கடற்கரையை சுத்தப்படுத்த வருகின்றன அமெரிக்க இயந்திரங்கள் !

கடற்கரையை சுத்தப்படுத்த வருகின்றன அமெரிக்க இயந்திரங்கள் : விலை ரூ.40 லட்சம் என்பதால் வாடகைக்கு பயன்படுத்த முடிவு!




சென்னை: மெரீனா, எலியட்ஸ் கடற்கரை மணல் பரப்புகளை சுத்தப்படுத்த, அமெரிக்க நிறுவனத்திடம் புதிய இயந்திரங்களை வாங்க, சென்னை மாநகராட்சி முடிவு செய்துள்ளது. விரைவில் சோதனை அடிப்படையில் கடற்கரையை சுத்தப்படுத்தும் முயற்சியும் நடைபெற உள்ளது.
மெரீனா, எலியட்ஸ் கடற்கரைகளில் குவியும் குப்பையை அகற்ற, தற்போது மணல் சலிக்கும் இயந்திரம் பயன்படுத்தப்படுகிறது.

ரூ. 20 லட்சம் போச்சு

குறைந்த திறன் கொண்ட, (400 எச்.டி.,) இரண்டு இயந்திரங்கள், மாநகராட்சியில் உள்ளன. 2010ம் ஆண்டு, 20 லட்சம் ரூபாய் செலவில் வாங்கப்பட்ட இயந்திரம், தற்போது பழுதடைந்து ஓரம் கட்டப்பட்டுள்ளது. அதே ஆண்டு, 30 லட்சம் ரூபாய் செலவில் கொள்முதல் செய்யப்பட்ட மற்றொரு இயந்திரம் பயன்பாட்டில் உள்ளது.

ஆனால், இந்த ஒரு இயந்திரத்தை வைத்து, ஒட்டுமொத்த கடற்கரை மணல் பரப்புகளையும் சுத்தப்படுத்த முடியவில்லை. அதனால், அமெரிக்க நிறுவனத்திடம் இருந்து நவீன இயந்திரங்களை கொள்முதல் செய்ய, மாநகராட்சி திட்டமிட்டு உள்ளது.

ரிப்பன் மாளிகையில் மாநகராட்சி கமிஷனர் விக்ரம் கபூர் தலைமையில், நேற்று அமெரிக்க நிறுவன பிரதிநிதிகளுடன் ஆலோசனை கூட்டம் நடந்தது.

விளக்கம்

இதில், தங்கள் நிறுவனத்தின் இயந்திரம் அமெரிக்கா, ஆஸ்திரேலியா, இலங்கை உட்பட பல்வேறு நாடுகளில் கடற்கரையை சுத்தப்படுத்த பயன்படுத்தப்பட்டு வருவது குறித்து வீடியோ மூலம், நிறுவன பிரதிநிதிகள் விளக்கினர். அதை பார்வையிட்ட மாநகராட்சி கமிஷனர், சென்னை கடற்கரையில், நவீன இயந்திரங்கள் மூலம் கடற்கரையை சுத்தப்படுத்தும் பணியை, அந்த நிறுவனம் மூலமே சோதனை ஓட்டம் மூலம் செய்து காண்பிக்க கோரினார். இதற்கு ஒப்புக் கொண்ட அந்த நிறுவனம், விரைவில் கடற்கரையை சுத்தப்படுத்தும் பணியை, தங்கள் இயந்திரம் மூலம் மேற்கொள்ள உள்ளது.

இதுகுறித்து மாநகராட்சி அதிகாரி ஒருவர் கூறியதாவது:

அமெரிக்க நிறுவன இயந்திரங்கள் அதிக திறன் (600 எச்.டி.,) கொண்டவை. இந்தியாவில் மும்பை, டில்லி, சென்னை உட்பட பல்வேறு நகரங்களுக்கு, இந்த இயந்திரங்களை அந்நிறுவனம் வழங்க உள்ளது. இதன் விலை 40 லட்சம் ரூபாய்.சுத்தமாகும் ஒரு மணிநேரத்திற்கு மூன்று ஹெக்டேர் பரப்பளவிற்கு இயந்திரம் மணல் பரப்பில் உள்ள குப்பையை அகற்றும். மணல் பரப்பு தெளிவாக இருக்கும்.
சென்னை மாநகராட்சியில் வாடகை அடிப்படையில் இந்த இயந்திரத்தை பயன்படுத்த முடிவு செய்யப்பட்டுள்ளது. நிறுவனமே இயந்திரத்தை இயக்கி, பராமரிக்க வேண்டும் என்று நிபந்தனை விதிக்கப்பட்டுள்ளது. இதற்கு அந்நிறுவனமும் ஒப்புக் கொண்டுள்ளது. மேலிட நிர்வாகிகளிடம் பேசி முடிவு தெரிவித்த பிறகு, கடற்கரை சுத்தப்படுத்தும் பணிகள் முறையாக துவங்கும்.
இவ்வாறு அந்த அதிகாரி கூறினார்.


கடைகளுக்கு முற்றுப்புள்ளி எப்போது?

கடற்கரையில் குப்பை அதிகரிக்க, அங்கு அதிகரிக்கும் கடைகள் முக்கிய காரணம். மெரீனாவில் கடைகளை முறைப்படுத்த நீதிமன்றம் வழிகாட்டுதல்களை வழங்கியும், தமிழக அரசும், சென்னை மாநகராட்சியும் மவுனம் காப்பதால், கடந்த இரண்டு ஆண்டுகளுக்கு முன், 1,300 என இருந்த கடைகள், தற்போது, 2,500 ஆக அதிகரித்துள்ளது. எலியட்ஸ் கடற்கரை மணல் பரப்பிலும் ஆங்காங்கே நுாற்றுக்கும் மேற்பட்ட புதிய கடைகள் முளைத்துள்ளன. புதிய கடைகள் உருவாவதை தடுக்காமல், மாநகராட்சி கடற்கரை மணல் பரப்புக்களை சுத்தப்படுத்த முயல்வது தோல்வியில் தான் முடியும் என்று, கடற்கரை பாதுகாப்பு ஆர்வலர்கள் கருத்து தெரிவித்துள்ளனர்.

தினமலர்

//குறைந்த திறன் கொண்ட, (400 எச்.டி.,) இரண்டு இயந்திரங்கள், மாநகராட்சியில் உள்ளன. 2010ம் ஆண்டு, 20 லட்சம் ரூபாய் செலவில் வாங்கப்பட்ட இயந்திரம், தற்போது பழுதடைந்து ஓரம் கட்டப்பட்டுள்ளது. //

அதை வாடகைக்கு வாங்கி பயன் படுத்துவதை விட இதை சரி செய்யலாமே?......................ஒ....இப்போ புதுசாக கமிழன் கிடைக்காது என்பதால்.....................அதை கிடப்பில் போட்டு விட்டு புதுசு வாங்கறாங்களா ?????????????/

புதிய கடைகள் உருவாவதை தடுக்காமல், மாநகராட்சி கடற்கரை மணல் பரப்புக்களை சுத்தப்படுத்த முயல்வது தோல்வியில் தான் முடியும் என்று, கடற்கரை பாதுகாப்பு ஆர்வலர்கள் கருத்து தெரிவித்துள்ளனர்.

தினமலர் [/quote] மேற்கோள் செய்த பதிவு: 1095100

முதலில் கடைகளை அப்புறப்படுத்த நடவடிக்கை எடுங்கள் ...
பின்பு தூய்மை நடவவடிக்கையை செய்யலாம்...