வள்ளுவம்-வசனகவிதையில்-கவிஞர்வாலி

by **தமிழ்நேசன்1981** Mon Oct 13, 2014 9:01 pm

First topic message reminder :

ஈகரை உறவுகளே...
நான் சமீபமாக நூலத்திலிருந்து எடுத்துவந்த நூல்
கவிஞர் வாலி எழுதிய வள்ளுவம் என்ற நூல் ஆகும்
வள்ளுவம்-வசனகவிதையில்-கவிஞர்வாலி - Page 4 100-00-0000-561-2_b-01

வள்ளுவம்-வசனகவிதையில்-கவிஞர்வாலி - Page 4 100-00-0000-561-2_b-01

இதில் திருக்குறளுக்கு வசன கவிதை நடையில்
புது வடிவம் கொடுத்திருக்கிறார்..வாலி அவர்கள்

நான் ரசித்தவை....நீங்களும் ரசிக்க இந்த திரி..
திரி கொளுத்தியாயிற்று...உங்கள் ஆதரவை வேண்டி...தமிழ்நேசன் புன்னகை

by **தமிழ்நேசன்1981** Wed Oct 15, 2014 8:14 pm

நிறைமொழி மாந்தர் பெருமை நிலத்து
மறைமொழி காட்டி விடும்.

சொல்வாக்கை-
சுருதியைப் போல் சொல்வார்
செல்வாக்கை…

தரை தகர்ந்திடினும்-
தான் தகர்ந்திடாது-

நில்வாக்காய்
நிலைபெறும் அவர்களது
நல்வாக்கே…

சான்றோர்
சான்றாண்மைக்குச்
சான்றாய் நின்று
சகத்திற்குச் காட்டும்; அவர்-
இறக்க நேரினும் –அவர்கது
இறவாப் புகழை ஊட்டும்!

by **தமிழ்நேசன்1981** Wed Oct 15, 2014 8:14 pm

குணமென்னும் குன்றேறி நின்றார் வெகுளி
கணமேயும் காத்தல் அரிது.

சீலம் என்றும்
சிறுமலை-
சிகரம் ஏறிய
செம்மலை

சேராது
சினம்;
சேரினும்-அது
சீவிப்பது கணம்!

ஆயினும்
அதனின்று –ஒருவன்
பிழைப்பது சிரமம்; உற்றார்-
பாடநேரும் சரமம்!

by **தமிழ்நேசன்1981** Wed Oct 15, 2014 8:15 pm

அந்தணர் என்போர் அறவோர்மற் றெவ்வுயிர்க்கும்
செந்தண்மை பூண்டொழுக லாண்.

‘இன்னோர் உயிரல்ல-
இன்னோர் உயிர்; அவ்
இன்னோர் உயிர் –தன்
இன்னோர் உயிர்!’

என-
எண்ணி…

அது அழுதால் தானழுது;
அது சிரித்தால் தான்சிரித்து…

ஆர் இருப்பரோ-
அவரே-
அந்தண்மை மிக்கவர்;
அந்தணர் எனத் தக்கவர்!

by Sponsored content

வள்ளுவம்-வசனகவிதையில்-கவிஞர்வாலி

வள்ளுவம்-வசனகவிதையில்-கவிஞர்வாலி

Re: வள்ளுவம்-வசனகவிதையில்-கவிஞர்வாலி

Re: வள்ளுவம்-வசனகவிதையில்-கவிஞர்வாலி

Re: வள்ளுவம்-வசனகவிதையில்-கவிஞர்வாலி

Re: வள்ளுவம்-வசனகவிதையில்-கவிஞர்வாலி