செயல்பட்ட மன்மோகன் சிங்கை போல் பத்துவருடங்கள் என்றால்..நினைத்து பார்க்கவே முடியலை...சிங் அதிக அளவில் கேலி செய்யப்பட்டவர்..உலக அளவில். எதையும் தாங்கும் இதயம் அவருக்கு....