சிவதாணு பிள்ளை

புதுடெல்லி,

பிரபல விஞ்ஞானி சிவதாணு பிள்ளை (வயது 67). இவர் டி.ஆர்.டி.ஓ. என்னும் ராணுவ ஆராய்ச்சி மற்றும் அபிவிருத்தி அமைப்பின் தலைமை கட்டுப்பாட்டாளர் பதவி வகித்தவர். பிரம்மோஸ் ஏவுதள நிறுவனத்தின் நிறுவனர் மற்றும் தலைமை நிர்வாக அதிகாரி.

இவருக்கு, நிர்வாகத்தில் சிறப்பாக பணியாற்றியவர்களுக்கு வழங்கப்படக்கூடிய லால் பகதூர் சாஸ்திரி விருது அறிவிக்கப்பட்டது.

டெல்லி ஜனாதிபதி மாளிகையில் நேற்று நடந்த நிகழ்ச்சியில், சிவதாணு பிள்ளைக்கு லால் பகதூர் சாஸ்திரி விருதை ஜனாதிபதி பிரணாப் முகர்ஜி வழங்கி, கவுரவித்தார்.

இந்த விருது ரூ.5 லட்சம் ரொக்கம், ஒரு பாராட்டு சான்றிதழ், பதக்கம் ஆகியவற்றை கொண்டதாகும்.

இந்த விருதை டெல்லி லால் பகதூர் சாஸ்திரி நிர்வாக இன்ஸ்டிடியூட் நிறுவி உள்ளது.

சிவதாணு பிள்ளை (பிறப்பு:15 ஜூலை 1947) தமிழ் நாட்டின் நாகர்கோவிலில் பிறந்த ஒரு விஞ்ஞானி ஆவார். இந்தியாவின் பாதுகாப்பு ஆராய்ச்சி மற்றும் வளர்ச்சி அமைப்பின் பணிபுரியும் இவர் ரஷ்ய-இந்திய கூட்டு நிறுவனமான பிரமோஸ் ஏரோஸ்பேஸ் நிறுவனத்தின் தலைவர் ஆவார். இவரது தந்தை ஆபத்து காத்தான் ஒரு ஆயுர்வேத மருத்துர். டி.வி.டி. பள்ளியில் பள்ளிப்படிப்பும், 1969 ஆம் ஆண்டு அப்போதைய சென்னை பல்கலைக்கழகத்தில் பொறியியல் படிப்பும் (BE - Electrical Engineering) முடித்தார். 1991 ஆம் ஆண்டில் ஹார்வர்டு வணிகப் பள்ளியில் மேற்படிப்பு (Advanced Management Program) படித்தார்.
பொறியியல் படிப்பு படிக்கும் காலத்தில் சி.வி. ராமன், விக்ரம் சாராபாய் போன்றோரால் பாராட்டப் பெற்றவர். பின்னாளில் அப்துல் கலாமுடன் இஸ்ரோவில் பணியாற்றும் வாய்ப்புப் பெற்றவர்.

வாழ்த்துகள் இவருக்கு

வாழ்த்துக்கள் சிவதாணு ஐயா...

வாழ்த்துக்கள் சிவதாணு ஐயா

தமிழ் நாட்டின் நாகர்கோவிலில் பிறந்த வில்லேஜ் விஞ்ஞானிக்கு பாராட்டுக்கள்!