வள்ளுவம்-வசனகவிதையில்-கவிஞர்வாலி

by **தமிழ்நேசன்1981** Mon Oct 13, 2014 9:01 pm

First topic message reminder :

ஈகரை உறவுகளே...
நான் சமீபமாக நூலத்திலிருந்து எடுத்துவந்த நூல்
கவிஞர் வாலி எழுதிய வள்ளுவம் என்ற நூல் ஆகும்
வள்ளுவம்-வசனகவிதையில்-கவிஞர்வாலி - Page 2 100-00-0000-561-2_b-01

வள்ளுவம்-வசனகவிதையில்-கவிஞர்வாலி - Page 2 100-00-0000-561-2_b-01

இதில் திருக்குறளுக்கு வசன கவிதை நடையில்
புது வடிவம் கொடுத்திருக்கிறார்..வாலி அவர்கள்

நான் ரசித்தவை....நீங்களும் ரசிக்க இந்த திரி..
திரி கொளுத்தியாயிற்று...உங்கள் ஆதரவை வேண்டி...தமிழ்நேசன் புன்னகை

by **தமிழ்நேசன்1981** Tue Oct 14, 2014 9:35 am

பிறவிப் பெருங்கடல் நீந்துவர் நீந்தார்
இறைவன் அடிசேரா தார்.

அடி; முடி;
அற்றவன் –
அடி…

சிந்தையில் ஏந்துவார் – ஜன்ம
சமுத்திரம் நீந்துவார்!

அவ்வாறு –
அடி; முடி;
அற்றவன்-
அடி…

நினையாத அயலார் –
நீந்திட இயலார்;
ஏற்பார் கடல்; மீட்டும் –
எடுப்பார் உடல்!

by **M.Saranya** Tue Oct 14, 2014 9:47 am

அற்புதம் நண்பரே !!!!

இந்த திரியை இனிதே தொடர வாழ்த்துக்கள் .

by **ayyasamy ram** Tue Oct 14, 2014 10:20 am

by **தமிழ்நேசன்1981** Tue Oct 14, 2014 5:29 pm

வான்சிறப்பு
அதிகாரம் 2

வான்நின்று உலகம் வழங்கி வருதலால்
தான்அமிழ்தம் என்றுணரற் பாற்று.

மழையை –
மழையென மொழிதல் பிழை; அதனை –
சாவா திருக்க சகத்துக் குதவும்
மூவா மருந்தென அழை!

நிலம் என்னும்
நேரிழை – நிலைத்து
நிற்கக் காரணம்
நீரிழை;
நேரிழையைக் காக்கும்
நீரிழையை –
நிலத்துக் கனுப்புதல்
நிறங் கறுத்த…

மஞ்சுப் பொதி – எனும்
பஞ்சுப் பொதி!

by **தமிழ்நேசன்1981** Tue Oct 14, 2014 5:30 pm

துப்பார்க்குத் துப்பாய துப்பாக்கித் துப்பார்க்குத்
துப்பாய தூஉம் மழை.

மழை - ஒரு
மகத்தான சொல்;
மற்றவர்க்கும் - அதன்
மகத்துவம் சொல்!

உலகோர் –
உண்ணும்…

ஆகாரத்திற்கு அதுவே
ஆதார மாகும்; அங்ஙனம்
ஆதார மான அதுவே
ஆகார மாகும்!

நீருணவு;
சோறுணவு; என –
ஈருணவாய்
இருப்பது மழை!

அதை
ஏத்திப் பிழை;
ஏத்தாதிருப்பது பிழை!

by **தமிழ்நேசன்1981** Tue Oct 14, 2014 5:31 pm

விண்இன்று பொய்ப்பின் விரிநீர் வியனுலகத்து
உள்நின்று உடற்றும் பசி.

அது ஒன்றும்
அரிச்சந்திரன் அல்ல -
பருவ மழையைப்
பொய்க்காது என்று சொல்ல!

அது –
வார்த்தை தவறியதுண்டு; அதனால்
உயிர்கள் தவறியதுண்டு!

உலக
உருண்டையை –
குடிக்கக்
குவளைநீர் உதவாத…

கடல் சூழ்ந்து
கண்டபலன் யாது? பசி –
குடல் சூழ்ந்து
குடைந்தெடுக்கும் போது!

by **தமிழ்நேசன்1981** Tue Oct 14, 2014 5:31 pm

ஏரின் உழாஅர் உழவர் புயலென்னும்
வாரி வளங்குன்றிக் கால்.

வருஷா வருஷம் – வானம்
வருஷிப்பதுதான் - உழவர்க்கு
வருஷாந்திர வரும்படி;

விழுந்து விழுந்து - வானத்தை
வேண்டி வேண்டி நிற்பர் – அந்த
வரும்படி விடாது வரும்படி!

வானம் வற்றிப்போய்
வரவர…
நீர்வரத்து
நின்று போனால் – வயலுக்கு
ஏர்வரத்தும்
நின்றுபோகும்!

by **தமிழ்நேசன்1981** Tue Oct 14, 2014 5:32 pm

கெடுப்பதூஉம் கெட்டார்க்குச் சார்வாய் மற்றாங்கே
எடுப்பதூஉம் எல்லாம் மழை.

மழைக்கும் மண்ணுக்கும்
மனத்தாங்கல் வந்து…

உறவு
விட்டுப் போகும்;
ஊர்
கெட்டுப் போகும்;
பயிர் பச்சை
பட்டுப் போகும்!

மழையே மண்ணோடு -
மறுபடி சமரசம் ஆகி…

விட்ட -
உறவையும்;
கெட்ட -
ஊரையும்;
பட்ட -
பயிர் பச்சையையும்…

சரி செய்யும்; அங்ஙனம் –
செய்வதற்காய்ப் பெய்யும்!

by **தமிழ்நேசன்1981** Tue Oct 14, 2014 5:32 pm

விசும்பின் துளிவீழின் அல்லால்மற் றாங்கே
பசும்புல் தலைகாண் பரிது.

வானம் என்னும்
ஊர் விட்டு
நிலம் வரவேண்டும் - ஒரு
நீர்ச் சொட்டு!

இல்லையேல் -
இந்த…

பூமியில் – சிறு
புல் லெழாது;
புல் லெழாத பூமியில் –
நெல் லெழாது;

புல்லும் நெல்லும் –
புறப்படா சோகம்…

சொல்ல நினைப்பினும் –
சொல் லெழாது!

by **தமிழ்நேசன்1981** Tue Oct 14, 2014 5:33 pm

நெடுங்கடலும் தன்நீர்மை குன்றும் தடிந்தெழிலி
தான்நல்கா தாகி விடின்.

விண்ணீர் மேகம்
வாரியிடம் வாங்கிய –
தண்ணீர்க் கடனைத்
திருப்பித் தராவிடில்…

ஆகும்
அரை கடல் –
கங்குலும் பகலும்
குரை கடல்!